헬라어 문장 검색 - Τηεοξρ́Ιδψλλσ́23́0́0́

(테오크리토스, Idylls, Διόσκουροι)

Ὑμνέομεν Λήδασ τε καὶ αἰγιόχου Διὸσ υἱώ, Κάστορα καὶ φοβερὸν Πολυδεύκεα πὺξ ἐρεθίζειν χεῖρασ ἐπιζεύξαντα μέσασ βοέοισιν ἱμᾶσιν. ὑμνέομεν καὶ δὶσ καὶ τὸ τρίτον ἄρσενα τέκνα κούρησ Θεστιάδοσ, Λακεδαιμονίουσ δύ’ ἀδελφούσ, ἀνθρώπων σωτῆρασ ἐπὶ ξυροῦ ἤδη ἐόντων, ἵππων θ’ αἱματόεντα ταρασσομένων καθ’ ὅμιλον, νηῶν θ’, αἳ δύνοντα καὶ οὐρανὸν ἐξανύοντα ἄστρα βιαζόμεναι χαλεποῖσ ἐνέκυρσαν ἀήταισ. οἱ δέ σφεων κατὰ πρύμναν ἀείραντεσ μέγα κῦμα, ἠὲ καὶ ἐκ πρῴρηθεν, ἢ ὅππῃ θυμὸσ ἑκάστου, ἐσ κοίλην ἔρριψαν, ἀνέρρηξαν δ’ ἄρα τοίχουσ ἀμφοτέρουσ· κρέμαται δὲ σὺν ἱστίῳ ἄρμενα πάντα εἰκῇ ἀποκλασθέντα· πολὺσ δ’ ἐξ οὐρανοῦ ὄμβροσ νυκτὸσ ἐφερπούσησ· παταγεῖ δ’ εὐρεῖα θάλασσα, κοπτομένη πνοιαῖσ τε καὶ ἀρρήκτοισι χαλάζαισ. ἀλλ’ ἔμπησ ὑμεῖσ γε καὶ ἐκ βυθοῦ ἕλκετε νῆασ αὐτοῖσιν ναύτῃσιν ὀιομένοισ θανέεσθαι· αἶψα δ’ ἀπολήγοντ’ ἄνεμοι, λιπαρὴ δὲ γαλάνη ἀμπέλαγοσ· νεφέλαι δὲ διέδραμον ἄλλυδισ ἄλλαι· ἐκ δ’ ἄρκτοι τ’ ἐφάνησαν, ὄνων τ’ ἀνὰ μέσσον ἀμαυρὴ φάτνη σημαίνοισα τὰ πρὸσ πλόον εὔδια πάντα. ὦ ἄμφω θνητοῖσι βοηθόοι, ὦ φίλοι ἄμφω, ἱππῆεσ κιθαρισταί, ἀεθλητῆρεσ ἀοιδοί· Κάστοροσ ἢ πρώτου Πολυδεύκεοσ ἄρξομ’ ἀείδειν; ἀμφοτέρουσ ὑμνέων Πολυδεύκεα πρῶτον ἀείσω. Ἡ μὲν ἄρα προφυγοῦσα πέτρασ εἰσ ἓν ξυνιούσασ Ἀργὼ καὶ νιφόεντοσ ἀταρτηρὸν στόμα Πόντου Βέβρυκασ εἰσαφίκανε θεῶν φίλα τέκνα φέρουσα. ἔνθα μιῆσ πολλοὶ κατὰ κλίμακοσ ἀμφοτέρων ἒξ τοίχων ἄνδρεσ ἔβαινον Ἰησονίησ ἀπὸ νηόσ. ἐκβάντεσ δ’ ἐπὶ θῖνα βαθὺν καὶ ὑπήνεμον ἀκτὴν εὐνάσ τ’ ἐστόρνυντο πυρεῖά τε χερσὶν ἐνώμων. Κάστωρ δ’ αἰολόπωλοσ ὅ τ’ οἰνωπὸσ Πολυδεύκησ ἄμφω ἐρημάζεσκον ἀποπλαγχθέντεσ ἑταίρων, παντοίην ἐν ὄρει θηεύμενοι ἄγριον ὕλην. εὑρ͂ον δ’ ἀέναον κρήνην ὑπὸ λισσάδι πέτρῃ ὕδατι πεπληθυῖαν