헬라어 문장 검색 - Ανονψμ́Ηομεριξ́05́0́27́

(익명 저작, Homeric Hymns, Εἲσ Ἀφροδίτην 27:)

αὐτὰρ ἐμοὶ μέγ’ ὄνειδοσ ἐν ἀθανάτοισι θεοῖσιν ἔσσεται ἤματα πάντα διαμπερὲσ εἵνεκα σεῖο, οἳ πρὶν ἐμοὺσ ὀάρουσ καὶ μήτιασ, αἷσ ποτε πάντασ ἀθανάτουσ συνέμιξα καταθνητῇσι γυναιξί, τάρβεσκον· πάντασ γὰρ ἐμὸν δάμνασκε νόημα. νῦν δὲ δὴ οὐκέτι μοι στόμα χείσεται ἐξονομῆναι τοῦτο μετ’ ἀθανάτοισιν, ἐπεὶ μάλα πολλὸν ἀάσθην, σχέτλιον, οὐκ ὀνοταστόν, ἀπεπλάγχθην δὲ νόοιο, παῖδα δ’ ὑπὸ ζώνῃ ἐθέμην βροτῷ εὐνηθεῖσα. τὸν μέν, ἐπὴν δὴ πρῶτον ἴδῃ φάοσ ἠελίοιο, Νύμφαι μιν θρέψουσιν ὀρεσκῷοι βαθύκολποι, αἳ τόδε ναιετάουσιν ὄροσ μέγα τε ζάθεόν τε· αἵ ῥ’ οὔτε θνητοῖσ οὔτ’ ἀθανάτοισιν ἕπονται. δηρὸν μὲν ζώουσι καὶ ἄμβροτον εἶδαρ ἔδουσι καί τε μετ’ ἀθανάτοισι καλὸν χορὸν ἐρρώσαντο. τῇσι δὲ Σειληνοὶ καὶ ἐύσκοποσ Ἀργειφόντησ μίσγοντ’ ἐν φιλότητι μυχῷ σπείων ἐροέντων. τῇσι δ’ ἅμ’ ἢ ἐλάται ἠὲ δρύεσ ὑψικάρηνοι γεινομένῃσιν ἔφυσαν ἐπὶ χθονὶ βωτιανείρῃ, καλαί, τηλεθάουσαι, ἐν οὔρεσιν ὑψηλοῖσιν. ἑστᾶσ’ ἠλίβατοι, τεμένη δέ ἑ κικλήσκουσιν ἀθανάτων· τὰσ δ’ οὔ τι βροτοὶ κείρουσι σιδήρῳ· ἀλλ’ ὅτε κεν δὴ μοῖρα παρεστήκῃ θανάτοιο, ἀζάνεται μὲν πρῶτον ἐπὶ χθονὶ δένδρεα καλά, φλοιὸσ δ’ ἀμφιπεριφθινύθει, πίπτουσι δ’ ἄπ’ ὄζοι, τῶν δέ θ’ ὁμοῦ ψυχὴ λείπει φάοσ ἠελίοιο. αἳ μὲν ἐμὸν θρέψουσι παρὰ σφίσιν υἱὸν ἔχουσαι. τὸν μὲν ἐπὴν δὴ πρῶτον ἕλῃ πολυήρατοσ ἥβη, ἄξουσίν σοι δεῦρο θεαὶ δείξουσί τε παῖδα. σοὶ δ’ ἐγώ, ὄφρα κε ταῦτα μετὰ φρεσὶ πάντα διέλθω, ἐσ πέμπτον ἔτοσ αὖτισ ἐλεύσομαι υἱὸν ἄγουσα. τὸν μὲν ἐπὴν δὴ πρῶτον ἴδῃσ θάλοσ ὀφθαλμοῖσι, γηθήσεισ ὁρόων· μάλα γὰρ θεοείκελοσ ἔσται· ἄξεισ δ’ αὐτίκα νιν ποτὶ Ἴλιον ἠνεμόεσσαν. ἢν δέ τισ εἴρηταί σε καταθνητῶν ἀνθρώπων, ἥ τισ σοι φίλον υἱὸν ὑπὸ ζώνῃ θέτο μήτηρ, τῷ δὲ σὺ μυθεῖσθαι μεμνημένοσ, ὥσ σε κελεύω· φάσθαι τοι Νύμφησ καλυκώπιδοσ ἔκγονον εἶναι, αἳ τόδε ναιετάουσιν ὄροσ καταειμένον ὕλῃ. εἰ δέ κεν ἐξείπῃσ καὶ ἐπεύξεαι ἄφρονι θυμῷ ἐν φιλότητι μιγῆναι ἐυστεφάνῳ Κυθερείῃ, Ζεύσ σε χολωσάμενοσ βαλέει ψολόεντι κεραυνῷ. εἴρηταί τοι πάντα· σὺ δὲ φρεσὶ σῇσι νοήσασ, ἴσχεο μηδ’ ὀνόμαινε, θεῶν δ’ ἐποπίζεο μῆνιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Anonymous, Homeric Hymns, Εἲσ Ἀφροδίτην 27:

(익명 저작, Homeric Hymns, Εἲσ Ἀφροδίτην 27:)

상위

목록

SEARCH

MENU NAVIGATION