헬라어 문장 검색 - Αεσξηψ́ΣεϝενΑγ́08́01́1́

(아이스킬로스, 테바이를 공격한 일곱 장수, choral, strophe 1 1:)

τούτῳ μὲν οὕτωσ εὐτυχεῖν δοῖεν θεοί· Καπανεὺσ δ’ ἐπ’ Ἠλέκτραισιν εἴληχεν πύλαισ, γίγασ ὅδ’ ἄλλοσ τοῦ πάροσ λελεγμένου μείζων, ὁ κόμποσ δ’ οὐ κατ’ ἄνθρωπον φρονεῖ, πύργοισ δ’ ἀπειλεῖ δείν’, ἃ μὴ κραίνοι τύχη· θεοῦ τε γὰρ θέλοντοσ ἐκπέρσειν πόλιν καὶ μὴ θέλοντόσ φησιν, οὐδὲ τὴν Διὸσ ἔριν πέδοι σκήψασαν ἐμποδὼν σχεθεῖν. τὰσ δ’ ἀστραπάσ τε καὶ κεραυνίουσ βολὰσ μεσημβρινοῖσι θάλπεσιν προσῄκασεν· ἔχει δὲ σῆμα γυμνὸν ἄνδρα πυρφόρον, φλέγει δὲ λαμπὰσ διὰ χερῶν ὡπλισμένη· χρυσοῖσ δὲ φωνεῖ γράμμασιν "πρήσω πόλιν. " τοιῷδε φωτὶ πέμπε ‐ τίσ ξυστήσεται, τίσ ἄνδρα κομπάζοντα μὴ τρέσασ μενεῖ; καὶ τῷδε κέρδει κέρδοσ ἄλλο τίκτεται. τῶν τοι ματαίων ἀνδράσιν φρονημάτων ἡ γλῶσσ’ ἀληθὴσ γίγνεται κατήγοροσ· Καπανεὺσ δ’ ἀπειλεῖ, δρᾶν παρεσκευασμένοσ, θεοὺσ ἀτίζων, κἀπογυμνάζων στόμα χαρᾷ ματαίᾳ θνητὸσ ὢν εἰσ οὐρανὸν πέμπει γεγωνὰ Ζηνὶ κυμαίνοντ’ ἔπη· πέποιθα δ’ αὐτῷ ξὺν δίκῃ τὸν πυρφόρον ἥξειν κεραυνόν, οὐδὲν ἐξῃκασμένον μεσημβρινοῖσι θάλπεσιν τοῖσ ἡλίου. ἀνὴρ δ’ ἐπ’ αὐτῷ, κεἰ στόμαργόσ ἐστ’ ἄγαν, αἴθων τέτακται λῆμα, Πολυφόντου βία, φερέγγυον φρούρημα, προστατηρίασ Ἀρτέμιδοσ εὐνοίαισι σύν τ’ ἄλλοισ θεοῖσ. λέγ’ ἄλλον ἄλλαισ ἐν πύλαισ εἰληχότα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Seven Against Thebes, choral, strophe 1 1:

(아이스킬로스, 테바이를 공격한 일곱 장수, choral, strophe 1 1:)

상위

목록

SEARCH

MENU NAVIGATION