헬라어 문장 검색 - ΑριστοπήΦρογσ́01́02́0́

(아리스토파네스, Frogs, Prologue, iambics)

ἔμελλον ἄρα παύσειν ποθ’ ὑμᾶσ τοῦ κοάξ. ὢ παῦε παῦε, παραβαλοῦ τὼ κωπίω, ἔκβαιν’, ἀπόδοσ τὸν ναῦλον. ἔχε δὴ τὠβολώ. ὁ Ξανθίασ. ποῦ Ξανθίασ; ἦ Ξανθία. ἰαῦ. βάδιζε δεῦρο. χαῖρ’ ὦ δέσποτα. τί ἔστι τἀνταυθοῖ; σκότοσ καὶ βόρβοροσ. κατεῖδεσ οὖν που τοὺσ πατραλοίασ αὐτόθι καὶ τοὺσ ἐπιόρκουσ, οὓσ ἔλεγεν ἡμῖν; σὺ δ’ οὔ; νὴ τὸν Ποσειδῶ ’γωγε, καὶ νυνί γ’ ὁρῶ. ἄγε δὴ τί δρῶμεν; προϊέναι βέλτιστα νῷν, ὡσ οὗτοσ ὁ τόποσ ἐστὶν οὗ τὰ θηρία τὰ δείν’ ἔφασκ’ ἐκεῖνοσ. ὡσ οἰμώξεται. ἠλαζονεύεθ’ ἵνα φοβηθείην ἐγώ, εἰδώσ με μάχιμον ὄντα φιλοτιμούμενοσ. οὐδὲν γὰρ οὕτω γαῦρόν ἐσθ’ ὡσ Ἡρακλῆσ. ἐγὼ δέ γ’ εὐξαίμην ἂν ἐντυχεῖν τινι λαβεῖν τ’ ἀγώνισμ’ ἄξιόν τι τῆσ ὁδοῦ. νὴ τὸν Δία καὶ μὴν αἰσθάνομαι ψόφου τινόσ. ποῦ ποῦ ’στιν; ἐξόπισθεν. ἐξόπισθ’ ἴθι. ἀλλ’ ἐστὶν ἐν τῷ πρόσθε. πρόσθε νυν ἴθι. καὶ μὴν ὁρῶ νὴ τὸν Δία θηρίον μέγα. ποῖόν τι; δεινόν· παντοδαπὸν γοῦν γίγνεται τοτὲ μέν γε βοῦσ, νυνὶ δ’ ὀρεύσ, τοτὲ δ’ αὖ γυνὴ ὡραιοτάτη τισ. ποῦ ’στι; φέρ’ ἐπ’ αὐτὴν ἰώ. ἀλλ’ οὐκέτ’ αὖ γυνή ’στιν, ἀλλ’ ἤδη κύων. Ἔμπουσα τοίνυν ἐστί. πυρὶ γοῦν λάμπεται ἅπαν τὸ πρόσωπον. καὶ σκέλοσ χαλκοῦν ἔχει; νὴ τὸν Ποσειδῶ, καὶ βολίτινον θάτερον, σάφ’ ἴσθι. ποῖ δῆτ’ ἂν τραποίμην; ποῖ δ’ ἐγώ; ἱερεῦ διαφύλαξόν μ’, ἵν’ ὦ σοι ξυμπότησ. ἀπολούμεθ’ ὦναξ Ἡράκλεισ. οὐ μὴ καλεῖσ μ’ ὦνθρωφ’, ἱκετεύω, μηδὲ κατερεῖσ τοὔνομα. Διόνυσε τοίνυν. τοῦτό γ’ ἧττον θατέρου. ἴθ’ ᾗπερ ἔρχει. δεῦρο δεῦρ’ ὦ δέσποτα. τί δ’ ἔστι; θάρρει· πάντ’ ἀγαθὰ πεπράγαμεν, ἔξεστί θ’ ὥσπερ Ἡγέλοχοσ ἡμῖν λέγειν, ἐκ κυμάτων γὰρ αὖθισ αὖ γαλῆν ὁρῶ. ἥμπουσα φρούδη. κατόμοσον. νὴ τὸν Δία. καὖθισ κατόμοσον. νὴ Δί’. ὄμοσον. νὴ Δία. οἴμοι τάλασ, ὡσ ὠχρίασ’ αὐτὴν ἰδών. ὁδὶ δὲ δείσασ ὑπερεπυρρίασέ σου. οἴμοι, πόθεν μοι τὰ κακὰ ταυτὶ προσέπεσεν; τίν’ αἰτιάσομαι θεῶν μ’ ἀπολλύναι; αἰθέρα Διὸσ δωμάτιον ἢ χρόνου πόδα; αὐλεῖ τισ ἔνδοθεν οὗτοσ. τί ἔστιν; οὐ κατήκουσασ; τίνοσ; αὐλῶν πνοῆσ. ἔγωγε, καὶ δᾴδων γέ με αὔρα τισ εἰσέπνευσε μυστικωτάτη. ἀλλ’ ἠρεμὶ πτήξαντεσ ἀκροασώμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Frogs, Prologue, iambics

(아리스토파네스, Frogs, Prologue, iambics)

상위

목록

SEARCH

MENU NAVIGATION