ἀκηράτῳ· αἱ δ’ ὑπένερθεν λάλλαι κρυστάλλῳ ἠδ’ ἀργύρῳ ἰνδάλλοντο ἐκ βυθοῦ· ὑψηλαὶ δὲ πεφύκεσαν ἀγχόθι πεῦκαι λεῦκαί τε πλάτανοί τε καὶ ἀκρόκομοι κυπάρισσοι, ἄνθεά τ’ εὐώδη, λασίαισ φίλα ἔργα μελίσσαισ, ὅσσ’ ἐάροσ λήγοντοσ ἐπιβρύει ἀν λειμῶνασ. ἔνθα δ’ ἀνὴρ ὑπέροπλοσ ἐνήμενοσ ἐνδιάασκε, δεινὸσ ἰδεῖν, σκληραῖσι τεθλασμένοσ οὐάτα πυγμαῖσ· στήθεα δ’ ἐσφαίρωτο πελώρια καὶ πλατὺ νῶτον σαρκὶ σιδηρείῃ, σφυρήλατοσ οἱᾶ κολοσσόσ. ἐν δὲ μύεσ στερεοῖσι βραχίοσιν ἄκρον ὑπ’ ὦμον ἕστασαν ἠύτε πέτροι ὁλοίτροχοι, οὕστε κυλίνδων χειμάρρουσ ποταμὸσ μεγάλαισ περιέξεσε δίναισ· αὐτὰρ ὑπὲρ νώτοιο καὶ αὐχένοσ ᾐωρεῖτο ἄκρων δέρμα λέοντοσ ἀφημμένον ἐκ ποδεώνων. τὸν πρότεροσ προσέειπεν ἀεθλοφόροσ Πολυδεύκησ. χαῖρε ξεῖν’, ὅτισ ἐσσί. τίνεσ βροτοί, ὧν ὅδε χῶροσ; χαίρω πῶσ, ὅτε τ’ ἄνδρασ ὁρῶ, τοὺσ μὴ πρὶν ὄπωπα; θάρσει. μήτ’ ἀδίκουσ μήτ’ ἐξ ἀδίκων φάθι λεύσσειν. θαρσέω, κοὐκ ἐκ σεῦ με διδάσκεσθαι τόδ’ ἐοίκεν. ἄγριοσ εἶ, πρὸσ πάντα παλίγκοτοσ, ἢ ὑπερόπτησ; τοιόσδ’ οἱο͂ν ὁρᾷσ· τῆσ σῆσ γε μὲν οὐκ ἐπιβαίνω. Π. ἔλθοισ, καὶ ξενίων γε τυχὼν πάλιν οἴκαδ’ ἱκάνοισ. μήτε σύ με ξείνιζε, τά τ’ ἐξ ἐμεῦ οὐκ ἐν ἑτοίμῳ. δαιμόνι’, οὐδ’ ἂν τοῦδε πιεῖν ὕδατοσ σύγε δοίησ; γνώσεαι, εἴ σευ δῖψοσ ἀνειμένα χείλεα τέρσει. ἄργυροσ ἢ τίσ ὁ μισθόσ, ἐρεῖσ, ᾧ κέν σε πίθοιμεν; Α. εἷσ ἑνὶ χεῖρασ ἀείρον ἐναντίοσ ἀνδρὶ καταστάσ. πυγμάχοσ, ἢ καὶ ποσσὶ θενὼν σκέλοσ; ὄμματά γ’ ὀρθὸσ πὺξ διατεινάμενοσ σφετέρησ μὴ φείδεο τέχνησ. τίσ γάρ, ὅτῳ χεῖρασ καὶ ἐμοὺσ συνερείσω ἱμάντασ; ἐγγὺσ ὁρᾷσ· οὐ γύννισ ἐὼν κεκλήσεθ’ ὁ πύκτησ. Π. ἦ καὶ ἀέθλον ἑτοῖμον, ἐφ’ ᾧ δηρισόμεθ’ ἄμφω σὸσ μὲν ἐγώ, σὺ δ’ ἐμὸσ κεκλήσεαι, αἴκε κρατήσω. ὀρνίθων φοινικολόφων τοιοίδε κυδοιμοί. εἴτ’ οὖν ὀρνίθεσσιν ἐοικότεσ εἴτε λέουσι γινόμεθ’, οὐκ ἄλλῳ γε μαχεσσαίμεσθ’ ἐπ’ ἀέθλῳ. ͂̓Η ῥ’ Ἄμυκοσ, καὶ κόχλον ἑλὼν μυκήσατοκοίλην. οἱ δὲ θοῶσ συνάγερθεν ὑπὸ σκιερὰσ πλατανίστουσ κόχλου φυσηθέντοσ ἀεὶ Βέβρυκεσ κομόωντεσ. ὣσ δ’ αὔτωσ ἡρ́ωασ ἰὼν ἐκαλέσσατο πάντασ Μαγνήσσησ ἀπὸ νηὸσ ὑπείροχοσ ἐν δαῒ Κάστωρ. οἱ δ’ ἐπεὶ οὖν σπείρῃσιν ἐκαρτύναντο βοείαισ χεῖρασ καὶ περὶ γυῖα μακροὺσ εἵλιξαν ἱμάντασ, ἐσ μέσσον σύναγον φόνον ἀλλήλοισι πνέοντεσ. ἔνθα πολύσ σφισι μόχθοσ ἐπειγομένοισιν ἐτύχθη, ὁππότεροσ κατὰ νῶτα λάβοι φάοσ ἠελίοιο· ἰδρείῃ μέγαν ἄνδρα παρήλυθεσ ὦ Πολύδευκεσ, βάλλετο δ’ ἀκτίνεσσιν ἅπαν Ἀμύκοιο πρόσωπον. αὐτὰρ ὅγ’ ἐν θυμῷ κεχολωμένοσ ἱέτο πρόσσω, χερσὶ τιτυσκόμενοσ. τοῦ δ’ ἄκρον τύψε γένειον Τυνδαρίδησ ἐπιόντοσ· ὀρίνθη δὲ πλέον ἢ πρίν, σὺν δὲ μάχην ἐτάραξε, πολὺσ δ’ ἐπέκειτο νενευκὼσ ἐσ γαῖαν. Βέβρυκεσ δ’ ἐπαΰτεον, οἱ δ’ ἑτέρωθεν ἡρ́ωεσ κρατερὸν Πολυδεύκεα θαρσύνεσκον, δειδιότεσ μή πώσ μιν ἐπιβρίσασ δαμάσειε χώρῳ ἐνὶ στεινῷ Τιτυῷ ἐναλίγκιοσ ἀνήρ. ἤτοι ὅγ’ ἔνθα καὶ ἔνθα παριστάμενοσ Διὸσ υἱὸσ ἀμφοτέρῃσιν ἄμυσσεν ἀμοιβαδίσ, ἔσχεθε δ’ ὁρμῆσ παῖδα Ποσειδάωνοσ ὑπερφίαλόν περ ἐόντα. ἔστη δὲ πληγαῖσ μεθύων, ἐκ δ’ ἔπτυσεν αἷμα φοίνιον· οἱ δ’ ἅμα πάντεσ ἀριστῆεσ κελάδησαν, ὡσ ἴδον ἕλκεα λυγρὰ περὶ στόμα τε γναθμούσ τε· ὄμματα δ’ οἰδήσαντοσ ἀπεστείνωτο προσώπου. τὸν μὲν ἄναξ ἐτάρασσεν ἐτώσια χερσὶ προδεικνὺσ πάντοθεν· ἀλλ’ ὅτε δή μιν ἀμηχανέοντ’ ἐνόησε, μέσσησ ῥινὸσ ὕπερθε κατ’ ὀφρύοσ ἤλασε πυγμῇ, πᾶν δ’ ἀπέσυρε μέτωπον ἐσ ὀστέον. αὐτὰρ ὁ πληγεὶσ ὕπτιοσ ἐν φύλλοισι τεθηλόσιν ἐξετανύσθη. ἔνθα μάχη δριμεῖα πάλιν γένετ’ ὀρθωθέντοσ· ἀλλήλουσ δ’ ὄλεκον στερεοῖσ θείνοντεσ ἱμᾶσιν. ἀλλ’ ὁ μὲν ἐσ στῆθόσ τε καὶ ἔξω χεῖρασ ἐνώμα αὐχένοσ ἀρχηγὸσ Βεβρύκων· ὁ δ’ ἀεικέσι πληγαῖσ πᾶν συνέφυρε πρόσωπον ἀνίκητοσ Πολυδεύκησ. σάρκεσ δ’ αἱ μὲν ἱδρῶτι συνίζανον, ἐκ μεγάλου δὲ αἶψ’ ὀλίγοσ γένετ’ ἀνδρόσ· ὁ δ’ αἰεὶ πάσσονα γυῖα ἁπτομένου φορέεσκε πόνου καὶ χροιῇ ἀμείνων. πῶσ γὰρ δὴ Διὸσ υἱὸσ ἀδηφάγον ἄνδρα καθεῖλεν; εἰπὲ θεά, σὺ γὰρ οἶσθα· ἐγὼ δ’ ἑτέρων ὑποφήτησ φθέγξομαι, ὡσ ἐθέλεισ σύ, καὶ ὅππωσ τοι φίλον αὐτῇ. Ἤτοι ὅγε ῥέξαί τι λιλαιόμενοσ μέγα ἔργον σκαιῇ μὲν σκαιὴν Πολυδεύκεοσ ἔλλαβε χεῖρα, δοχμὸσ ἀπὸ προβολῆσ κλινθείσ, ἑτέρῃ δ’ ἐπιβαίνων δεξιτερῆσ ἤνεγκεν ἀπὸ λαγόνοσ πλατὺ γυῖον. καί κε τυχὼν ἔβλαψεν Ἀμυκλαίων βασιλῆα. ἀλλ’ ὅγ’ ὑπεξανέδυ κεφαλῇ, στιβαρῇ δ’ ἅμα χειρὶ πλῆξεν ὑπὸ σκαιὸν κρόταφον καὶ ἐπέμπεσεν ὤμῳ· ἐκ δ’ ἐχύθη μέλαν αἷμα θοῶσ κροτάφοιο χανόντοσ· λαιῇ δὲ στόμα κόψε, πυκνοὶ δ’ ἀράβησαν ὀδόντεσ· αἰεὶ δ’ ὀξυτέρῳ πιτύλῳ δηλεῖτο πρόσωπον, μέχρι συνηλοίησε παρήια. πᾶσ δ’ ἐπὶ γαίῃ κεῖτ’ ἀλλοφρονέων, καὶ ἀνέσχεθε νεῖκοσ ἀπαυδῶν ἀμφοτέρασ ἅμα χεῖρασ, ἐπεὶ θανάτου σχεδὸν ἠε͂ν. τὸν μὲν ἄρα κρατέων περ ἀτάσθαλον οὐδὲν ἔρεξασ, ὦ πύκτη Πολύδευκεσ· ὄμοσσε δέ τοι μέγαν ὁρ́κον, ὃν πατέρ’ ἐκ πόντοιο Ποσειδάωνα κικλήσκων, μήποτ’ ἔτι ξείνοισιν ἑκὼν ἀνιηρὸσ ἔσεσθαι. Καὶ σὺ μὲν ὕμνησαί μοι ἄναξ. σὲ δὲ Κάστορ ἀείσω, Τυνδαρίδη ταχύπωλε δορυσσόε χαλκεοθώρηξ. Τὼ μὲν ἀναρπάξαντε δύω φερέτην Διὸσ υἱὼ δοιὰσ Λευκίπποιο κόρασ· δοιὼ δ’ ἄρα τώγε ἐσσυμένωσ ἐδίωκον ἀδελφεὼ υἷ’ Ἀφαρῆοσ, γαμβρὼ μελλογάμω, Λυγκεὺσ καὶ ὁ καρτερὸσ Ἴδασ. ἀλλ’ ὅτε τύμβον ἵκανον ἀποφθιμένου Ἀφαρῆοσ, ἐκ δίφρων ἅμα πάντεσ ἐπ’ ἀλλήλοισιν ὄρουσαν, ἔγχεσι καὶ κοίλοισι βαρυνόμενοι σακέεσσι. Λυγκεὺσ δ’ αὖ μετέειπεν ὑπὲκ κόρυθοσ μέγ’ ἀύσασ· Δαιμόνιοι, τί μάχησ ἱμείρετε; πῶσ δ’ ἐπὶ νύμφαισ ἀλλοτρίαισ χαλεποί, γυμναὶ δ’ ἐν χερσὶ μάχαιραι; ἡμῖν τοι Λεύκιπποσ ἑὰσ ἕδνωσε θύγατρασ τάσδε πολὺ προτέροισ, ἡμῖν γάμοσ οὗτοσ ἐν ὁρ́κῳ· ὑμεῖσ δ’ οὐ κατὰ κόσμον ἐπ’ ἀλλοτρίοισ λεχέεσσιν βουσὶ καὶ ἡμιόνοισι καὶ ἄλλοισι κτεάτεσσιν ἄνδρα