헬라어 문장 검색 - Ηομερ́ΙλιαδΓρ́21́0́038́

(호메로스, 일리아스, Book 21 38:)

ὣσ φάτο, μείδησεν δὲ θεὰ λευκώλενοσ Ἥρη. αὐτὰρ Ἀπόλλωνα προσέφη κρείων ἐνοσίχθων· Φοῖβε τί ἢ δὴ νῶϊ διέσταμεν; οὐδὲ ἐοίκεν ἀρξάντων ἑτέρων· τὸ μὲν αἴσχιον αἴ κ’ ἀμαχητὶ ἰόμεν Οὔλυμπον δὲ Διὸσ ποτὶ χαλκοβατὲσ δῶ. ἄρχε· σὺ γὰρ γενεῆφι νεώτεροσ· οὐ γὰρ ἔμοιγε καλόν, ἐπεὶ πρότεροσ γενόμην καὶ πλείονα οἶδα. νηπύτι’ ὡσ ἄνοον κραδίην ἔχεσ· οὐδέ νυ τῶν περ μέμνηαι ὅσα δὴ πάθομεν κακὰ Ἴλιον ἀμφὶ μοῦνοι νῶϊ θεῶν, ὅτ’ ἀγήνορι Λαομέδοντι πὰρ Διὸσ ἐλθόντεσ θητεύσαμεν εἰσ ἐνιαυτὸν μισθῷ ἔπι ῥητῷ· ὃ δὲ σημαίνων ἐπέτελλεν. ἤτοι ἐγὼ Τρώεσσι πόλιν πέρι τεῖχοσ ἔδειμα εὐρύ τε καὶ μάλα καλόν, ἵν’ ἄρρηκτοσ πόλισ εἰή· Φοῖβε σὺ δ’ εἰλίποδασ ἕλικασ βοῦσ βουκολέεσκεσ Ἴδησ ἐν κνημοῖσι πολυπτύχου ὑληέσσησ. ἀλλ’ ὅτε δὴ μισθοῖο τέλοσ πολυγηθέεσ ὡρ͂αι ἐξέφερον, τότε νῶϊ βιήσατο μισθὸν ἅπαντα Λαομέδων ἔκπαγλοσ, ἀπειλήσασ δ’ ἀπέπεμπε. σὺν μὲν ὅ γ’ ἠπείλησε πόδασ καὶ χεῖρασ ὕπερθε δήσειν, καὶ περάαν νήσων ἔπι τηλεδαπάων· στεῦτο δ’ ὅ γ’ ἀμφοτέρων ἀπολεψέμεν οὐάτα χαλκῷ. νῶϊ δὲ ἄψορροι κίομεν κεκοτηότι θυμῷ μισθοῦ χωόμενοι, τὸν ὑποστὰσ οὐκ ἐτέλεσσε. τοῦ δὴ νῦν λαοῖσι φέρεισ χάριν, οὐδὲ μεθ’ ἡμέων πειρᾷ ὥσ κε Τρῶεσ ὑπερφίαλοι ἀπόλωνται πρόχνυ κακῶσ σὺν παισὶ καὶ αἰδοίῃσ ἀλόχοισι τὸν δ’ αὖτε προσέειπεν ἄναξ ἑκάεργοσ Ἀπόλλων·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 21 38:

(호메로스, 일리아스, Book 21 38:)

상위

목록

SEARCH

MENU NAVIGATION