헬라어 문장 검색 - ΧενοπήΜινορΩό2́05́

(크세노폰, Minor Works, Ἱππαρχικός, chapter 5)

κἀκεῖνό γε μὴν εἰδέναι ἱππικοῦ ἀνδρόσ, ἐκ πόσου ἂν ἵπποσ πεζὸν ἕλοι καὶ ἐξ ὁπόσου βραδεῖσ ἵπποι ταχεῖσ ἂν ἀποφύγοιεν. ἱππαρχικὸν δὲ καὶ χωρία γιγνώσκειν ἔνθα πεζοὶ κρείττουσ ἱππέων καὶ ἔνθα πεζῶν κρείττουσ ἱππῆσ. χρὴ δὲ μηχανητικὸν εἶναι καὶ τοῦ πολλοὺσ μὲν φαίνεσθαι τοὺσ ὀλίγουσ ἱππέασ, πάλιν δ’ ὀλίγουσ τοὺσ πολλούσ, καὶ τοῦ δοκεῖν παρόντα μὲν ἀπεῖναι, ἀπόντα δὲ παρεῖναι, καὶ τοῦ μὴ τὰ τῶν πολεμίων μόνον κλέπτειν ἐπίστασθαι, ἀλλὰ καὶ τοὺσ ἑαυτοῦ ἱππέασ ἅμα κλέπτοντα ἐξ ἀπροσδοκήτου τοῖσ πολεμίοισ ἐπιτίθεσθαι.

ἀγαθὸν δὲ μηχάνημα καὶ τὸ δύνασθαι, ὅταν μὲν τὰ ἑαυτοῦ ἀσθενῶσ ἔχῃ, φόβον παρασκευάζειν τοῖσ πολεμίοισ ὡσ μὴ ἐπίθωνται, ὅταν δ’ ἐρρωμένωσ, θάρσοσ αὐτοῖσ ἐμποιεῖν ὡσ ἐγχειρῶσιν.

οὕτω γὰρ αὐτὸσ μὲν ἂν ἥκιστα κακῶσ πάσχοισ, τοὺσ δὲ πολεμίουσ μάλιστ’ ἂν ἁμαρτάνοντασ λαμβάνοισ. ὅπωσ δὲ μὴ προστάττειν δοκῶ ἀδύνατα, γράψω καὶ ὡσ ἂν γίγνοιτο τὰ δοκοῦντα αὐτῶν χαλεπώτατα εἶναι.

τὸ μὲν τοίνυν μὴ σφάλλεσθαι ἐγχειροῦντα διώκειν ἢ ἀποχωρεῖν ἐμπειρία ποιεῖ ἵππων δυνάμεωσ. πῶσ δ’ ἂν ἐμπείρωσ ἔχοισ; εἰ προσέχοισ τὸν νοῦν ἐν ταῖσ μετὰ φιλίασ ἀνθιππασίαισ οἱοῖ ἀποβαίνουσιν ἐκ τῶν διώξεων τε καὶ φυγῶν. ὅταν μέντοι βούλῃ τοὺσ ἱππέασ πολλοὺσ φαίνεσθαι, ἓν μὲν πρῶτον ὑπαρχέτω, ἤνπερ ἐγχωρῇ, μὴ ἐγγὺσ τῶν πολεμίων ἐγχειρεῖν ἐξαπατᾶν·

καὶ γὰρ ἀσφαλέστερον τὸ πρόσω καὶ ἀπατητικώτερον. ἔπειτα δὲ χρὴ εἰδέναι ὅτι ἁθρόοι μὲν ἵπποι πολλοὶ φαίνονται διὰ τὸ μέγεθοσ τοῦ ζῴου, διασπειρόμενοι δ’ εὐαρίθμητοι γίγνονται. ἔτι δ’ ἂν πλέον σοι τὸ ἱππικὸν τοῦ ὄντοσ φαίνοιτο, εἰ τοὺσ ἱπποκόμουσ εἰσ τοὺσ ἱππέασ ἐνισταίησ μάλιστα μὲν δόρατα, εἰ δὲ μή, ὅμοια δόρασιν ἔχοντασ, ἤν τε ἑστηκὸσ ἐπιδεικνύῃσ τὸ ἱππικὸν ἤν τε παράγῃσ·

ἀνάγκη γὰρ τὸν ὄγκον τῆσ τάξεωσ οὕτω μείζω τε καὶ πυκνότερον φαίνεσθαι. ἢν δ’ αὖ τοὺσ πολλοὺσ ὀλίγουσ βούλῃ δοκεῖν εἶναι, ἢν μέν σοι χωρία ὑπάρχῃ οἱᾶ συγκρύπτειν, δῆλον ὅτι τοὺσ μὲν ἐν τῷ φανερῷ ἔχων, τοὺσ δ’ εἰσ τὸ ἄδηλον ἀποκρύπτων κλέπτοισ ἂν τοὺσ ἱππέασ·