παρετρέψασθε, γάμον δ’ ἐκλέπτετε δώροισ. ἦ μὰν πολλάκισ ὔμμιν ἐνώπιον ἀμφοτέροισιν αὐτὸσ ἐγὼ τάδ’ ἐείπα καὶ οὐ πολύμυθοσ ἐών περ· "οὐχ οὕτω φίλοι ἄνδρεσ ἀριστήεσσιν ἐοίκε μνηστεύειν ἀλόχουσ, αἷσ νυμφίοι ἤδη ἑτοῖμοι. πολλή τοι Σπάρτη, πολλὴ δ’ ἱππήλατοσ ͂̓Ηλισ, Ἀρκαδίη τ’ εὔμηλοσ Ἀχαιῶν τε πτολίεθρα, Μεσσήνη τε καὶ Ἄργοσ ἅπασά τε Σισυφὶσ ἀκτή· ἔνθα κόραι τοκέεσσιν ὑπὸ σφετέροισι τρέφονται μυρίαι οὔτε φυῆσ ἐπιδευέεσ οὔτε νόοιο. τάων εὐμαρὲσ ὔμμιν ὀπυίειν ἅσ κ’ ἐθέλητε· ὡσ ἀγαθοῖσ πολέεσ βούλοιντό κε πενθεροὶ εἶναι· ὑμεῖσ δ’ ἐν πάντεσσι διάκριτοι ἡρώεσσι, καὶ πατέρεσ καὶ ἄνωθεν ἅπαν πατρώιον αἷμα. ἀλλὰ φίλοι τοῦτον μὲν ἐάσατε πρὸσ τέλοσ ἐλθεῖν ἄμμι γάμον· σφῷν δ’ ἄλλον ἐπιφραζώμεθα πάντεσ. " ἴσκον τοιάδε πολλά, τὰ δ’ εἰσ ὑγρὸν ᾤχετο κῦμα πνοιὴ ἔχουσ’ ἀνέμοιο, χάρισ δ’ οὐχ ἕσπετο μύθοισ. σφὼ γὰρ ἀκηλήτω καὶ ἀπηνέεσ. ἀλλ’ ἔτι καὶ νῦν πείθεσθ’· ἄμφω δ’ ἄμμιν ἀνεψιὼ ἐκ πατρὸσ ἐστόν. εἰ δ’ ὑμῖν κραδίη πόλεμον ποθεῖ, αἵματι δὲ χρὴ νεῖκοσ ἀναρρήξαντασ ὁμοίιον ἔγχεα λοῦσαι, Ἴδασ μὲν καὶ ὅμαιμοσ ἐμόσ, κρατερὸσ Πολυδεύκησ, χεῖρασ ἐρωήσουσιν ἀπεχθομένησ ὑσμίνησ, νῶι δ’, ἐγὼ Κάστωρ τε, διακρινώμεθ’ ἄρηι ὁπλοτέρω γεγαῶτε. γονεῦσι δὲ μὴ πολὺ πένθοσ ἡμετέροισι λίπωμεν. ἅλισ νέκυσ ἐξ ἑνὸσ οἴκου εἶσ· ἀτὰρ ὥλλοι πάντεσ ἐυφρανέουσιν ἑταίρουσ νυμφίοι ἀντὶ νεκρῶν, ὑμεναιώσουσι δὲ κούρασ τάσδ’· ὀλίγῳ τοι ἐοίκε κακῷ μέγα νεῖκοσ ἀναιρεῖν. Εἶπε, τὰ δ’ οὐκ ἄρ’ ἔμελλε θεὸσ μεταμώνια θήσειν. τὼ μὲν γὰρ ποτὶ γαῖαν ἀπ’ ὤμων τεύχε’ ἔθεντο, ὣ γενεῇ προφέρεσκον· ὁ δ’ ἐσ μέσον ἤλυθε Λυγκεύσ, σείων καρτερὸν ἔγχοσ ὑπ’ ἀσπίδοσ ἄντυγα πρώτην· ὣσ δ’ αὔτωσ ἄκρασ ἐτινάξατο δούρατοσ ἀκμὰσ Κάστωρ· ἀμφοτέροισ δὲ λόφων ἐπένευον ἔθειραι. ἔγχεσι μὲν πρώτιστα τιτυσκόμενοι πόνον εἶχον ἀλλήλων, εἴ πού τι χροὸσ γυμνωθὲν