헬라어 문장 검색 - Πλυταρ́Ξομπαρι

(플루타르코스, Comparison of Alcibiades and Coriolanus, chapter 2)

ὅτι τοίνυν ἁπλοῦσ τισ ὁ Μάρκιοσ ὑπείληπται τῷ τρόπῳ γεγονέναι καὶ αὐθέκαστοσ, ὁ δὲ Ἀλκιβιάδησ πανοῦργοσ ἐν τῇ πολιτείᾳ καὶ ἀναλήθησ, οὐκ ἄδηλόν ἐστι. μάλιστα δὲ κατηγοροῦσιν αὐτοῦ κακοήθειαν καὶ ἀπάτην, ᾗ τοὺσ Λακεδαιμονίων πρέσβεισ παρακρουσάμενοσ, ὡσ Θουκυδίδησ ἱστόρηκε, τὴν εἰρήνην ἔλυσεν. ἀλλ’ αὕτη μὲν ἡ πολιτείᾳ, καίπερ εἰσ πόλεμον αὖθισ ἐμβαλοῦσα τὴν πόλιν, ἰσχυρὰν ἐποίησε καὶ φοβερὰν, τῆσ Μαντινέων καὶ Ἀργείων συμμαχίασ δι’ Ἀλκιβιάδου προσγενομένησ·

Μάρκιοσ δ’ ὅτι μὲν ἀπάτῃ καὶ αὐτὸσ ἐξεπολέμωσε Ῥωμαίουσ καὶ Οὐολούσκουσ διαβαλὼν ψευδῶσ τοὺσ ἥκοντασ ἐπὶ τὴν θέαν, Διονύσιοσ ἱστόρηκεν ἡ δ’ αἰτία φαυλότερον ποιεῖ τὸ ἔργον, οὐ γὰρ ἐκ φιλονεικίασ οὐδὲ πολιτικῆσ μάχησ ἢ ἁμίλλησ, ὡσ ἐκεῖνοσ, ἀλλ’ ὀργῇ χαριζόμενοσ, παρ’ ἧσ οὐδένα φησὶν ὁ Δίων ἀπολαβεῖν χάριν, πολλὰ τῆσ Ἰταλίασ μέρη συνετάραξε καὶ πολλὰσ πόλεισ οὐδὲν ἀδικούσασ τῷ πρὸσ τὴν πατρίδα θυμῷ παρανάλωσε. καίτοι καὶ Ἀλκιβιάδησ δι’ ὀργὴν μεγάλων αἴτιοσ συμφορῶν κατέστη τοῖσ πολίταισ.

ἀλλ’ ὅτε πρῶτον ἔγνω μεταμελομένουσ, εὐγνωμόνησε, καὶ πάλιν ἀπορριφείσ οὐκ ἐφήσθη τοῖσ στρατηγοῖσ ἁμαρτάνουσιν οὐδὲ παρεῖδε κακῶσ βουλευομένουσ καὶ κινδυνεύοντασ, ἀλλ’, ὅπερ Ἀριστείδησ ἐπαινεῖται μάλιστα πράξασ πρὸσ Θεμιστοκλέα, τοῦτ’ ἐποίησε, πρὸσ τοὺσ τότ’ ἄρχοντασ οὐ φίλουσ ὄντασ ἐλθὼν καὶ φράσασ τὸ δέον καὶ διδάξασ.

Μάρκιοσ δὲ πρῶτον μὲν ὅλην κακῶσ ἐποίει τὴν πόλιν οὐχ ὑφὀ̔́λησ παθών, ἀλλὰ τοῦ βελτίστου καὶ κρατίστου μέρουσ συναδικηθέντοσ αὐτῷ καὶ συναλγήσαντοσ·

ἔπειτα πολλαῖσ πρεσβείαισ καὶ δεήσεσι μίαν ἰωμένων ὀργὴν καὶ ἄγνοιαν οὐ τεγχθεὶσ οὐδ’ εἴξασ ἐδήλωσεν ἐπὶ τῷ διαφθεῖραι τὴν πατρίδα καὶ καταβαλεῖν, οὐχ ὅπωσ ἀπολάβῃ καὶ κατέλθῃ, βαρὺν πόλεμον καὶ ἄσπονδον ἐπανῃρημένοσ. τούτῳ δὲ φήσει τισ διαφέρειν Ἀλκιβιάδην μὲν γὰρ ἐπιβουλευόμενον ὑπὸ Σπαρτιατῶν διὰ δέοσ ἅμα καὶ μῖσοσ αὐτῶν μεταστῆναι πρὸσ Ἀθηναίουσ, Μαρκίῳ δὲ πάντα δίκαια ποιοῦντασ Οὐολούσκουσ οὐ καλῶσ εἶχεν ἐγκαταλιπεῖν.

καὶ γὰρ ἡγεμὼν ἀποδέδεικτο καὶ μεγίστην πίστιν εἶχε μετὰ δυνάμεωσ, οὐχ ὡσ ἐκεῖνοσ, ἀποχρωμένων μᾶλλον ἢ χρωμένων αὐτῷ Λακεδαιμονίων, ἐν τῇ πόλει περιιών καὶ κυλινδούμενοσ αὖθισ ἐν τῷ στρατοπέδῳ τέλοσ εἰσ τὰσ Τισαφέρνου χεῖρασ ἀφῆκεν αὑτόν· εἰ μὴ νὴ Δία μὴ φθαρῆναι τὰσ Ἀθήνασ παντάπασι ποθῶν κατελθεῖν ἐθεράπευε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Alcibiades and Coriolanus, chapter 2

(플루타르코스, Comparison of Alcibiades and Coriolanus, chapter 2)

상위

목록

SEARCH

MENU NAVIGATION