헬라어 문장 검색 - ΑριστοπήΤηεσμοπ́08́0́0́

(아리스토파네스, Thesmophoriazusae, Episode)

ἰώμεν ἐπὶ τὰσ κληματίδασ ὦ Μανία. κἀγώ σ’ ἀποδείξω θυμάλωπα τήμερον. ὕφαπτε καὶ κάταιθε· σὺ δὲ τὸ Κρητικὸν ἀπόδυθι ταχέωσ· τοῦ θανάτου δ’ ὦ παιδίον μόνην γυναικῶν αἰτιῶ τὴν μητέρα. τουτὶ τί ἔστιν; ἀσκὸσ ἐγένεθ’ ἡ κόρη οἴνου πλέωσ καὶ ταῦτα Περσικὰσ ἔχων. ὦ θερμόταται γυναῖκεσ, ὦ ποτίσταται κἀκ παντὸσ ὑμεῖσ μηχανώμεναι πιεῖν, ὦ μέγα καπήλοισ ἀγαθὸν ἡμῖν δ’ αὖ κακόν, κακὸν δὲ καὶ τοῖσ σκευαρίοισ καὶ τῇ κρόκῃ. παράβαλλε πολλὰσ κληματίδασ ὦ Μανία. παράβαλλε δῆτα· σὺ δ’ ἀπόκριναί μοι τοδί, τουτὶ τεκεῖν φῄσ; <καὶ> δέκα μῆνασ αὔτ’ ἐγὼ ἤνεγκον. ἤνεγκασ σύ; νὴ τὴν Ἄρτεμιν. πρικότυλον ἢ πῶσ; εἰπέ μοι. τί μ’ ἠργάσω; ἀπέδυσασ ὦναίσχυντέ μου τὸ παιδίον τυννοῦτον ὄν. τυννοῦτο; μικρὸν νὴ Δία. πόσ’ ἔτη δὲ γέγονε; τρεῖσ Χοᾶσ ἢ τέτταρασ; σχεδὸν τοσοῦτον χὤσον ἐκ Διονυσίων. ἀλλ’ ἀπόδοσ αὐτό. μὰ τὸν Ἀπόλλω τουτονί. ἐμπρήσομεν τοίνυν σε. πάνυ γ’ ἐμπίμπρατε· αὕτη δ’ ἀποσφαγήσεται μάλ’ αὐτίκα. μὴ δῆθ’, ἱκετεύω σ’· ἀλλ’ ἔμ’ ὅ τι χρῄζεισ ποίει ὑπέρ γε τούτου. φιλότεκνόσ τισ εἶ φύσει. ἀλλ’ οὐδὲν ἧττον ἥδ’ ἀποσφαγήσεται οἴμοι τέκνον. δόσ μοι σφαγεῖον Μανία, ἵν’ οὖν τό γ’ αἷμα τοῦ τέκνου τοὐμοῦ λάβω. ὕπεχ’ αὐτό, χαριοῦμαι γὰρ ἕν γε τοῦτό σοι. κακῶσ ἀπόλοι’, ὡσ φθονερὸσ εἶ καὶ δυσμενήσ. τουτὶ τὸ δέρμα τῆσ ἱερείασ γίγνεται. τί τῆσ ἱερείασ γίγνεται; τουτί. λαβέ. ταλαντάτη Μίκκα τίσ ἐξεκόρησέ σε; τίσ τὴν ἀγαπητὴν παῖδά σοὐξῃρήσατο; ὁ πανοῦργοσ οὗτοσ. ἀλλ’ ἐπειδήπερ πάρει, φύλαξον αὐτόν, ἵνα λαβοῦσα Κλεισθένη τοῖσιν πρυτάνεσιν ἃ πεποίηχ’ οὗτοσ φράσω. ἄγε δὴ τίσ ἔσται μηχανὴ σωτηρίασ; τίσ πεῖρα, τίσ ἐπίνοι’; ὁ μὲν γὰρ αἴτιοσ κἄμ’ ἐσκυλίσασ ἐσ τοιαυτὶ πράγματα οὐ φαίνεταί πω. φέρε τίν’ οὖν <ἂν> ἄγγελον πέμψαιμ’ ἐπ’ αὐτόν; οἶδ’ ἐγὼ καὶ δὴ πόρον ἐκ τοῦ Παλαμήδουσ· ὡσ ἐκεῖνοσ, τὰσ πλάτασ ῥίψω γράφων. ἀλλ’ οὐ πάρεισιν αἱ πλάται. πόθεν οὖν γένοιντ’ ἄν μοι πλάται πόθεν; <πόθεν; > τί δ’ ἂν εἰ ταδὶ τἀγάλματ’ ἀντὶ τῶν πλατῶν γράφων διαρρίπτοιμι; βέλτιον πολύ. ξύλον γέ τοι καὶ ταῦτα κἀκεῖν’ ἦν ξύλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Thesmophoriazusae, Episode

(아리스토파네스, Thesmophoriazusae, Episode)

상위

목록

SEARCH

MENU NAVIGATION