헬라어 문장 검색 - ΣτραβόΓεογραπ́12́05́

(스트라본, 지리학, Book 12, chapter 5)

πρὸσ νότον τοίνυν εἰσὶ τοῖσ Παφλαγόσι Γαλάται· τούτων δ’ ἐστὶν ἔθνη τρία, δύο μὲν τῶν ἡγεμόνων ἐπώνυμα, Τροκμοὶ καὶ Τολιστοβώγιοι, τὸ τρίτον δ’ ἀπὸ τοῦ ἐν Κελτικῇ ἔθνουσ Τεκτόσαγεσ. κατέσχον δὲ τὴν χώραν ταύτην οἱ Γαλάται πλανηθέντεσ πολὺν χρόνον καὶ καταδραμόντεσ τὴν ὑπὸ τοῖσ Ἀτταλικοῖσ βασιλεῦσι χώραν καὶ τοῖσ Βιθυνοῖσ, ἑώσ παρ’ ἑκόντων ἔλαβον τὴν νῦν Γαλατίαν καὶ Γαλλογραικίαν λεγομένην. ἀρχηγὸσ δὲ δοκεῖ μάλιστα τῆσ περαιώσεωσ τῆσ εἰσ τὴν Ἀσίαν γενέσθαι Λεοννόριοσ. τριῶν δὲ ὄντων ἐθνῶν ὁμογλώττων καὶ κατ’ ἄλλο οὐδὲν ἐξηλλαγμένων, ἕκαστον διελόντεσ εἰσ τέτταρασ μερίδασ τετραρχίαν ἑκάστην ἐκάλεσαν, τετράρχην ἔχουσαν ἴδιον καὶ δικαστὴν ἕνα καὶ στρατοφύλακα ἕνα ὑπὸ τῷ τετράρχῃ τεταγμένουσ, ὑποστρατοφύλακασ δὲ δύο. ἡ δὲ τῶν δώδεκα τετραρχῶν βουλὴ ἄνδρεσ ἦσαν τριακόσιοι, συνήγοντο δὲ εἰσ τὸν καλούμενον Δρυνέμετον. τὰ μὲν οὖν φονικὰ ἡ βουλὴ ἔκρινε, τὰ δὲ ἄλλα οἱ τετράρχαι καὶ οἱ δικασταί. πάλαι μὲν οὖν ἦν τοιαύτη τισ ἡ διάταξισ, καθ’ ἡμᾶσ δὲ εἰσ τρεῖσ, εἶτ’ εἰσ δύο ἡγεμόνασ, εἶτα εἰσ ἕνα ἧκεν ἡ δυναστεία, εἰσ Δηιόταρον, εἶτα ἐκεῖνον διεδέξατο Ἀμύντασ· νῦν δ’ ἔχουσι Ῥωμαῖοι καὶ ταύτην καὶ τὴν ὑπὸ τῷ Ἀμύντᾳ γενομένην πᾶσαν εἰσ μίαν συναγαγόντεσ ἐπαρχίαν. ἔχουσι δὲ οἱ μὲν Τροκμοὶ τὰ πρὸσ τῷ Πόντῳ καὶ τῇ Καππαδοκίᾳ·

ταῦτα δ’ ἐστὶ τὰ κράτιστα ὧν νέμονται Γαλάται· φρούρια δ’ αὐτοῖσ τετείχισται τρία, Τάουιον, ἐμπόριον τῶν ταύτῃ, ὅπου ὁ τοῦ Διὸσ κολοσσὸσ χαλκοῦσ καὶ τέμενοσ αὐτοῦ ἄσυλον, καὶ Μιθριδάτιον, ὃ ἔδωκε Πομπήιοσ Βογοδιατάρῳ τῆσ Ποντικῆσ βασιλείασ ἀφορίσασ, τρίτον δέ πω Δανάλα, ὅπου τὸν σύλλογον ἐποιήσαντο Πομπήιόσ τε καὶ Λεύκολλοσ, ὁ μὲν ἥκων ἐπὶ τὴν τοῦ πολέμου διαδοχὴν ὁ δὲ παραδιδοὺσ τὴν ἐξουσίαν καὶ ἀπαίρων ἐπὶ τὸν θρίαμβον. Τροκμοὶ μὲν δὴ ταῦτ’ ἔχουσι τὰ μέρη, Τεκτόσαγεσ δὲ τὰ πρὸσ τῇ μεγάλῃ Φρυγίᾳ τῇ κατὰ Πεσσινοῦντα καὶ Ὀρκαόρκουσ· τούτων δ’ ἦν φρούριον Ἄγκυρα ὁμώνυμοσ τῇ πρὸσ Λυδίᾳ περὶ Βλαῦδον πολίχνῃ Φρυγιακῇ. Τολιστοβώγιοι δὲ ὅμοροι Βιθυνοῖσ εἰσι καὶ τῇ Ἐπικτήτῳ καλουμένῃ Φρυγίᾳ· φρούρια δ’ αὐτῶν ἐστι τό τε Βλούκιον καὶ τὸ Πήιον, ὧν τὸ μὲν ἦν βασίλειον Δηιοτάρου, τὸ δὲ γαζοφυλάκιον. Πεσσινοῦσ δ’ ἐστὶν ἐμπόριον τῶν ταύτῃ μέγιστον, ἱερὸν ἔχον τῆσ μητρὸσ τῶν θεῶν σεβασμοῦ μεγάλου τυγχάνον·

