헬라어 문장 검색 - ΧενοπήΜινορΩό2́04́

(크세노폰, Minor Works, Ἱππαρχικός, chapter 4)

ἔν γε μὴν ταῖσ πορείαισ ἀεὶ δεῖ τὸν ἵππαρχον προνοεῖν ὅπωσ ἀναπαύῃ μὲν τῶν ἵππων τὰσ ἕδρασ, ἀναπαύῃ δὲ τοὺσ ἱππέασ τῷ βαδίζειν, μέτριον μὲν ὀχοῦντα, μέτριον δὲ πεζοποροῦντα. τοῦ δὲ μετρίου ἐννοῶν οὐκ ἂν ἁμαρτάνοισ· αὐτὸσ γὰρ μέτρον ἕκαστοσ τοῦ μὴ λαθεῖν ὑπερπονοῦντασ. ὅταν μέντοι ἀδήλου ὄντοσ εἰ πολεμίοισ ἐντεύξῃ πορεύῃ ποι, κατὰ μέροσ χρὴ τὰσ φυλὰσ ἀναπαύειν.

χαλεπὸν γὰρ εἰ πᾶσι καταβεβηκόσι πλησιάσειαν οἱ πολέμιοι. καὶ ἢν μέν γε διὰ στενῶν ὁδῶν ἐλαύνῃσ, ἀπὸ παραγγέλσεωσ εἰσ κέρασ ἡγητέον·

ἢν δὲ πλατείαισ ἐπιτυγχάνῃσ ὁδοῖσ, ἀπὸ παραγγέλσεωσ αὖ πλατυντέον τῆσ φυλῆσ ἑκάστησ τὸ μέτωπον· ὅταν γε μὴν εἰσ πεδίον ἀφικνῆσθε, ἐπὶ φάλαγγοσ πάσασ τὰσ φυλὰσ <ἀκτέον. > ἀγαθὸν γὰρ καὶ μελέτησ ἕνεκα ταῦτα ποιεῖν καὶ τοῦ ἥδιον διαπερᾶν τὰσ ὁδοὺσ ποικίλλοντασ ἱππικαῖσ τάξεσι τὰσ πορείασ. ὅταν μέντοι ἔξω τῶν ὁδῶν διὰ δυσχωριῶν ἐλαύνητε, μάλα χρήσιμον καὶ ἐν πολεμίᾳ καὶ ἐν φιλίᾳ προελαύνειν τῆσ φυλῆσ ἑκάστησ τῶν ὑπηρετῶν οἵτινεσ, ἢν ἀπόροισ νάπαισ ἐντυγχάνωσι, παριόντεσ ἐπὶ τὰ εὔπορα δηλώσουσι τοῖσ ἱππεῦσιν ᾗ χρὴ τὴν ἔλασιν ποιεῖσθαι, ὡσ μὴ ὅλαι αἱ τάξεισ πλανῶνται.

ἢν δὲ δι’ ἐπικινδύνων ἐλαύνητέ που, φρονίμου ἱππάρχου τὸ τῶν προόδων ἄλλουσ προόδουσ διερευνωμένουσ προηγεῖσθαι τὸ γὰρ ὡσ ἐκ πλείστου προαισθάνεσθαι πολεμίων χρήσιμον καὶ πρὸσ τὸ ἐπιθέσθαι καὶ πρὸσ τὸ φυλάξασθαι, καὶ τὸ ἀναμένειν δὲ ἐπὶ ταῖσ διαβάσεσιν, ὡσ μὴ κατακόπτωσι τοὺσ ἵππουσ οἱ τελευταῖοι τὸν ἡγεμόνα διώκοντεσ.

ἴσασι μὲν οὖν ταῦτα σχεδὸν ἅπαντεσ, καρτερεῖν δ’ ἐπιμελούμενοι οὐ πολλοὶ ἐθέλουσι. προσήκει δὲ ἱππάρχῳ ἔτι ἐν εἰρήνῃ ἐπιμελεῖσθαι ὅπωσ ἐμπείρωσ ἕξει τῆσ τε πολεμίασ καὶ τῆσ φιλίασ χώρασ·

