헬라어 문장 검색 - ΧενοπήΜινορΩό2́06́

(크세노폰, Minor Works, Ἱππαρχικός, chapter 6)

ἀλλὰ γὰρ οὐδὲν ἄν τισ δύναιτο πλάσαι οἱο͂ν βούλεται, εἰ μὴ ἐξ ὧν γε πλάττοιτο παρεσκευασμένα εἰή ὡσ πείθεσθαι τῇ τοῦ χειροτέχνου γνώμῃ· οὐδέ γ’ ἂν ἐξ ἀνδρῶν, εἰ μὴ σὺν θεῷ οὕτω παρεσκευασμένοι ἔσονται ὡσ φιλικῶσ τε ἔχειν πρὸσ τὸν ἄρχοντα καὶ φρονιμώτερον σφῶν αὐτὸν ἡγεῖσθαι περὶ τῶν πρὸσ τοὺσ πολεμίουσ ἀγώνων. εὐνοϊκῶσ μὲν οὖν ἔχειν καὶ ἐκ τῶνδε εἰκὸσ τοὺσ ἀρχομένουσ, ὅταν φιλοφρόνωσ τε ἔχῃ πρὸσ αὐτοὺσ καὶ προνοῶν φαίνηται ὅπωσ τε σῖτον ἕξουσι καὶ ὅπωσ ἀσφαλῶσ μὲν ἀποχωρήσουσι, πεφυλαγμένωσ δὲ ἀναπαύσονται.

ἐν δὲ ταῖσ φρουραῖσ χρὴ καὶ χιλοῦ καὶ σκηνῶν καὶ ὕδατοσ καὶ φρυγάνων καὶ τῶν ἄλλων ἐπιτηδείων φανερὸν εἶναι ἐπιμελόμενον καὶ προνοοῦντά τε καὶ ἀγρυπνοῦντα ἕνεκα τῶν ἀρχομένων.

καὶ ὅταν γε πλέον ἔχῃ τι, τὸ μεταδοῦναι κερδαλέον τῷ προεστηκότι. ἥκιστα δ’ ἂν καταφρονοῖεν ἄρχοντοσ, ὡσ μὲν συνελόντι εἰπεῖν, εἰ ὁπόσα ἐκείνοισ παραινοίη, αὐτὸσ ταῦτα βέλτιον ἐκείνων φαίνοιτο ποιῶν.

ἀρξάμενον οὖν δεῖ ἀπὸ τοῦ ἀναβαίνειν ἐπὶ τοὺσ ἵππουσ πάντα τὰ ἐν ἱππικῇ μελετᾶν, ὅπωσ ὁρῶσι τὸν ἄρχοντα δυνάμενον ἐπὶ τοῦ ἵππου καὶ τάφρουσ ἀσφαλῶσ περᾶν καὶ τειχία ὑπερακρίζειν καὶ ἀπ’ ὄχθων κατορούειν καὶ ἀκοντίζειν ἱκανῶσ·

πάντα γὰρ ταῦτα προκόπτει τι εἰσ τὸ μὴ καταφρονεῖσθαι. ἢν δὲ δὴ καὶ τάττειν γνῶσιν ἐπιστάμενόν τε καὶ δυνάμενον παρασκευάζειν ὡσ ἂν πλέον ἔχοιεν τῶν πολεμίων, πρὸσ δὲ τούτοισ κἀκεῖνο λάβωσιν εἰσ τὴν γνώμην, ὡσ οὔτ’ ἂν εἰκῇ οὔτ’ ἄνευ θεῶν οὔτε παρὰ τὰ ἱερὰ ἡγήσαιτ’ ἂν ἐπὶ πολεμίουσ, πάντα ταῦτα πιθανωτέρουσ τῷ ἄρχοντι τοὺσ ἀρχομένουσ ποιεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἱππαρχικός, chapter 6

(크세노폰, Minor Works, Ἱππαρχικός, chapter 6)

상위

목록

SEARCH

MENU NAVIGATION