헬라어 문장 검색 - Σοπηοξ́Αντιγον́10́0́0́

(소포클레스, Antigone, episode)

ἆρ’ ἴστ’, ἀοιδὰσ καὶ γόουσ πρὸ τοῦ θανεῖν ὡσ οὐδ’ ἂν εἷσ παύσαιτ’ ἄν, εἰ χρείη λέγειν; οὐκ ἄξεθ’ ὡσ τάχιστα; καὶ κατηρεφεῖ τύμβῳ περιπτύξαντεσ, ὡσ εἴρηκ’ ἐγώ, ἄφετε μόνην ἔρημον, εἴτε χρῇ θανεῖν εἴτ’ ἐν τοιαύτῃ ζῶσα τυμβεύειν στέγῃ· ἡμεῖσ γὰρ ἁγνοὶ τοὐπὶ τήνδε τὴν κόρην μετοικίασ δ’ οὖν τῆσ ἄνω στερήσεται. ὦ τύμβοσ, ὦ νυμφεῖον, ὦ κατασκαφὴσ οἴκησισ ἀείφρουροσ, οἷ πορεύομαι πρὸσ τοὺσ ἐμαυτῆσ, ὧν ἀριθμὸν ἐν νεκροῖσ πλεῖστον δέδεκται Φερσέφασσ’ ὀλωλότων· ὧν λοισθία ’γὼ καὶ κάκιστα δὴ μακρῷ κάτειμι, πρίν μοι μοῖραν ἐξήκειν βίου. ἐλθοῦσα μέντοι κάρτ’ ἐν ἐλπίσιν τρέφω φίλη μὲν ἥξειν πατρί, προσφιλὴσ δὲ σοί, μῆτερ, φίλη δὲ σοί, κασίγνητον κάρα· ἐπεὶ θανόντασ αὐτόχειρ ὑμᾶσ ἐγὼ ἔλουσα κἀκόσμησα κἀπιτυμβίουσ χοὰσ ἔδωκα. νῦν δέ Πολύνεικεσ, τὸ σὸν δέμασ περιστέλλουσα τοιάδ’ ἄρνυμαι. καίτοι σ’ ἐγὼ ’τίμησα τοῖσ φρονοῦσιν εὖ. οὐ γάρ ποτ’ οὔτ’ ἄν, εἰ τέκνων μήτηρ ἔφυν, οὔτ’ εἰ πόσισ μοι κατθανὼν ἐτήκετο, βίᾳ πολιτῶν τόνδ’ ἂν ᾐρόμην πόνον. τίνοσ νόμου δὴ ταῦτα πρὸσ χάριν λέγω; πόσισ μὲν ἄν μοι κατθανόντοσ ἄλλοσ ἦν, καὶ παῖσ ἀπ’ ἄλλου φωτόσ, εἰ τοῦδ’ ἤμπλακον, μητρὸσ δ’ ἐν Αἵδου καὶ πατρὸσ κεκευθότοιν οὐκ ἔστ’ ἀδελφὸσ ὅστισ ἂν βλάστοι ποτέ. τοιῷδε μέντοι σ’ ἐκπροτιμήσασ’ ἐγὼ νόμῳ Κρέοντι ταῦτ’ ἔδοξ’ ἁμαρτάνειν καὶ δεινὰ τολμᾶν, ὦ κασίγνητον κάρα. καὶ νῦν ἄγει με διὰ χερῶν οὕτω λαβὼν ἄλεκτρον, ἀνυμέναιον, οὔτε του γάμου μέροσ λαχοῦσαν οὔτε παιδείου τροφῆσ, ἀλλ’ ὧδ’ ἔρημοσ πρὸσ φίλων ἡ δύσμοροσ ζῶσ’ εἰσ θανόντων ἔρχομαι κατασκαφάσ. ποίαν παρεξελθοῦσα δαιμόνων δίκην; τί χρή με τὴν δύστηνον ἐσ θεοὺσ ἔτι βλέπειν; τίν’ αὐδᾶν ξυμμάχων; ἐπεί γε δὴ τὴν δυσσέβειαν εὐσεβοῦσ’, ἐκτησάμην. ἀλλ’ εἰ μὲν οὖν τάδ’ ἐστὶν ἐν θεοῖσ καλά, παθόντεσ ἂν ξυγγνοῖμεν ἡμαρτηκότεσ· εἰ δ’ οἵδ’ ἁμαρτάνουσι, μὴ πλείω κακὰ πάθοιεν ἢ καὶ δρῶσιν ἐκδίκωσ ἐμέ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Antigone, episode

(소포클레스, Antigone, episode)

상위

목록

SEARCH

MENU NAVIGATION