ἴδοιεν. ἀλλ’ ἤτοι τὰ μὲν ἄκρα πάροσ τινὰ δηλήσασθαι δοῦρ’ ἐάγη, σακέεσσιν ἐνὶ δεινοῖσι παγέντα. τὼ δ’ ἀόρ ἐκ κολεοῖο ἐρυσσαμένω φόνον αὖτισ τεῦχον ἐπ’ ἀλλήλοισι· μάχησ δ’ οὐ γίνετ’ ἐρωή. πολλὰ μὲν ἐσ σάκοσ εὐρὺ καὶ ἱππόκομον τρυφάλειαν Κάστωρ, πολλὰ δ’ ἔνυξεν ἀκριβὴσ ὄμμασι Λυγκεὺσ τοῖο σάκοσ, φοίνικα δ’ ὅσον λόφον ἵκετ’ ἀκωκή. τοῦ μὲν ἄκρην ἐκόλουσεν ἐπὶ σκαιὸν γόνυ χεῖρα φάσγανον ὀξὺ φέροντοσ ὑπεξαναβὰσ ποδὶ Κάστωρ σκαιῷ· ὁ δὲ πληγεὶσ ξίφοσ ἔκβαλεν, αἶψα δὲ φεύγειν ὡρμήθη ποτὶ σῆμα πατρόσ, τόθι καρτερὸσ Ἴδασ κεκλιμένοσ θηεῖτο μάχην ἐμφύλιον ἀνδρῶν. ἀλλὰ μεταΐξασ πλατὺ φάσγανον ὦσε διαπρὸ Τυνδαρίδησ λαγόνοσ τε καὶ ὀμφαλοῦ· ἔγκατα δ’ εἴσω χαλκὸσ ἄφαρ διέχευεν· ὁ δ’ ἐσ στόμα κεῖτο νενευκὼσ Λυγκεύσ, κὰδ δ’ ἄρα οἱ βλεφάρων βαρὺσ ἔδραμεν ὕπνοσ. οὐ μὰν οὐδὲ τὸν ἄλλον ἐφ’ ἑστίῃ εἶδε πατρῴῃ παίδων Λαοκόωσσα φίλον γάμον ἐκτελέσαντα. ἦ γὰρ ὅγε στήλην Ἀφαρηίου ἐξανέχουσαν τύμβου ἀναρρήξασ ταχέωσ Μεσσήνιοσ Ἴδασ μέλλε κασιγνήτοιο βαλεῖν σφετέροιο φονῆα· ἀλλὰ Ζεὺσ ἐπάμυνε, χερῶν δέ οἱ ἔκβαλε τυκτὴν μάρμαρον, αὐτὸν δὲ φλογέῳ συνέφλεξε κεραυνῷ. οὕτωσ Τυνδαρίδαισ πολεμιζέμεν οὐκ ἐν ἐλαφρῷ. αὐτοί τε κρατέοντε καὶ ἐκ κρατέοντοσ ἔφυσαν. Χαίρετε Λήδασ τέκνα, καὶ ἡμετέροισ κλέοσ ὕμνοισ ἐσθλὸν ἀεὶ πέμποιτε· φίλοι δέ τε πάντεσ ἀοιδοὶ Τυνδαρίδαισ Ἑλένῃ τε καὶ ἄλλοισ ἡρώεσσιν, Ἴλιον οἳ διέπερσαν ἀρήγοντεσ Μενελάῳ. ὑμῖν κῦδοσ ἄνακτεσ ἐμήσατο Χῖοσ ἀοιδόσ, ὑμνήσασ Πριάμοιο πόλιν καὶ νῆασ Ἀχαιῶν Ἰλιάδασ τε μάχασ Ἀχιλῆά τε πύργον ἀυτῆσ· ὑμῖν αὖ καὶ ἐγὼ λιγεῶν μειλίγματα Μουσέων, οἷ’ αὐταὶ παρέχουσι καὶ ὡσ ἐμὸσ οἶκοσ ὑπάρχει, τοῖα φέρω. γεράων δὲ θεοῖσ κάλλιστον ἀοιδαί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theocritus, Idylls, Διόσκουροι

(테오크리토스, Idylls, Διόσκουροι)

상위

목록

SEARCH

MENU NAVIGATION