헬라어 문장 검색 - Αεσξηψ́Λιβατιό03́00́12́

(아이스킬로스, Libation Bearers, episode 12:)

ὦ παῖδεσ, ὦ σωτῆρεσ ἑστίασ πατρόσ, σιγᾶθ’, ὅπωσ μὴ πεύσεταί τισ, ὦ τέκνα, γλώσσησ χάριν δὲ πάντ’ ἀπαγγείλῃ τάδε πρὸσ τοὺσ κρατοῦντασ· οὓσ ἴδοιμ’ ἐγώ ποτε θανόντασ ἐν κηκῖδι πισσήρει φλογόσ. οὔτοι προδώσει Λοξίου μεγασθενὴσ χρησμὸσ κελεύων τόνδε κίνδυνον περᾶν, κἀξορθιάζων πολλὰ καὶ δυσχειμέρουσ ἄτασ ὑφ’ ἧπαρ θερμὸν ἐξαυδώμενοσ, εἰ μὴ μέτειμι τοῦ πατρὸσ τοὺσ αἰτίουσ· τρόπον τὸν αὐτὸν ἀνταποκτεῖναι λέγων, ἀποχρημάτοισι ζημίαισ ταυρούμενον· αὐτὸν δ’ ἔφασκε τῇ φίλῃ ψυχῇ τάδε τείσειν μ’ ἔχοντα πολλὰ δυστερπῆ κακά. τὰ μὲν γὰρ ἐκ γῆσ δυσφρόνων μηνίματα βροτοῖσ πιφαύσκων εἶπε, τὰσ δ’ αἰνῶν νόσουσ, σαρκῶν ἐπαμβατῆρασ ἀγρίαισ γνάθοισ λειχῆνασ ἐξέσθοντασ ἀρχαίαν φύσιν· λευκὰσ δὲ κόρσασ τῇδ’ ἐπαντέλλειν νόσῳ· ἄλλασ τ’ ἐφώνει προσβολάσ Ἐρινύων ἐκ τῶν πατρῴων αἱμάτων τελουμένασ· τὸ γὰρ σκοτεινὸν τῶν ἐνερτέρων βέλοσ ἐκ προστροπαίων ἐν γένει πεπτωκότων, καὶ λύσσα καὶ μάταιοσ ἐκ νυκτῶν φόβοσ ὁρῶντα λαμπρὸν ἐν σκότῳ νωμῶντ’ ὀφρὺν κινεῖ, ταράσσει, καὶ διώκεσθαι πόλεωσ χαλκηλάτῳ πλάστιγγι λυμανθὲν δέμασ. καὶ τοῖσ τοιούτοισ οὔτε κρατῆροσ μέροσ εἶναι μετασχεῖν, οὐ φιλοσπόνδου λιβόσ, βωμῶν τ’ ἀπείργειν οὐχ ὁρωμένην πατρὸσ μῆνιν· δέχεσθαι <δ’> οὔτε συλλύειν τινά. πάντων δ’ ἄτιμον κἄφιλον θνῄσκειν χρόνῳ κακῶσ ταριχευθέντα παμφθάρτῳ μόρῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Libation Bearers, episode 12:

(아이스킬로스, Libation Bearers, episode 12:)

상위

목록

SEARCH

MENU NAVIGATION