Plutarch, Regum et imperatorum apophthegmata, Γναίου Πομπηίου, section 1

Γναῖοσ Πομπήιοσ ὑπὸ Ῥωμαίων ἠγαπήθη τοσοῦτον ὅσον ὁ πατὴρ ἐμισήθη. νέοσ δὲ ὢν παντάπασι τῇ Σύλλα μερίδι προσέθηκεν αὑτόν καὶ μήτε ἄρχων μήτε βουλεύων πολλοὺσ ἐκ τῆσ Ἰταλίασ ἐστρατολόγησε. καὶ Σύλλα καλοῦντοσ οὐκ ἔφη δίχα λαφύρων οὐδὲ ἀναίμακτον ἐπιδείξειν τῷ αὐτοκράτορι τὴν δύναμιν οὐδ’ ἦλθε πρότερον πρὶν ἢ πολλαῖσ μάχαισ νικῆσαι τοὺσ στρατηγοὺσ τῶν πολεμίων.