헬라어 문장 검색 - Αεσξηψ́Λιβατιό03́00́11́

(아이스킬로스, Libation Bearers, episode 11:)

αὐτὸν μὲν οὖν ὁρῶσα δυσμαθεῖσ ἐμέ· κουρὰν δ’ ἰδοῦσα τήνδε κηδείου τριχὸσ ἰχνοσκοποῦσά τ’ ἐν στίβοισι τοῖσ ἐμοῖσ ἀνεπτερώθησ κἀδόκεισ ὁρᾶν ἐμέ. σκέψαι τομῇ προσθεῖσα βόστρυχον τριχὸσ σαυτῆσ ἀδελφοῦ σύμμετρον τὠμῷ κάρᾳ. ἰδοῦ δ’ ὕφασμα τοῦτο, σῆσ ἔργον χερόσ, σπάθησ τε πληγὰσ ἠδὲ θήρειον γραφήν. ἔνδον γενοῦ, χαρᾷ δὲ μὴ ’κπλαγῇσ φρένασ· τοὺσ φιλτάτουσ γὰρ οἶδα νῷν ὄντασ πικρούσ. ὦ φίλτατον μέλημα δώμασιν πατρόσ, δακρυτὸσ ἐλπὶσ σπέρματοσ σωτηρίου, ἀλκῇ πεποιθὼσ δῶμ’ ἀνακτήσῃ πατρόσ. ὦ τερπνὸν ὄμμα τέσσαρασ μοίρασ ἔχον ἐμοί· προσαυδᾶν δ’ ἐστ’ ἀναγκαίωσ ἔχον πατέρα τε, καὶ τὸ μητρὸσ ἐσ σέ μοι ῥέπει στέργηθρον· ἡ δὲ πανδίκωσ ἐχθαίρεται· καὶ τῆσ τυθείσησ νηλεῶσ ὁμοσπόρου· πιστὸσ δ’ ἀδελφὸσ ἦσθ’, ἐμοὶ σέβασ φέρων μόνοσ· Κράτοσ τε καὶ Δίκη σὺν τῷ τρίτῳ πάντων μεγίστῳ Ζηνὶ συγγένοιτό σοι. Ζεῦ Ζεῦ, θεωρὸσ τῶνδε πραγμάτων γενοῦ· ἰδοῦ δὲ γένναν εὖνιν αἰετοῦ πατρόσ, θανόντοσ ἐν πλεκταῖσι καὶ σπειράμασιν δεινῆσ ἐχίδνησ. τοὺσ δ’ ἀπωρφανισμένουσ νῆστισ πιέζει λιμόσ· οὐ γὰρ ἐντελεῖσ θήραν πατρῴαν προσφέρειν σκηνήμασιν. οὕτω δὲ κἀμὲ τήνδε τ’, Ἠλέκτραν λέγω, ἰδεῖν πάρεστί σοι, πατροστερῆ γόνον, ἄμφω φυγὴν ἔχοντε τὴν αὐτὴν δόμων. καὶ τοῦ θυτῆροσ καί σε τιμῶντοσ μέγα πατρὸσ νεοσσοὺσ τούσδ’ ἀποφθείρασ πόθεν ἕξεισ ὁμοίασ χειρὸσ εὔθοινον γέρασ; οὔτ’ αἰετοῦ γένεθλ’ ἀποφθείρασ, πάλιν πέμπειν ἔχοισ ἂν σήματ’ εὐπιθῆ βροτοῖσ· οὔτ’ ἀρχικόσ σοι πᾶσ ὅδ’ αὐανθεὶσ πυθμὴν βωμοῖσ ἀρήξει βουθύτοισ ἐν ἤμασιν. κόμιζ’, ἀπὸ σμικροῦ δ’ ἂν ἄρειασ μέγαν δόμον, δοκοῦντα κάρτα νῦν πεπτωκέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Libation Bearers, episode 11:

(아이스킬로스, Libation Bearers, episode 11:)

상위

목록

SEARCH

MENU NAVIGATION