καλοῦσι δ’ αὐτὴν Ἄγδιστιν. οἱ δ’ ἱερεῖσ τὸ παλαιὸν μὲν δυνάσται τινὲσ ἦσαν, ἱερωσύνην καρπούμενοι μεγάλην, νυνὶ δὲ τούτων μὲν αἱ τιμαὶ πολὺ μεμείωνται, τὸ δὲ ἐμπόριον συμμένει· κατεσκεύασται δ’ ὑπὸ τῶν Ἀτταλικῶν βασιλέων ἱεροπρεπῶσ τὸ τέμενοσ ναῷ τε καὶ στοαῖσ λευκολίθοισ· ἐπιφανὲσ δ’ ἐποίησαν Ῥωμαῖοι τὸ ἱερόν, ἀφίδρυμα ἐνθένδε τῆσ θεοῦ μεταπεμψάμενοι κατὰ τοὺσ τῆσ Σιβύλλησ χρησμούσ, καθάπερ καὶ τοῦ Ἀσκληπιοῦ τοῦ ἐν Ἐπιδαύρῳ. ἔστι δὲ καὶ ὄροσ ὑπερκείμενον τῆσ πόλεωσ τὸ Δίνδυμον, ἀφ’ οὗ ἡ Δινδυμηνή, καθάπερ ἀπὸ τῶν Κυβέλων ἡ Κυβέλη. πλησίον δὲ καὶ ὁ Σαγγάριοσ ποταμὸσ ποιεῖται τὴν ῥύσιν· ἐπὶ δὲ τούτῳ τὰ παλαιὰ τῶν Φρυγῶν οἰκητήρια Μίδου καὶ ἔτι πρότερον Γορδίου καὶ ἄλλων τινῶν, οὐδ’ ἴχνη σώζοντα πόλεων, ἀλλὰ κῶμαι μικρῷ μείζουσ τῶν ἄλλων, οἱο͂́ν ἐστι τὸ Γόρδιον καὶ Γορβεοῦσ, τὸ τοῦ Κάστοροσ βασίλειον τοῦ Σαωκονδάρου, ἐν ᾧ γαμβρὸν ὄντα τοῦτον ἀπέσφαξε Δηιόταροσ καὶ τὴν θυγατέρα τὴν ἑαυτοῦ· τὸ δὲ φρούριον κατέσπασε καὶ διελυμήνατο τὸ πλεῖστον τῆσ κατοικίασ. μετὰ δὲ τὴν Γαλατίαν πρὸσ νότον ἥ τε λίμνη ἐστὶν ἡ Τάττα, παρακειμένη τῇ μεγάλῃ Καππαδοκίᾳ τῇ κατὰ τοὺσ Μοριμηνούσ, μέροσ δ’ οὖσα τῆσ μεγάλησ Φρυγίασ, καὶ ἡ συνεχὴσ ταύτῃ μέχρι τοῦ Ταύρου, ἧσ τὴν πλείστην Ἀμύντασ εἶχεν.

ἡ μὲν οὖν Τάττα ἁλοπήγιόν ἐστιν αὐτοφυέσ, οὕτω δὲ περιπήττεται ῥᾳδίωσ τὸ ὕδωρ παντὶ τῷ βαπτισθέντι εἰσ αὐτὸ ὥστε στεφάνουσ ἁλῶν ἀνέλκουσιν, ἐπειδὰν καθῶσι κύκλον σχοίνινον, τά τε ὄρνεα ἁλίσκεται τὰ προσαψάμενα τῷ πτερώματι τοῦ ὕδατοσ παραχρῆμα πίπτοντα διὰ τὴν περίπηξιν τῶν ἁλῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 12, chapter 5

(스트라본, 지리학, Book 12, chapter 5)

상위

목록

SEARCH

MENU NAVIGATION