헬라어 문장 검색 - ΑριστοπήΠεαξέ6́00́0́

(아리스토파네스, Peace, Lyric-Scene)

ὡσ χαλεπὸν ἐλθεῖν ἦν ἄρ’ εὐθὺ τῶν θεῶν. ἔγωγέ τοι πεπόνηκα κομιδῇ τὼ σκέλει. μικροὶ δ’ ὁρᾶν ἄνωθεν ἦστ’. ἔμοιγέ τοι ἀπὸ τοὐρανοῦ ’φαίνεσθε κακοήθεισ πάνυ, ἐντευθενὶ δὲ πολύ τι κακοηθέστεροι. ὦ δέσποθ’ ἥκεισ; ὡσ ἐγὼ ’πυθόμην τινόσ. τί δ’ ἔπαθεσ; ἤλγουν τὼ σκέλει μακρὰν ὁδὸν διεληλυθώσ. ἴθι νυν κάτειπέ μοι ‐ τὸ τί; ἄλλον τιν’ εἶδεσ ἄνδρα κατὰ τὸν ἀέρα πλανώμενον πλὴν σαυτόν; οὔκ, εἰ μή γέ που ψυχὰσ δύ’ ἢ τρεῖσ διθυραμβοδιδασκάλων. τί δ’ ἔδρων; ξυνελέγοντ’ ἀναβολὰσ ποτώμεναι τὰσ ἐνδιαεριαυερινηχέτουσ τινάσ. οὐκ ἦν ἄρ’ οὐδ’ ἃ λέγουσι, κατὰ τὸν ἀέρα ὡσ ἀστέρεσ γιγνόμεθ’, ὅταν τισ ἀποθάνῃ; μάλιστα. καὶ τίσ ἐστιν ἀστὴρ νῦν ἐκεῖ; Ιὤν ὁ Χῖοσ, ὅσπερ ἐποίησεν πάλαι ἐνθάδε τὸν ἀοῖόν ποθ’· ὡσ δ’ ἦλθ’, εὐθέωσ ἀοῖον αὐτὸν πάντεσ ἐκάλουν ἀστέρα. τίνεσ γάρ εἰσ’ οἱ διατρέχοντεσ ἀστέρεσ, οἳ καόμενοι θέουσιν; ἀπὸ δείπνου τινὲσ τῶν πλουσίων οὗτοι βαδίζουσ’ ἀστέρων, ἰπνοὺσ ἔχοντεσ, ἐν δὲ τοῖσ ἰπνοῖσι πῦρ. ἀλλ’ εἴσαγ’ ὡσ τάχιστα ταυτηνὶ λαβών, καὶ τὴν πύελον κατάκλυζε καὶ θέρμαιν’ ὕδωρ, στόρνυ τ’ ἐμοὶ καὶ τῇδε κουρίδιον λέχοσ. καὶ ταῦτα δράσασ ἧκε δεῦρ’ αὖθισ πάλιν· ἐγὼ δ’ ἀποδώσω τήνδε τῇ βουλῇ τέωσ. πόθεν δ’ ἔλαβεσ ταύτασ; ὁπόθεν; ἐκ τοὐρανοῦ. οὐκ ἂν ἔτι δοίην τῶν θεῶν τριώβολον, εἰ πορνοβοσκοῦσ’ ὥσπερ ἡμεῖσ οἱ βροτοί. οὔκ, ἀλλὰ κἀκεῖ ζῶσιν ἀπὸ τούτων τινέσ. ἄγε νυν ἰώμεν. εἰπέ μοι, δῶ καταφαγεῖν ταύτῃ τι; μηδέν· οὐ γὰρ ἐθελήσει θαγεῖν οὔτ’ ἄρτον οὔτε μᾶζαν, εἰωθυῖ’ ἀεὶ παρὰ τοῖσ θεοῖσιν ἀμβροσίαν λείχειν ἄνω. λείχειν ἄρ’ αὐτῇ κἀνθάδε σκευαστέον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Peace, Lyric-Scene

(아리스토파네스, Peace, Lyric-Scene)

상위

목록

SEARCH

MENU NAVIGATION