헬라어 문장 검색 - Σοπηοξ́Ελεξτρά01́1́

(소포클레스, episode, anapests)

ὦ φάοσ ἁγνὸν καὶ γῆσ ἰσόμοιρ’ ἀήρ, ὥσ μοι πολλὰσ μὲν θρήνων ᾠδάσ, πολλὰσ δ’ ἀντήρεισ ᾔσθου στέρνων πληγὰσ αἱμασσομένων, ὁπόταν δνοφερὰ νὺξ ὑπολειφθῇ· τὰ δὲ παννυχίδων ἤδη στυγεραὶ ξυνίσασ’ εὐναὶ μογερῶν οἴκων, ὅσα τὸν δύστηνον ἐμὸν θρηνῶ πατέρ’, ὃν κατὰ μὲν βάρβαρον αἰᾶν φοίνιοσ Ἄρησ οὐκ ἐξένισεν, μήτηρ δ’ ἡμὴ χὠ κοινολεχὴσ Αἴγισθοσ ὅπωσ δρῦν ὑλοτόμοι σχίζουσι κάρα φονίῳ πελέκει, κοὐδεὶσ τούτων οἶκτοσ ἀπ’ ἄλλησ ἢ ’μοῦ φέρεται, σοῦ, πάτερ, οὕτωσ αἰκῶσ οἰκτρῶσ τε θανόντοσ. ἀλλ’ οὐ μὲν δὴ λήξω θρήνων στυγερῶν τε γόων, ἔστ’ ἂν παμφεγγεῖσ ἄστρων ῥιπάσ, λεύσσω δὲ τόδ’ ἦμαρ, μὴ οὐ τεκνολέτειρ’ ὥσ τισ ἀηδὼν ἐπὶ κωκυτῷ τῶνδε πατρῴων πρὸ θυρῶν ἠχὼ πᾶσι προφωνεῖν.

ὦ δῶμ’ Αἴ̈δου καὶ Περσεφόνησ, ὦ χθόνι’ Ἑρμῆ καὶ πότνι’ Ἀρὰ σεμναί τε θεῶν παῖδεσ Ἐρινύεσ, αἳ τοὺσ ἀδίκωσ θνῄσκοντασ ὁρᾶθ’, αἳ τοὺσ εὐνὰσ ὑποκλεπτομένουσ, ἔλθετ’, ἀρήξατε, τίσασθε πατρὸσ φόνον ἡμετέρου, καί μοι τὸν ἐμὸν πέμψατ’ ἀδελφόν· μούνη γὰρ ἄγειν οὐκέτι σωκῶ λύπησ ἀντίρροπον ἄχθοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, episode, anapests

(소포클레스, episode, anapests)

목록

SEARCH

MENU NAVIGATION