헬라어 문장 검색 - ΑριστοπήΞλουδσ́02́7́0́

(아리스토파네스, Clouds, Parodos, anapests)

πρὸσ τοῦ Διὸσ ἀντιβολῶ σε φράσον, τίνεσ εἴσ’ ὦ Σώκρατεσ αὗται αἱ φθεγξάμεναι τοῦτο τὸ σεμνόν; μῶν ἡρῷναί τινέσ εἰσιν; ἥκιστ’ ἀλλ’ οὐράνιαι Νεφέλαι μεγάλαι θεαὶ ἀνδράσιν ἀργοῖσ· αἵπερ γνώμην καὶ διάλεξιν καὶ νοῦν ἡμῖν παρέχουσιν καὶ τερατείαν καὶ περίλεξιν καὶ κροῦσιν καὶ κατάληψιν. ταῦτ’ ἄρ’ ἀκούσασ’ αὐτῶν τὸ φθέγμ’ ἡ ψυχή μου πεπότηται, καὶ λεπτολογεῖν ἤδη ζητεῖ καὶ περὶ καπνοῦ στενολεσχεῖν, καὶ γνωμιδίῳ γνώμην νύξασ’ ἑτέρῳ λόγῳ ἀντιλογῆσαι· ὥστ’ εἴ πωσ ἔστιν ἰδεῖν αὐτὰσ ἤδη φανερῶσ ἐπιθυμῶ. βλέπε νυν δευρὶ πρὸσ τὴν Πάρνηθ’· ἤδη γὰρ ὁρῶ κατιούσασ ἡσυχῇ αὐτάσ. φέρε ποῦ; δεῖξον. χωροῦσ’ αὗται πάνυ πολλαὶ διὰ τῶν κοίλων καὶ τῶν δασέων, αὗται πλάγιαι. τί τὸ χρῆμα; ὡσ οὐ καθορῶ. παρὰ τὴν εἴσοδον. ἤδη νυνὶ μόλισ οὕτωσ. νῦν γέ τοι ἤδη καθορᾷσ αὐτάσ, εἰ μὴ λημᾷσ κολοκύνταισ. νὴ Δί’ ἔγωγ’, ὦ πολυτίμητοι· πάντα γὰρ ἤδη κατέχουσιν. ταύτασ μέντοι σὺ θεὰσ οὔσασ οὐκ ᾔδησθ’ οὐδ’ ἐνόμιζεσ; μὰ Δί’ ἀλλ’ ὁμίχλην καὶ δρόσον αὐτὰσ ἡγούμην καὶ καπνὸν εἶναι. οὐ γὰρ μὰ Δί’ οἶσθ’ ὁτιὴ πλείστουσ αὗται βόσκουσι σοφιστάσ, Θουριομάντεισ ἰατροτέχνασ σφραγιδονυχαργοκομήτασ, κυκλίων τε χορῶν ᾀσματοκάμπτασ ἄνδρασ μετεωροφένακασ, οὐδὲν δρῶντασ βόσκουσ’ ἀργούσ, ὅτι ταύτασ μουσοποιοῦσιν. ταῦτ’ ἄρ’ ἐποίουν ὑγρᾶν Νεφελᾶν στρεπταιγλᾶν δάιον ὁρμάν, πλοκάμουσ θ’ ἑκατογκεφάλα Τυφῶ πρημαινούσασ τε θυέλλασ, εἶτ’ ἀερίασ διεράσ, γαμψοὺσ οἰωνοὺσ ἀερονηχεῖσ, ὄμβρουσ θ’ ὑδάτων δροσερᾶν Νεφελᾶν· εἶτ’ ἀντ’ αὐτῶν κατέπινον κεστρᾶν τεμάχη μεγαλᾶν ἀγαθᾶν κρέα τ’ ὀρνίθεια κιχηλᾶν. διὰ μέντοι τάσδ’ οὐχὶ δικαίωσ; λέξον δή μοι, τί παθοῦσαι, εἴπερ νεφέλαι γ’ εἰσὶν ἀληθῶσ, θνηταῖσ εἴξασι γυναιξίν; οὐ γὰρ ἐκεῖναί γ’ εἰσὶ τοιαῦται. φέρε ποῖαι γάρ τινέσ εἰσιν; οὐκ οἶδα σαφῶσ· εἴξασιν γοῦν ἐρίοισιν πεπταμένοισιν, κοὐχὶ γυναιξὶν μὰ Δί’ οὐδ’ ὁτιοῦν· αὗται δὲ ῥῖνασ ἔχουσιν. ἀπόκριναί νυν ἅττ’ ἂν ἔρωμαι. λέγε νυν ταχέωσ ὅ τι βούλει. ἤδη ποτ’ ἀναβλέψασ εἶδεσ νεφέλην κενταύρῳ ὁμοίαν, ἢ παρδάλει ἢ λύκῳ ἢ ταύρῳ; νὴ Δί’ ἔγωγ’. εἶτα τί τοῦτο; γίγνονται πάνθ’ ὅ τι βούλονται· κᾆτ’ ἢν μὲν ἴδωσι κομήτην ἄγριόν τινα τῶν λασίων τούτων, οἱο͂́νπερ τὸν Ξενοφάντου, σκώπτουσαι τὴν μανίαν αὐτοῦ κενταύροισ ᾔκασαν αὑτάσ. τί γὰρ ἢν ἁρ́παγα τῶν δημοσίων κατίδωσι Σίμωνα, τί δρῶσιν; ἀποφαίνουσαι τὴν φύσιν αὐτοῦ λύκοι ἐξαίφνησ ἐγένοντο. ταῦτ’ ἄρα ταῦτα Κλεώνυμον αὗται τὸν ῥίψασπιν χθὲσ ἰδοῦσαι, ὅτι δειλότατον τοῦτον ἑώρων, ἔλαφοι διὰ τοῦτ’ ἐγένοντο. καὶ νῦν γ’ ὅτι Κλεισθένη εἶδον, ὁρᾷσ, διὰ τοῦτ’ ἐγένοντο γυναῖκεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Clouds, Parodos, anapests

(아리스토파네스, Clouds, Parodos, anapests)

상위

목록

SEARCH

MENU NAVIGATION