헬라어 문장 검색 - Σοπηοξ́Αςαχ́11́0́3́

(소포클레스, Ajax, episode 3:)

δῶρον μὲν ἀνδρὸσ Ἕκτοροσ ξένων ἐμοὶ μάλιστα μισηθέντοσ ἐχθίστου θ’ ὁρᾶν· πέπηγε δ’ ἐν γῇ πολεμίᾳ τῇ Τρῳάδι, σιδηροβρῶτι θηγάνῃ νεηκονήσ· ἔπηξα δ’ αὐτὸν εὖ περιστείλασ ἐγώ, εὐνούστατον τῷδ’ ἀνδρὶ διὰ τάχουσ θανεῖν. οὕτω μὲν εὐσκευοῦμεν· ἐκ δὲ τῶνδέ μοι σὺ πρῶτοσ, ὦ Ζεῦ, καὶ γὰρ εἰκόσ, ἄρκεσον. αἰτήσομαι δέ σ’ οὐ μακρὸν γέρασ λαχεῖν. πέμψον τιν’ ἡμῖν ἄγγελον, κακὴν φάτιν Τεύκρῳ φέροντα, πρῶτοσ ὥσ με βαστάσῃ πεπτῶτα τῷδε περὶ νεορράντῳ ξίφει, καὶ μὴ πρὸσ ἐχθρῶν του κατοπτευθεὶσ πάροσ ῥιφθῶ κυσὶν πρόβλητοσ οἰωνοῖσ θ’ ἕλωρ. τοσαῦτά σ’, ὦ Ζεῦ, προστρέπω, καλῶ δ’ ἅμα πομπαῖον Ἑρμῆν χθόνιον εὖ με κοιμίσαι, ξὺν ἀσφαδάστῳ καὶ ταχεῖ πηδήματι πλευρὰν διαρρήξαντα τῷδε φασγάνῳ. καλῶ δ’ ἀρωγοὺσ τὰσ ἀεί τε παρθένουσ ἀεί θ’ ὁρώσασ πάντα τἀν βροτοῖσ πάθη, σεμνὰσ Ἐρινῦσ τανύποδασ, μαθεῖν ἐμὲ πρὸσ τῶν Ἀτρειδῶν ὡσ διόλλυμαι τάλασ, καί σφασ κακοὺσ κάκιστα καὶ πανωλέθρουσ ξυναρπάσειαν, ὥσπερ εἰσορῶσ’ ἐμὲ αὐτοσφαγῆ πίπτοντα, τὼσ αὐτοσφαγεῖσ πρὸσ τῶν φιλίστων ἐκγόνων ὀλοίατο. ἴτ’, ὦ ταχεῖαι ποίνιμοί τ’ Ἐρινύεσ, γεύεσθε, μὴ φείδεσθε πανδήμου στρατοῦ· σὺ δ’, ὦ τὸν αἰπὺν οὐρανὸν διφρηλατῶν Ἥλιε, πατρῴαν τὴν ἐμὴν ὅταν χθόνα ἴδῃσ, ἐπισχὼν χρυσόνωτον ἡνίαν ἄγγειλον ἄτασ τὰσ ἐμὰσ μόρον τ’ ἐμὸν γέροντι πατρὶ τῇ τε δυστήνῳ τροφῷ. ἦ που τάλαινα, τήνδ’ ὅταν κλύῃ φάτιν, ἥσει μέγαν κωκυτὸν ἐν πάσῃ πόλει. ἀλλ’ οὐδὲν ἔργον ταῦτα θρηνεῖσθαι μάτην, ἀλλ’ ἀρκτέον τὸ πρᾶγμα σὺν τάχει τινί. ὦ Θάνατε Θάνατε, νῦν μ’ ἐπίσκεψαι μολών. καίτοι σὲ μὲν κἀκεῖ προσαυδήσω ξυνών. σὲ δ’, ὦ φαεννῆσ ἡμέρασ τὸ νῦν σέλασ, καὶ τὸν διφρευτὴν Ἥλιον προσεννέπω, πανύστατον δὴ κοὔποτ’ αὖθισ ὕστερον. ὦ φέγγοσ, ὦ γῆσ ἱερὸν οἰκείασ πέδον Σαλαμῖνοσ, ὦ πατρῷον ἑστίασ βάθρον κλειναί τ’ Ἀθῆναι καὶ τὸ σύντροφον γένοσ κρῆναί τε ποταμοί θ’ οἵδε, καὶ τὰ Τρωϊκὰ πεδία προσαυδῶ, χαίρετ’, ὦ τροφῆσ ἐμοί· τοῦθ’ ὑμὶν Αἰάσ τοὔποσ ὕστατον θροεῖ, τὰ δ’ ἄλλ’ ἐν Αἵδου τοῖσ κάτω μυθήσομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Ajax, episode 3:

(소포클레스, Ajax, episode 3:)

상위

목록

SEARCH

MENU NAVIGATION