헬라어 문장 검색 - ΠολψβίΗιστορί26́002́

(폴리비오스, Histories, book 26, chapter 1)

Ἀντίοχοσ ὁ Ἐπιφανὴσ μὲν κληθείσ, Ἐπιμανὴσ δ’ ἐκ τῶν πράξεων ὀνομασθείσ περὶ οὗ φησι Πολύβιοσ τάδε, ὡσ ἀποδιδράσκων ἐκ τῆσ αὐλῆσ ἐνίοτε τοὺσ θεραπεύοντασ, οὗ τύχοι τῆσ πόλεωσ, ἀλύων ἐφαίνετο δεύτεροσ καὶ τρίτοσ. μάλιστα δὲ πρὸσ τοῖσ ἀργυροκοπείοισ εὑρίσκετο καὶ χρυσοχοείοισ, εὑρησιλογῶν καὶ φιλοτεχνῶν πρὸσ τοὺσ τορευτὰσ καὶ τοὺσ ἄλλουσ τεχνίτασ.

ἔπειτα καὶ μετὰ δημοτῶν ἀνθρώπων συγκαταβαίνων ὡμίλει, ᾧ τύχοι, καὶ μετὰ τῶν παρεπιδημούντων συνέπινε τῶν εὐτελεστάτων.

ὅτε δὲ τῶν νεωτέρων αἴσθοιτό τινασ συνευωχουμένουσ, οὐδεμίαν ἔμφασιν ποιήσασ παρῆν ἐπικωμάζων μετὰ κερατίου καὶ συμφωνίασ, ὥστε τοὺσ πολλοὺσ διὰ τὸ παράδοξον ἀφισταμένουσ φεύγειν.

πολλάκισ δὲ καὶ τὴν βασιλικὴν ἀποθέμενοσ ἐσθῆτα τήβενναν ἀναλαβὼν περιῄει κατὰ τὴν ἀγορὰν ἀρχαιρεσιάζων καὶ τοὺσ μὲν δεξιούμενοσ, τοὺσ δὲ καὶ περιπτύσσων παρεκάλει φέρειν αὑτῷ τὴν ψῆφον, ποτὲ μὲν ὡσ ἀγορανόμοσ γένηται, ποτὲ δὲ καὶ ὡσ δήμαρχοσ.

τυχὼν δὲ τῆσ ἀρχῆσ καὶ καθίσασ ἐπὶ τὸν ἐλεφάντινον δίφρον κατὰ τὸ παρὰ Ῥωμαίοισ ἔθοσ διήκουε τῶν κατὰ τὴν ἀγορὰν γινομένων συναλλαγμάτων καὶ διέκρινε μετὰ πολλῆσ σπουδῆσ καὶ προθυμίασ.

ἐξ ὧν εἰσ ἀπορίαν ἦγε τῶν ἀνθρώπων τοὺσ ἐπιεικεῖσ· οἱ μὲν γὰρ ἀφελῆ τινα αὐτὸν εἶναι ὑπελάμβανον, οἱ δὲ μαινόμενον.

καὶ γὰρ περὶ τὰσ δωρεὰσ ἦν παραπλήσιοσ· τοῖσ δὲ φοινικοβαλάνουσ, ἄλλοισ δὲ χρυσίον.

καὶ ἐξ ἀπαντήσεωσ δέ τισιν ἐντυγχάνων, οὓσ μὴ ἑωράκει ποτέ, ἐδίδου δωρεὰσ ἀπροσδοκήτουσ.

ἐν δὲ ταῖσ πρὸσ τὰσ πόλεισ θυσίαισ καὶ ταῖσ πρὸσ τοὺσ θεοὺσ τιμαῖσ πάντασ ὑπερέβαλλε τοὺσ βεβασιλευκότασ.

τοῦτο δ’ ἄν τισ τεκμήραιτο ἔκ τε τοῦ παρ’ Ἀθηναίοισ Ὀλυμπιείου καὶ τῶν περὶ τὸν ἐν Δήλῳ βωμὸν ἀνδριάντων.

ἐλούετο δὲ κἀν τοῖσ δημοσίοισ βαλανείοισ, ὅτε δημοτῶν ἦν τὰ βαλανεῖα πεπληρωμένα, κεραμίων εἰσφερομένων αὐτῷ μύρων τῶν πολυτελεστάτων.

ὡσ πάντασ ἀναστάντασ κυλίεσθαι τοὺσ λουομένουσ τῷ μύρῳ καὶ διὰ τὴν γλισχρότητα καταπίπτοντασ γέλωτα παρέχειν, καθάπερ καὶ αὐτὸν τὸν βασιλέα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 26, chapter 1

(폴리비오스, Histories, book 26, chapter 1)

상위

목록

SEARCH

MENU NAVIGATION