헬라어 문장 검색 - Σοπηοξ́Ελεξτρά01́0́01́

(소포클레스, episode 1:)

ὦ τοῦ στρατηγήσαντοσ ἐν Τροίᾳ ποτὲ Ἀγαμέμνονοσ παῖ, νῦν ἐκεῖν’ ἔξεστί σοι παρόντι λεύσσειν, ὧν πρόθυμοσ ἦσθ’ ἀεί. τὸ γὰρ παλαιὸν Ἄργοσ οὑπόθεισ τόδε, τῆσ οἰστροπλῆγοσ ἄλσοσ Ἰνάχου κόρησ· αὕτη δ’, Ὀρέστα, τοῦ λυκοκτόνου θεοῦ ἀγορὰ Λύκειοσ· οὑξ ἀριστερᾶσ δ’ ὅδε Ἥρασ ὁ κλεινὸσ ναόσ· οἷ δ’ ἱκάνομεν, φάσκειν Μυκήνασ τὰσ πολυχρύσουσ ὁρᾶν πολύφθορόν τε δῶμα Πελοπιδῶν τόδε, ὅθεν σε πατρὸσ ἐκ φονῶν ἐγώ ποτε πρὸσ σῆσ ὁμαίμου καὶ κασιγνήτησ λαβὼν ἤνεγκα κἀξέσωσα κἀξεθρεψάμην τοσόνδ’ ἐσ ἥβησ, πατρὶ τιμωρὸν φόνου. νῦν οὖν, Ὀρέστα καὶ σὺ φίλτατε ξένων Πυλάδη, τί χρὴ δρᾶν ἐν τάχει βουλευτέον· ὡσ ἡμὶν ἤδη λαμπρὸν ἡλίου σέλασ ἑῷα κινεῖ φθέγματ’ ὀρνίθων σαφῆ μέλαινά τ’ ἄστρων ἐκλέλοιπεν εὐφρόνη. πρὶν οὖν τιν’ ἀνδρῶν ἐξοδοιπορεῖν στέγησ, ξυνάπτετον λόγοισιν· ὡσ ἐνταῦθ’ ἐμέν, ἵν’ οὐκέτ’ ὀκνεῖν καιρόσ, ἀλλ’ ἔργων ἀκμή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, episode 1:

(소포클레스, episode 1:)

목록

SEARCH

MENU NAVIGATION