ἢν δὲ πᾶν καταφανὲσ ᾖ τὸ χωρίον, δεκάδασ χρὴ στοιχούσασ ποιήσαντα διαλειπούσασ παράγειν, καὶ τοὺσ μὲν πρὸσ τῶν πολεμίων ἱππέασ ἑκάστησ δεκάδοσ ὀρθὰ τὰ δόρατα ἔχειν, τοὺσ δ’ ἄλλουσ ταπεινὰ καὶ μὴ ὑπερφανῆ. φοβεῖν γε μὴν τοὺσ πολεμίουσ καὶ ψευδενέδρασ οἱο͂́ν τε καὶ ψευδοβοηθείασ καὶ ψευδαγγελίασ ποιοῦντα.

θαρσοῦσι δὲ μάλιστα πολέμιοι, ὅταν <ὄντα> τοῖσ ἐναντίοισ πράγματα καὶ ἀσχολίασ πυνθάνωνται. τούτων δὲ γεγραμμένων μηχανᾶσθαι αὐτὸν χρὴ πρὸσ τὸ παρὸν ἀεὶ ἀπατᾶν·

ὄντωσ γὰρ οὐδὲν κερδαλεώτερον ἀπάτησ ἐν πολέμῳ. ὁπότε γὰρ καὶ οἱ παῖδεσ, ὅταν παίζωσι ποσίνδα, δύνανται ἀπατᾶν προί̈σχοντεσ ὥστε ὀλίγουσ τ’ ἔχοντεσ πολλοὺσ δοκεῖν ἔχειν καὶ πολλοὺσ προέχοντεσ ὀλίγουσ φαίνεσθαι ἔχειν, πῶσ οὐκ ἄνδρεσ γε τῷ ἐξαπατᾶν προσέχοντεσ τὸν νοῦν δύναιντ’ ἂν τοιαῦτα μηχανᾶσθαι;

καὶ ἐνθυμούμενοσ δ’ ἂν τὰ ἐν τοῖσ πολέμοισ πλεονεκτήματα εὑρ́οι ἄν τισ τὰ πλεῖστα καὶ μέγιστα σὺν ἀπάτῃ γεγενημένα.

ὧν ἕνεκα ἢ οὐκ ἐγχειρητέον ἄρχειν ἢ τοῦτο σὺν τῇ ἄλλῃ παρασκευῇ καὶ παρὰ θεῶν αἰτητέον δύνασθαι ποιεῖν καὶ αὐτῷ μηχανητέον. οἷσ δὲ θάλαττα πρόσεστιν, ἀπατητικὸν καὶ τὸ πλοῖα παρασκευαζόμενον πεζῇ τι πρᾶξαι καὶ τὸ πεζῇ προσποιούμενον ἐπιβουλεύειν κατὰ θάλατταν ἐπιχειρῆσαι.

ἱππαρχικὸν δὲ καὶ τὸ διδάσκειν τὴν πόλιν ὡσ ἀσθενὲσ τὸ πεζῶν ἔρημον ἱππικὸν πρὸσ τὸ ἁμίππουσ πεζοὺσ ἔχον.

ἱππαρχικὸν δὲ καὶ τὸ λαβόντα πεζοὺσ αὐτοῖσ χρῆσθαι· ἔστι δὲ πεζοὺσ οὐ μόνον ἐντὸσ ἀλλὰ καὶ ὄπισθεν ἱππέων ἀποκρύψασθαι· πολὺ γὰρ μείζων ὁ ἱππεὺσ τοῦ πεζοῦ. ταῦτα δὲ πάντα ἐγὼ καὶ ὅσα πρὸσ τούτοισ τισ μηχανήσεται ἢ βίᾳ ἢ τέχνῃ αἱρεῖν τοὺσ ἐναντίουσ βουλόμενοσ σὺν τῷ θεῷ πράττειν συμβουλεύω, ἵνα καὶ ἡ τύχη συνεπαινῇ θεῶν ἵλεων ὄντων.

ἔστι δ’ ὅτε πάνυ ἀπατητικὸν καὶ τὸ λίαν φυλακτικὸν προσποιήσασθαι εἶναι καὶ μηδαμῶσ φιλοκίνδυνον·

τοῦτο γὰρ τοὺσ πολεμίουσ πολλάκισ προάγεται ἀφυλακτοῦντασ μᾶλλον ἁμαρτάνειν. ἢν δ’ ἅπαξ δόξῃ τισ φιλοκίνδυνοσ εἶναι, ἔξεστι καὶ ἡσυχίαν ἔχοντα, προσποιούμενον δὲ πράξειν τι, πράγματα παρέχειν τοῖσ πολεμίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἱππαρχικός, chapter 5

(크세노폰, Minor Works, Ἱππαρχικός, chapter 5)

상위

목록

SEARCH

MENU NAVIGATION