헬라어 문장 검색 - ΑριστοπήΒιρδσ́12́1́2́

(아리스토파네스, Birds, Lyric-Scene, strophe 1 2:)

ἀλλ’ ἀθάνατόσ εἰμ’. ἀλλ’ ὅμωσ ἂν ἀπέθανεσ. δεινότατα γάρ τοι πεισόμεσθ’, ἐμοὶ δοκεῖ, εἰ τῶν μὲν ἄλλων ἄρχομεν, ὑμεῖσ δ’ οἱ θεοὶ ἀκολαστανεῖτε, κοὐδέπω γνώσεσθ’ ὅτι ἀκροατέον ὑμῖν ἐν μέρει τῶν κρειττόνων. φράσον δέ τοί μοι τὼ πτέρυγε ποῖ ναυστολεῖσ; ἐγώ; πρὸσ ἀνθρώπουσ πέτομαι παρὰ τοῦ πατρὸσ φράσουσα θύειν τοῖσ Ὀλυμπίοισ θεοῖσ μηλοσφαγεῖν τε βουθύτοισ ἐπ’ ἐσχάραισ κνισᾶν τ’ ἀγυιάσ. τί σὺ λέγεισ; ποίοισ θεοῖσ; ποίοισιν; ἡμῖν τοῖσ ἐν οὐρανῷ θεοῖσ. θεοὶ γὰρ ὑμεῖσ; τίσ γάρ ἐστ’ ἄλλοσ θεόσ; ὄρνιθεσ ἀνθρώποισι νῦν εἰσιν θεοί, οἷσ θυτέον αὐτούσ, ἀλλὰ μὰ Δί’ οὐ τῷ Διί. ὦ μῶρε μῶρε μὴ θεῶν κίνει φρένασ δεινάσ, ὅπωσ μή σου γένοσ πανώλεθρον Διὸσ μακέλλῃ πᾶν ἀναστρέψῃ Δίκη, λιγνὺσ δὲ σῶμα καὶ δόμων περιπτυχὰσ καταιθαλώσῃ σου Λικυμνίαισ βολαῖσ. ἄκουσον αὕτη· παῦε τῶν παφλασμάτων· ἔχ’ ἀτρέμα. φέρ’ ἴδω, πότερα Λυδὸν ἢ Φρύγα ταυτὶ λέγουσα μορμολύττεσθαι δοκεῖσ; ἆρ’ οἶσθ’ ὅτι Ζεὺσ εἴ με λυπήσει πέρα, μέλαθρα μὲν αὐτοῦ καὶ δόμουσ Ἀμφίονοσ καταιθαλώσω πυρφόροισιν αἰετοῖσ; πέμψω δὲ πορφυρίωνασ ἐσ τὸν οὐρανὸν ὄρνισ ἐπ’ αὐτὸν παρδαλᾶσ ἐνημμένουσ πλεῖν ἑξακοσίουσ τὸν ἀριθμόν. καὶ δή ποτε εἷσ Πορφυρίων αὐτῷ παρέσχε πράγματα. σὺ δ’ εἴ με λυπήσεισ τι, τῆσ διακόνου πρώτησ ἀνατείνασ τὼ σκέλει διαμηριῶ τὴν Ἶριν αὐτήν, ὥστε θαυμάζειν ὅπωσ οὕτω γέρων ὢν στύομαι τριέμβολον. διαρραγείησ ὦ μέλ’ αὐτοῖσ ῥήμασιν. οὐκ ἀποσοβήσεισ; οὐ ταχέωσ; εὐρὰξ πατάξ. ἦ μήν σε παύσει τῆσ ὕβρεωσ οὑμὸσ πατήρ. οἴμοι τάλασ. οὔκουν ἑτέρωσε πετομένη καταιθαλώσεισ τῶν νεωτέρων τινά;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Birds, Lyric-Scene, strophe 1 2:

(아리스토파네스, Birds, Lyric-Scene, strophe 1 2:)

상위

목록

SEARCH

MENU NAVIGATION