헬라어 문장 검색 - ΑριστοπήΦρογσ́03́00́0́

(아리스토파네스, Frogs, Lyric-Scene)

ἄγε δὴ τίνα τρόπον τὴν θύραν κόψω; τίνα; πῶσ ἐνθάδ’ ἄρα κόπτουσιν οὑπιχώριοι; οὐ μὴ διατρίψεισ, ἀλλὰ γεύσει τῆσ θύρασ, καθ’ Ἡρακλέα τὸ σχῆμα καὶ τὸ λῆμ’ ἔχων. παῖ παῖ. τίσ οὗτοσ; Ἡρακλῆσ ὁ καρτερόσ. ὦ βδελυρὲ κἀναίσχυντε καὶ τολμηρὲ σὺ καὶ μιαρὲ καὶ παμμίαρε καὶ μιαρώτατε, ὃσ τὸν κύν’ ἡμῶν ἐξελάσασ τὸν Κέρβερον ἀπῇξασ ἄγχων κἀποδρὰσ ᾤχου λαβών, ὃν ἐγὼ ’φύλαττον. ἀλλὰ νῦν ἔχει μέσοσ· τοία Στυγόσ σε μελανοκάρδιοσ πέτρα Ἀχερόντιόσ τε σκόπελοσ αἱματοσταγὴσ φρουροῦσι, Κωκυτοῦ τε περίδρομοι κύνεσ, ἔχιδνά θ’ ἑκατογκέφαλοσ, ἣ τὰ σπλάγχνα σου διασπαράξει, πλευμόνων τ’ ἀνθάψεται Ταρτησία μύραινα· τὼ νεφρὼ δέ σου αὐτοῖσιν ἐντέροισιν ᾑματωμένω διασπάσονται Γοργόνεσ Τειθράσιαι, ἐφ’ ἃσ ἐγὼ δρομαῖον ὁρμήσω πόδα. οὗτοσ τί δέδρακασ; ἐγκέχοδα· κάλει θεόν. ὦ καταγέλαστ’ οὔκουν ἀναστήσει ταχὺ πρίν τινά σ’ ἰδεῖν ἀλλότριον; ἀλλ’ ὡρακιῶ. ἀλλ’ οἶσε πρὸσ τὴν καρδίαν μου σφογγιάν. ἰδοὺ λαβέ, προσθοῦ. ποῦ ’στιν; ὦ χρυσοῖ θεοὶ ἐνταῦθ’ ἔχεισ τὴν καρδίαν; δείσασα γὰρ ἐσ τὴν κάτω μου κοιλίαν καθείρπυσεν. ὦ δειλότατε θεῶν σὺ κἀνθρώπων. ἐγώ; πῶσ δειλὸσ ὅστισ σφογγιὰν ᾔτησά σε; οὐκ ἂν ἕτερόσ γ’ αὔτ’ ἠργάσατ’ ἀνήρ. ἀλλὰ τί; κατέκειτ’ ἂν ὀσφραινόμενοσ, εἴπερ δειλὸσ ἦν· ἐγὼ δ’ ἀνέστην καὶ προσέτ’ ἀπεψησάμην. ἀνδρεῖά γ’ ὦ Πόσειδον. οἶμαι νὴ Δία. σὺ δ’ οὐκ ἔδεισασ τὸν ψόφον τῶν ῥημάτων καὶ τὰσ ἀπειλάσ; οὐ μὰ Δί’ οὐδ’ ἐφρόντισα. ἴθι νυν ἐπειδὴ ληματίασ κἀνδρεῖοσ εἶ, σὺ μὲν γενοῦ ’γὼ τὸ ῥόπαλον τουτὶ λαβὼν καὶ τὴν λεοντῆν, εἴπερ ἀφοβόσπλαγχνοσ εἶ· ἐγὼ δ’ ἔσομαί σοι σκευοφόροσ ἐν τῷ μέρει. φέρε δὴ ταχέωσ αὔτ’· οὐ γὰρ ἀλλὰ πειστέον· καὶ βλέψον ἐσ τὸν Ἡρακλειοξανθίαν, εἰ δειλὸσ ἔσομαι καὶ κατὰ σὲ τὸ λῆμ’ ἔχων. μὰ Δί’ ἀλλ’ ἀληθῶσ οὑκ Μελίτησ μαστιγίασ. φέρε νυν ἐγὼ τὰ στρώματ’ αἴρωμαι ταδί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Frogs, Lyric-Scene

(아리스토파네스, Frogs, Lyric-Scene)

상위

목록

SEARCH

MENU NAVIGATION