헬라어 문장 검색 - ΑριστοπήΦρογσ́10́00́2́

(아리스토파네스, Frogs, Lyric-Scene 2:)

Αἴγυπτοσ, ὡσ ὁ πλεῖστοσ ἔσπαρται λόγοσ, ξὺν παισὶ πεντήκοντα ναυτίλῳ πλάτῃ Ἄργοσ κατασχών ‐ ληκύθιον ἀπώλεσεν. τουτὶ τί ἦν τὸ ληκύθιον; οὐ κλαύσεται; λέγ’ ἕτερον αὐτῷ πρόλογον, ἵνα καὶ γνῶ πάλιν. Διόνυσοσ, ὃσ θύρσοισι καὶ νεβρῶν δοραῖσ καθαπτὸσ ἐν πεύκαισι Παρνασσὸν κάτα πηδᾷ χορεύων ‐ ληκύθιον ἀπώλεσεν. οἴμοι πεπλήγμεθ’ αὖθισ ὑπὸ τῆσ ληκύθου. ἀλλ’ οὐδὲν ἔσται πρᾶγμα· πρὸσ γὰρ τουτονὶ τὸν πρόλογον οὐχ ἕξει προσάψαι λήκυθον. οὐκ ἔστιν ὅστισ πάντ’ ἀνὴρ εὐδαιμονεῖ· ἢ γὰρ πεφυκὼσ ἐσθλὸσ οὐκ ἔχει βίον, ἢ δυσγενὴσ ὤν ‐ ληκύθιον ἀπώλεσεν. Εὐριπίδη ‐ τί ἔσθ’; ὑφέσθαι μοι δοκεῖ· τὸ ληκύθιον γὰρ τοῦτο πνευσεῖται πολύ. οὐδ’ ἂν μὰ τὴν Δήμητρα φροντίσαιμί γε· νυνὶ γὰρ αὐτοῦ τοῦτό γ’ ἐκκεκόψεται. ἴθι δὴ λέγ’ ἕτερον κἀπέχου τῆσ ληκύθου. Σιδώνιόν ποτ’ ἄστυ Κάδμοσ ἐκλιπὼν Ἀγήνοροσ παῖσ ‐ ληκύθιον ἀπώλεσεν. ὦ δαιμόνι’ ἀνδρῶν ἀποπρίω τὴν λήκυθον, ἵνα μὴ διακναίσῃ τοὺσ προλόγουσ ἡμῶν. τὸ τί; ἐγὼ πρίωμαι τῷδ’; ἐὰν πείθῃ γ’ ἐμοί. οὐ δῆτ’, ἐπεὶ πολλοὺσ προλόγουσ ἕξω λέγειν ἵν’ οὗτοσ οὐχ ἕξει προσάψαι ληκύθιον. Πέλοψ ὁ Ταντάλειοσ ἐσ Πῖσαν μολὼν θοαῖσιν ἵπποισ ‐ ληκύθιον ἀπώλεσεν. ὁρᾷσ, προσῆψεν αὖθισ αὖ τὴν λήκυθον. ἀλλ’ ὦγάθ’ ἔτι καὶ νῦν ἀπόδοσ πάσῃ τέχνῃ· λήψει γὰρ ὀβολοῦ πάνυ καλήν τε κἀγαθήν. μὰ τὸν Δί’ οὔπω γ’· ἔτι γὰρ εἰσί μοι συχνοί. Οἰνεύσ ποτ’ ἐκ γῆσ ‐ ληκύθιον ἀπώλεσεν. ἐάσον εἰπεῖν πρῶθ’ ὅλον με τὸν στίχον. Οἰνεύσ ποτ’ ἐκ γῆσ πολύμετρον λαβὼν στάχυν θύων ἀπαρχάσ ‐ ληκύθιον ἀπώλεσεν. μεταξὺ θύων; καὶ τίσ αὔθ’ ὑφείλετο; ἐά αὐτὸν ὦ τᾶν· πρὸσ τοδὶ γὰρ εἰπάτω. Ζεύσ, ὡσ λέλεκται τῆσ ἀληθείασ ὕπο ‐ ἀπολεῖ σ’· ἐρεῖ γάρ, ληκύθιον ἀπώλεσεν. τὸ ληκύθιον γὰρ τοῦτ’ ἐπὶ τοῖσ προλόγοισί σου ὥσπερ τὰ σῦκ’ ἐπὶ τοῖσιν ὀφθαλμοῖσ ἔφυ. ἀλλ’ ἐσ τὰ μέλη πρὸσ τῶν θεῶν αὐτοῦ τραποῦ. καὶ μὴν ἔχω γ’ οἷσ αὐτὸν ἀποδείξω κακὸν μελοποιὸν ὄντα καὶ ποιοῦντα ταὔτ’ ἀεί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Frogs, Lyric-Scene 2:

(아리스토파네스, Frogs, Lyric-Scene 2:)

상위

목록

SEARCH

MENU NAVIGATION