헬라어 문장 검색 - ΑριστοπήΠεαξέ7́02́0́

(아리스토파네스, Peace, Lyric-Scene, anapests)

ὦ σεμνοτάτη βασίλεια θεὰ πότνι’ Εἰρήνη, δέσποινα χορῶν, δέσποινα γάμων, δέξαι θυσίαν τὴν ἡμετέραν. δέξαι δῆτ’ ὦ πολυτιμήτη νὴ Δία, καὶ μὴ ποίει γ’ ἅπερ αἱ μοιχευόμεναι δρῶσι γυναῖκεσ. καὶ γὰρ ἐκεῖναι παρακλίνασαι τῆσ αὐλείασ παρακύπτουσιν, κἄν τισ προσέχῃ τὸν νοῦν αὐταῖσ ἀναχωροῦσιν, κᾆτ’ ἢν ἀπίῃ παρακύπτουσιν. τούτων σὺ ποίει μηδὲν ἔθ’ ἡμᾶσ. μὰ Δί’ ἀλλ’ ἀπόφηνον ὅλην σαυτὴν γενναιοπρεπῶσ τοῖσιν ἐρασταῖσ ἡμῖν, οἵ σου τρυχόμεθ’ ἤδη τρία καὶ δέκ’ ἔτη, λῦσον δὲ μάχασ καὶ κορκορυγάσ, ἵνα Λυσιμάχην σε καλῶμεν. παῦσον δ’ ἡμῶν τὰσ ὑπονοίασ τὰσ περικόμψουσ, αἷσ στωμυλλόμεθ’ εἰσ ἀλλήλουσ· μεῖξον δ’ ἡμᾶσ τοὺσ Ἕλληνασ πάλιν ἐξ ἀρχῆσ φιλίασ χυλῷ καὶ συγγνώμῃ τινὶ πρᾳοτέρᾳ κέρασον τὸν νοῦν· καὶ τὴν ἀγορὰν ἡμῖν ἀγαθῶν ἐμπλησθῆναι, μεγάλων σκορόδων, σικύων πρῴων, μήλων, ῥοιῶν. δούλοισι χλανισκιδίων μικρῶν· κἀκ Βοιωτῶν γε φέροντασ ἰδεῖν χῆνασ νήττασ φάττασ τροχίλουσ· καὶ Κωπᾴδων ἐλθεῖν σπυρίδασ, καὶ περὶ ταύτασ ἡμᾶσ ἁθρόουσ ὀψωνοῦντασ τυρβάζεσθαι Μορύχῳ Τελέᾳ Γλαυκέτῃ, ἄλλοισ τένθαισ πολλοῖσ· κᾆτα Μελάνθιον ἥκειν ὕστερον ἐσ τὴν ἀγοράν, τὰσ δὲ πεπρᾶσθαι, τὸν δ’ ὀτοτύζειν, εἶτα μονῳδεῖν ἐκ Μηδείασ, ὀλόμαν ὀλόμαν, ἀποχηρωθεὶσ τᾶσ ἐν τεύτλοισι λοχευομένασ· τοὺσ δ’ ἀνθρώπουσ ἐπιχαίρειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Peace, Lyric-Scene, anapests

(아리스토파네스, Peace, Lyric-Scene, anapests)

상위

목록

SEARCH

MENU NAVIGATION