헬라어 문장 검색 - ΑριστοπήΕξξλεσί06́03́1́

(아리스토파네스, Ecclesiazusae, Agon, epirrheme 1:)

ἀλλ’ οὐδέν τοι χρήσιμον ἔσται πάντωσ αὐτῷ. κατὰ δὴ τί; οὐδεὶσ οὐδὲν πενίᾳ δράσει· πάντα γὰρ ἕξουσιν ἅπαντεσ, ἄρτουσ τεμάχη μάζασ χλαίνασ οἶνον στεφάνουσ ἐρεβίνθουσ. ὥστε τί κέρδοσ μὴ καταθεῖναι; σὺ γὰρ ἐξευρὼν ἀπόδειξον. οὔκουν καὶ νῦν οὗτοι μᾶλλον κλέπτουσ’ οἷσ ταῦτα πάρεστιν; πρότερόν γ’ ὦταῖρ’ ὅτε τοῖσι νόμοισ διεχρώμεθα τοῖσ προτέροισιν· νῦν δ’ ἔσται γὰρ βίοσ ἐκ κοινοῦ, τί τὸ κέρδοσ μὴ καταθεῖναι; ἢν μείρακ’ ἰδὼν ἐπιθυμήσῃ καὶ βούληται σκαλαθῦραι, ἕξει τούτων ἀφελὼν δοῦναι, τῶν ἐκ κοινοῦ δὲ μεθέξει ξυγκαταδαρθών. ἀλλ’ ἐξέσται προῖκ’ αὐτῷ ξυγκαταδαρθεῖν. καὶ ταύτασ γὰρ κοινὰσ ποιῶ τοῖσ ἀνδράσι συγκατακεῖσθαι καὶ παιδοποιεῖν τῷ βουλομένῳ. πῶσ οὖν οὐ πάντεσ ἰάσιν ἐπὶ τὴν ὡραιοτάτην αὐτῶν καὶ ζητήσουσιν ἐρείδειν; αἱ φαυλότεραι καὶ σιμότεραι παρὰ τὰσ σεμνὰσ καθεδοῦνται· κᾆτ’ ἢν ταύτησ ἐπιθυμήσῃ, τὴν αἰσχρὰν πρῶθ’ ὑποκρούσει. καὶ πῶσ ἡμᾶσ τοὺσ πρεσβύτασ, ἢν ταῖσ αἰσχραῖσι συνῶμεν, οὐκ ἐπιλείψει τὸ πέοσ πρότερον πρὶν ἐκεῖσ’ οἷ φῂσ ἀφικέσθαι; οὐχὶ μαχοῦνται· περὶ σοῦ θάρρει· μὴ δείσῃσ· οὐχὶ μαχοῦνται. περὶ τοῦ; τοῦ μὴ ξυγκαταδαρθεῖν. καὶ σοὶ τοιοῦτον ὑπάρχει. τὸ μὲν ὑμέτερον γνώμην τιν’ ἔχει· προβεβούλευται γάρ, ὅπωσ ἂν μηδεμιᾶσ ᾖ τρύπημα κενόν· τὸ δὲ τῶν ἀνδρῶν τί ποιήσει; φεύξονται γὰρ τοὺσ αἰσχίουσ, ἐπὶ τοὺσ δὲ καλοὺσ βαδιοῦνται. ἀλλὰ φυλάξουσ’ οἱ φαυλότεροι τοὺσ καλλίουσ ἀπιόντασ ἀπὸ τοῦ δείπνου καὶ τηρήσουσ’ ἐπὶ τοῖσιν δημοσίοισιν· κοὐκ ἐξέσται παρὰ τοῖσι καλοῖσ <καὶ τοῖσ μεγάλοισ> καταδαρθεῖν ταῖσι γυναιξὶ πρὶν <ἂν> τοῖσ αἰσχροῖσ καὶ τοῖσ μικροῖσ χαρίσωνται. ἡ Λυσικράτουσ ἄρα νυνὶ ῥὶσ ἴσα τοῖσι καλοῖσι φρονήσει. νὴ τὸν Ἀπόλλω καὶ δημοτική γ’ ἡ γνώμη καὶ καταχήνη τῶν σεμνοτέρων ἔσται πολλὴ καὶ τῶν σφραγῖδασ ἐχόντων, ὅταν ἐμβάδ’ ἔχων εἴπῃ πρότεροσ, παραχώρει κᾆτ’ ἐπιτήρει, ὅταν ἤδη ’γὼ διαπραξάμενοσ παραδῶ σοι δευτεριάζειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Ecclesiazusae, Agon, epirrheme 1:

(아리스토파네스, Ecclesiazusae, Agon, epirrheme 1:)

상위

목록

SEARCH

MENU NAVIGATION