Aeschylus, Prometheus Bound, episode, anapests 1:

καὶ μὴν ἔργῳ κοὐκέτι μύθῳ χθὼν σεσάλευται· βρυχία δ’ ἠχὼ παραμυκᾶται βροντῆσ, ἕλικεσ δ’ ἐκλάμπουσι στεροπῆσ ζάπυροι, στρόμβοι δὲ κόνιν εἱλίσσουσι· σκιρτᾷ δ’ ἀνέμων πνεύματα πάντων εἰσ ἄλληλα στάσιν ἀντίπνουν ἀποδεικνύμενα· ξυντετάρακται δ’ αἰθὴρ πόντῳ. τοιάδ’ ἐπ’ ἐμοὶ ῥιπὴ Διόθεν τεύχουσα φόβον στείχει φανερῶσ. ὦ μητρὸσ ἐμῆσ σέβασ, ὦ πάντων αἰθὴρ κοινὸν φάοσ εἱλίσσων, ἐσορᾷσ μ’ ὡσ ἔκδικα πάσχω.