ἢν δ’ ἄρα αὐτὸσ ἀπείρωσ ἔχῃ, τῶν ἄλλων γε δὴ τοὺσ ἐπιστημονεστάτουσ ἑκάστων τόπων παραλαμβάνειν. πολὺ γὰρ διαφέρει ἡγούμενοσ ὁ εἰδὼσ τὰσ ὁδοὺσ τοῦ μὴ εἰδότοσ, καὶ ἐπιβουλεύων δὲ πολεμίοισ ὁ εἰδὼσ τοὺσ τόπουσ τοῦ μὴ εἰδότοσ πολὺ διαφέρει. καὶ κατασκόπων δὲ πρὶν πόλεμον εἶναι δεῖ μεμεληκέναι, ὅπωσ ἔσονται καὶ ἐκ πόλεων ἀμφοτέροισ φιλίων καὶ ἐξ ἐμπόρων·

πᾶσαι γὰρ αἱ πόλεισ τοὺσ εἰσάγοντάσ τι ἀεὶ ὡσ εὐμενεῖσ δέχονται· καὶ ψευδαυτόμολοι δ’ ἔστιν ὅτε χρήσιμον. οὐ μέντοι τοῖσ γε κατασκόποισ δεῖ ποτε πιστεύοντα φυλακῆσ ἀμελεῖν, ἀλλ’ ἀεὶ οὕτωσ κατεσκευάσθαι χρή, ὥσπερ ἢν ἥξοντεσ εἰσηγγελμένοι ὦσιν οἱ πολέμιοι.

καὶ γὰρ ἢν πάνυ πιστοὶ ὦσιν οἱ κατάσκοποι, χαλεπὸν ἐν καιρῷ ἀπαγγέλλειν· πολλὰ γὰρ ἐν πολέμῳ τὰ ἐμπόδια συμπίπτει. τάσ γε μὴν ἐξαγωγὰσ τοῦ ἱππικοῦ ἧττον ἂν οἱ πολέμιοι αἰσθάνοιντο, εἰ ἀπὸ παραγγέλσεωσ γίγνοιντο μᾶλλον ἢ εἰ ὑπὸ κήρυκοσ ἢ εἰ ἀπὸ προγραφῆσ.

ἀγαθὸν οὖν καὶ τὸ πρὸσ τὸ διὰ παραγγέλσεωσ ἐξάγειν τὸ δεκαδάρχουσ καθιστάναι, καὶ <ἐπὶ> τοῖσ δεκαδάρχοισ πεμπαδάρχουσ, ἵνα ὡσ ἐλαχίστοισ ἕκαστοσ παραγγέλλῃ· καὶ τὸ μέτωπον δὲ οὕτωσ μηκύνοιεν ἂν τῆσ τάξεωσ ἀταράκτωσ οἱ πεμπάδαρχοι παράγοντεσ, ὁπότε τούτου καιρὸσ εἰή.

ὅταν γε μὴν προφυλάττειν δέῃ, ἐγὼ μὲν ἀεὶ ἐπαινῶ τὰσ κρυπτὰσ σκοπάσ τε καὶ φυλακάσ· οὕτω γὰρ ἅμα μὲν τῶν φίλων φυλακαὶ γίγνονται, ἅμα δὲ τοῖσ πολεμίοισ ἐνέδραι κατασκευάζονται. καὶ αὐτοὶ μὲν δυσεπιβουλευτότεροί εἰσιν ἀφανεῖσ ὄντεσ, τοῖσ δὲ πολεμίοισ φοβερώτεροι.

τὸ γὰρ εἰδέναι μὲν ὅτι εἰσί που φυλακαί, ὅπου δ’ εἰσὶ καὶ ὁπόσαι μὴ εἰδέναι, τοῦτο θαρσεῖν μὲν κωλύει τοὺσ πολεμίουσ, ὑποπτεύειν δὲ ἀναγκάζει πάντα τὰ χωρία· αἱ δὲ φανεραὶ φυλακαὶ δῆλα παρέχουσι καὶ τὰ δεινὰ καὶ τὰ εὐθαρσῆ. ἔτι δὲ τῷ μὲν κρυπτὰσ ἔχοντι φυλακὰσ ἐξέσται μὲν φανεροῖσ ὀλίγοισ ἔμπροσθεν τῶν κρυπτῶν φυλάττοντα πειρᾶσθαι τοὺσ πολεμίουσ εἰσ ἐνέδρασ ὑπάγειν·

