헬라어 문장 검색 - Πλυταρ́Ξομπαρί4́

(플루타르코스, Comparison of Agesilaus and Pompey, chapter 4)

ὃ τοίνυν ἔργον ἐστὶν ἀγαθοῦ στρατηγοῦ μάλιστα, κρείττονα μὲν ὄντα βιάσασθαι τοὺσ πολεμίουσ μάχεσθαι, λειπόμενον δὲ δυνάμει μὴ βιασθῆναι, τοῦτο ποιῶν Ἀγησίλαοσ ἀεὶ διεφύλαξεν ἑαυτὸν ἀνίκητον· Πομπήϊον δὲ Καῖσαρ, οὗ μὲν ἦν ἐλάττων, διέφυγε μὴ βλαβῆναι, καθὸ δὲ κρείττων ἦν, ἠνάγκασεν ἀγωνισάμενον τῷ πεζῷ περὶ πάντων σφαλῆναι, καὶ κύριοσ εὐθὺσ ἦν χρημάτων καὶ ἀγορᾶσ καὶ θαλάττησ, ὑφ’ ὧν διεπέπρακτο ἂν ἄνευ μάχησ ἐκείνοισ προσόντων, τὸ δ’ ὑπὲρ τούτων ἀπολόγημα μέγιστόν ἐστιν ἔγκλημα στρατηγοῦ τηλικούτου. νέον μὲν γὰρ ἄρχοντα θορύβοισ καὶ καταβοήσεσιν εἰσ μαλακίαν καὶ δειλίαν ἐπιταραχθέντα τῶν ἀσφαλεστάτων ἐκπεσεῖν λογισμῶν εἰκόσ ἐστι καὶ συγγνωστόν Πομπήϊον δὲ Μάγνον, οὗ Ῥωμαῖοι τὸ μὲν στρατόπεδον πατρίδα, σύγκλητον δὲ τὴν σκηνήν, ἀποστάτασ δὲ καὶ προδότασ τοὺσ ἐν Ῥώμῃ πολιτευομένουσ καὶ στρατηγοῦντασ καὶ ὑπατεύοντασ ἐκάλουν, ἀρχόμενον δὲ ὑπ’ οὐδενὸσ ἔγνωσαν, πάσασ δὲ αὐτοκράτορα στρατευσάμενον ἄριστα τὰσ στρατείασ, τίσ ἂν ἀνάσχοιτο τοῖσ Φαωνίου σκώμμασι καὶ Δομετίου, καὶ ἵνα μὴ Ἀγαμέμνων λέγηται, παρ’ ἐλάχιστον ἐκβιασθέντα τὸν περὶ τῆσ ἡγεμονίασ καὶ ἐλευθερίασ ἀναρρῖψαι κίνδυνον;

ὃσ εἰ μόνον ἐσκόπει τὸ παρ’ ἡμέραν ἄδοξον, ὤφειλεν ἀντιστὰσ ἐν ἀρχῇ διαγωνίσασθαι περὶ τῆσ Ῥώμησ, ἀλλὰ μὴ τὴν φυγὴν ἐκείνην ἀποφαίνων στρατήγημα Θεμιστόκλειον ὕστερον ἐν αἰσχρῷ τίθεσθαι τὴν ἐν Θετταλίᾳ πρὸ μάχησ διατριβήν.

ὃσ οὐκ ἐλάττονασ μὲν ἐν Σπάρτῃ θορύβουσ ὑπέμεινε βουλομένων Θηβαίοισ ὑπὲρ τῆσ χώρασ μάχεσθαι, πολλὰσ δ’ ἐν Αἰγύπτῳ διαβολὰσ καὶ κατηγορίασ καὶ ὑπονοίασ τοῦ βασιλέωσ ἤνεγκεν ἡσυχίαν ἄγειν κελεύων, χρησάμενοσ δὲ τοῖσ ἀρίστοισ ὡσ ἐβούλετο λογισμοῖσ, οὐ μόνον Αἰγυπτίουσ ἄκοντασ ἔσωσεν, οὐδὲ τὴν Σπάρτην ἐν τοσούτῳ σεισμῷ μόνοσ ὀρθὴν ἀεὶ διεφύλαξεν, ἀλλὰ καὶ τρόπαιον ἔστησε κατὰ Θηβαίων ἐν τῇ πόλει, τὸ νικῆσαι παρασχὼν αὖθισ ἐκ τοῦ τότε μὴ προαπολέσθαι βιασαμένουσ.

ὅθεν Ἀγησίλαοσ μὲν ὑπὸ τῶν βιασθέντων ὕστερον ἐπῃνεῖτο σωθέντων, Πομπήϊοσ δὲ δι’ ἄλλουσ ἁμαρτών, αὐτοὺσ οἷσ ἐπείσθη κατηγόρουσ εἶχε.

καίτοι φασί τινεσ ὡσ ὑπὸ τοῦ πενθεροῦ Σκηπίωνοσ ἐξηπατήθη·

τὰ γὰρ πλεῖστα τῶν χρημάτων ὧν ἐκόμιζεν ἐξ Ἀσίασ βουλόμενον αὐτὸν νοσφίσασθαι καὶ ἀποκρύψαντα κατεπεῖξαι τὴν μάχην, ὡσ οὐκέτι χρημάτων ὄντων, ὃ κἂν ἀληθὲσ ἦν, παθεῖν οὐκ ὤφειλεν ὁ στρατηγόσ, οὐδὲ ῥᾳδίωσ οὕτω παραλογισθεὶσ ἀποκινδυνεῦσαι περὶ τῶν μεγίστων, ἐν μὲν οὖν τούτοισ οὕτωσ ἑκάτερον ἀποθεωροῦμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Agesilaus and Pompey, chapter 4

(플루타르코스, Comparison of Agesilaus and Pompey, chapter 4)

상위

목록

SEARCH

MENU NAVIGATION