헬라어 문장 검색 - Λυξιαν́Δεσαλτά1́0́80́

(루키아노스, De saltatione, (no name) 80:)

ἐπεὶ δὲ τὰσ ἀρετὰσ ἔφην τὰσ ὀρχηστικάσ, ἄκουε καὶ τὰσ κακίασ αὐτῶν. τὰσ μὲν οὖν ἐν σώματι ἤδη ἔδειξα, τὰσ δὲ τῆσ διανοίασ οὕτωσ ἐπιτηρεῖν, οἶμαι, δύναιο ἄν. πολλοὶ γὰρ αὐτῶν ὑπ’ ἀμαθίασ ‐ ἀμήχανον γὰρ ἅπαντασ εἶναι σοφοὺσ ‐ καὶ σολοικίασ δεινὰσ ἐν τῇ ὀρχήσει ἐπιδείκνυνται, οἱ μὲν ἄλογα κινούμενοι καὶ μηδέν, ὥσ φασι, πρὸσ τὴν χορδήν, ἕτερα μὲν γὰρ ὁ πούσ, ἕτερα δ’ ὁ ῥυθμὸσ λέγει· οἱ δὲ εὔρυθμα μέν, τὰ πράγματα δὲ μετάχρονα ἢ πρόχρονα, οἱο͂ν ἐγώ ποτε ἰδὼν μέμνημαι. τὰσ γὰρ Διὸσ γονὰσ ὀρχούμενόσ τισ καὶ τὴν τοῦ Κρόνου τεκνοφαγίαν παρωρχεῖτο τὰσ Θυέστου συμφοράσ, τῷ ὁμοίῳ παρηγμένοσ. καὶ ἄλλοσ τὴν Σεμέλην ὑποκρινόμενοσ βαλλομένην τῷ κεραυνῷ τὴν Γλαύκην αὐτῇ εἴκαζε μεταγενεστέραν οὖσαν. ἀλλ’ οὐκ ἀπό γε τῶν τοιούτων ὀρχηστῶν ὀρχήσεωσ αὐτῆσ, οἶμαι, καταγνωστέον οὐδὲ τὸ ἔργον αὐτὸ μισητέον, ἀλλὰ τοὺσ μέν, ὥσπερ εἰσίν, ἀμαθεῖσ νομιστέον, ἐπαινετέον δὲ τοὺσ ἐννόμωσ καὶ κατὰ ῥυθμὸν τῆσ τέχνησ ἱκανῶσ ἕκαστα δρῶντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, De saltatione, (no name) 80:

(루키아노스, De saltatione, (no name) 80:)

상위

목록

SEARCH

MENU NAVIGATION