ἀγρευτικὸν δὲ καὶ ὄπισθεν τῶν κρυπτῶν ἄλλοισ φανεροῖσ ἔστιν ὅτε φυλάττειν· καὶ τοῦτο γὰρ ἐξαπατητικὸν τῶν πολεμίων ὁμοίωσ τῷ πρόσθεν εἰρημένῳ. ἀλλὰ μὴν φρονίμου γε ἄρχοντοσ καὶ τὸ μήποτε κινδυνεύειν ἑκόντα, πλὴν ὅπου ἂν πρόδηλον ᾖ ὅτι πλέον ἕξει τῶν πολεμίων·

τὸ δὲ ὑπηρετεῖν τὰ ἥδιστα τοῖσ πολεμίοισ προδοσία τῶν ξυμμάχων δικαίωσ ἂν μᾶλλον ἢ ἀνδρεία κρίνοιτο. σῶφρον δὲ καὶ τὸ ἐκεῖσε ὁρμᾶν ὅπου ἂν ἀσθενῆ τὰ τῶν πολεμίων ᾖ, κἂν πρόσω ὄντα τυγχάνῃ.

τὸ γὰρ σφόδρα πονῆσαι ἀκινδυνότερον ἢ πρὸσ τοὺσ κρείττουσ ἀγωνίζεσθαι. ἢν δέ πῃ εἰσ μέσον φιλίων τειχέων εἰσίωσιν οἱ πολέμιοι, κἂν πολὺ κρείττουσ ὄντεσ, καλὸν μὲν ἐντεῦθεν ἐπιχειρεῖν ὁποτέρωθι ἂν λελήθῃσ παρών, καλὸν δὲ καὶ ἅμα ἀμφοτέρωθεν.

ὅταν γὰρ οἱ ἕτεροι ἀποχωρῶσιν, οἱ ἐκ τοῦ ἐπὶ θάτερα ἐλαύνοντεσ ταράττοιεν μὲν ἂν τοὺσ πολεμίουσ, σῴζοιεν δ’ ἂν τοὺσ φίλουσ. καὶ τὸ μὲν διὰ κατασκόπων πειρᾶσθαι εἰδέναι τὰ τῶν πολεμίων πάλαι εἴρηται ὡσ ἀγαθόν ἐστιν·

ἐγὼ δὲ πάντων ἄριστον νομίζω εἶναι τὸ αὐτὸν πειρᾶσθαι, ἢν ᾖ ποθεν ἐξ ἀσφαλοῦσ, θεώμενον τοὺσ πολεμίουσ ἀθρεῖν ἤν τι ἁμαρτάνωσι. καὶ τὸ μὲν κλαπῆναι δυνατὸν πέμπειν χρὴ τοὺσ ἐπιτηδείουσ κλέψοντασ, τὸ δ’ ἁρπασθῆναι ἐγχωροῦν ἐφιέναι τοὺσ ἁρπάσοντασ.

ἢν δὲ πορευομένων ποι τῶν πολεμίων ἀπαρτᾶταί τι ἀσθενέστερον τῆσ αὑτοῦ δυνάμεωσ ἢ θαρροῦν ἀποσκεδαννύηται, οὐδὲ τοῦτο χρὴ λανθάνειν· ἀεὶ μέντοι <τῷ> ἰσχυροτέρῳ τὸ ἀσθενέστερον θηρᾶν. κἂν μεταθέων γέ τισ ἐπιγίγνηται κύων, ἢν μὲν ἥττων ᾖ, τούτῳ ἐπιτίθεται, ἢν δὲ κρείττων, ἀποσπάσασ ὅ τι ἂν ἔχῃ ἀποχωρεῖ.

ὅταν δέ γε φυλακῆσ καταφρονήσωσι λύκοι, τάξαντεσ ἑαυτῶν τοὺσ μὲν ἀπελάσαι τὴν φυλακήν, τοὺσ δὲ ἁρπάζειν, οὕτω τὰ ἐπιτήδεια πορίζονται. θηρίων γε μὴν δυναμένων τὰ τοιαῦτα φρονίμωσ λῄζεσθαι, πῶσ οὐκ ἄνθρωπόν γε ὄντα εἰκὸσ σοφώτερον τούτων φαίνεσθαι ἃ καὶ αὐτὰ τέχνῃ ὑπ’ ἀνθρώπου ἁλίσκεται;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἱππαρχικός, chapter 4

(크세노폰, Minor Works, Ἱππαρχικός, chapter 4)

상위

목록

SEARCH

MENU NAVIGATION