헬라어 문장 검색 - ΑριστοπήΑξηαρνί06́3́1́

(아리스토파네스, Acharnians, Lyric-Scene, strophe 2 1:)

πόθεν βοῆσ ἤκουσα πολεμιστηρίασ; ποῖ χρὴ βοηθεῖν; ποῖ κυδοιμὸν ἐμβαλεῖν; τίσ Γοργόν’ ἐξήγειρεν ἐκ τοῦ σάγματοσ; ὦ Λάμαχ’ ἡρ́ωσ, τῶν λόφων καὶ τῶν λόχων. ὦ Λάμαχ’, οὐ γὰρ οὗτοσ ἅνθρωποσ πάλαι ἅπασαν ἡμῶν τὴν πόλιν κακορροθεῖ; οὗτοσ σὺ τολμᾷσ πτωχὸσ ὢν λέγειν τάδε; ὦ Λάμαχ’ ἡρ́ωσ, ἀλλὰ συγγνώμην ἔχε, εἰ πτωχὸσ ὢν εἶπόν τι κἀστωμυλάμην. τί δ’ εἶπασ ἡμᾶσ; οὐκ ἐρεῖσ; οὐκ οἶδά πω· ὑπὸ τοῦ δέουσ γὰρ τῶν ὅπλων εἰλιγγιῶ. ἀλλ’ ἀντιβολῶ σ’ ἀπένεγκέ μου τὴν μορμόνα. ἰδού. παράθεσ νυν ὑπτίαν αὐτὴν ἐμοί. κεῖται. φέρε νυν ἀπὸ τοῦ κράνουσ μοι τὸ πτερόν. τουτὶ πτίλον σοι. τῆσ κεφαλῆσ νύν μου λαβοῦ, ἵν’ ἐξεμέσω· βδελύττομαι γὰρ τοὺσ λόφουσ. οὗτοσ τί δράσεισ; τῷ πτίλῳ μέλλεισ ἐμεῖν; πτίλον γάρ ἐστιν ‐ εἰπέ μοι τίνοσ ποτὲ ὄρνιθόσ ἐστιν; ἆρα κομπολακύθου; οἴμ’ ὡσ τεθνήξεισ. μηδαμῶσ ὦ Λάμαχε· οὐ γὰρ κατ’ ἰσχύν ἐστιν· εἰ δ’ ἰσχυρὸσ εἶ, τί μ’ οὐκ ἀπεψώλησασ; εὐόπλοσ γὰρ εἶ. ταυτὶ λέγεισ σὺ τὸν στρατηγὸν πτωχὸσ ὤν; ἐγὼ γάρ εἰμι πτωχόσ; ἀλλὰ τίσ γὰρ εἶ; ὅστισ; πολίτησ χρηστόσ, οὐ σπουδαρχίδησ, ἀλλ’ ἐξ ὅτου περ ὁ πόλεμοσ, στρατωνίδησ, σὺ δ’ ἐξ ὅτου περ ὁ πόλεμοσ, μισθαρχίδησ. ἐχειροτόνησαν γάρ με ‐ κόκκυγέσ γε τρεῖσ. ταῦτ’ οὖν ἐγὼ βδελυττόμενοσ ἐσπεισάμην, ὁρῶν πολιοὺσ μὲν ἄνδρασ ἐν ταῖσ τάξεσιν, νεανίασ δ’ οἱούσ σὺ διαδεδρακότασ, τοὺσ μὲν ἐπὶ Θρᾴκησ μισθοφοροῦντασ τρεῖσ δραχμάσ, Τεισαμενοφαινίππουσ Πανουργιππαρχίδασ, ἑτέρουσ δὲ παρὰ Χάρητι τοὺσ δ’ ἐν Χάοσιν, Γερητοθεοδώρουσ Διομειαλαζόνασ, τοὺσ δ’ ἐν Καμαρίνῃ κἀν Γέλα κἀν Καταγέλᾳ. ἐχειροτονήθησαν γάρ. αἴτιον δὲ τί ὑμᾶσ μὲν ἀεὶ μισθοφορεῖν ἁμῃγέπῃ, τωνδὶ δὲ μηδέν’; ἐτεὸν ὦ Μαριλάδη ἤδη πεπρέσβευκασ σὺ πολιὸσ ὢν ἓν ἢ; ἀνένευσε· καίτοι γ’ ἐστὶ σώφρων κἀργάτησ. τί δαὶ Δράκυλλοσ ἢ Εὐφορίδησ ἢ Πρινίδησ; εἶδέν τισ ὑμῶν τἀκβάταν’ ἢ τοὺσ Χάονασ; οὔ φασιν. ἀλλ’ ὁ Κοισύρασ καὶ Λάμαχοσ, οἷσ ὑπ’ ἐράνου τε καὶ χρεῶν πρώην ποτέ, ὥσπερ ἀπόνιπτρον ἐκχέοντεσ ἑσπέρασ, ἅπαντεσ ἐξίστω παρῄνουν οἱ φίλοι. ὦ δημοκρατία ταῦτα δῆτ’ ἀνασχετά; οὐ δῆτ’ ἐὰν μὴ μισθοφορῇ γε Λάμαχοσ. ἀλλ’ οὖν ἐγὼ μὲν πᾶσι Πελοποννησίοισ ἀεὶ πολεμήσω καὶ ταράξω πανταχῇ καὶ ναυσὶ καὶ πεζοῖσι κατὰ τὸ καρτερόν. ἐγὼ δὲ κηρύττω γε Πελοποννησίοισ ἅπασι καὶ Μεγαρεῦσι καὶ Βοιωτίοισ πωλεῖν ἀγοράζειν πρὸσ ἐμέ, Λαμάχῳ δὲ μή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Acharnians, Lyric-Scene, strophe 2 1:

(아리스토파네스, Acharnians, Lyric-Scene, strophe 2 1:)

상위

목록

SEARCH

MENU NAVIGATION