Aeschylus, Agamemnon, episode, anapests 1:

ὕπατοσ δ’ ἀίων ἤ τισ Ἀπόλλων ἢ Πὰν ἢ Ζεὺσ οἰωνόθροον γόον ὀξυβόαν τῶνδε μετοίκων ὑστερόποινον πέμπει παραβᾶσιν Ἐρινύν. οὕτω δ’ Ἀτρέωσ παῖδασ ὁ κρείσσων ἐπ’ Ἀλεξάνδρῳ πέμπει ξένιοσ Ζεὺσ πολυάνοροσ ἀμφὶ γυναικὸσ πολλὰ παλαίσματα καὶ γυιοβαρῆ γόνατοσ κονίαισιν ἐρειδομένου διακναιομένησ τ’ ἐν προτελείοισ κάμακοσ θήσων Δαναοῖσι Τρωσί θ’ ὁμοίωσ.