헬라어 문장 검색 - Ηομερ́ΙλιαδΓρ́20́0́044́

(호메로스, 일리아스, Book 20 44:)

ὣσ εἰπὼν Δρύοπ’ οὖτα κατ’ αὐχένα μέσσον ἄκοντι· ἤριπε δὲ προπάροιθε ποδῶν· ὃ δὲ τὸν μὲν ἐάσε, Δημοῦχον δὲ Φιλητορίδην ἠύ̈ν τε μέγαν τε κὰγ γόνυ δουρὶ βαλὼν ἠρύκακε. τὸν μὲν ἔπειτα οὐτάζων ξίφεϊ μεγάλῳ ἐξαίνυτο θυμόν· αὐτὰρ ὃ Λαόγονον καὶ Δάρδανον υἱε͂ Βίαντοσ ἄμφω ἐφορμηθεὶσ ἐξ ἵππων ὦσε χαμᾶζε, τὸν μὲν δουρὶ βαλών, τὸν δὲ σχεδὸν ἀόρι τύψασ. Τρῶα δ’ Ἀλαστορίδην, ὃ μὲν ἀντίοσ ἤλυθε γούνων, εἴ πώσ εὑ πεφίδοιτο λαβὼν καὶ ζωὸν ἀφείη μηδὲ κατακτείνειεν ὁμηλικίην ἐλεήσασ, νήπιοσ, οὐδὲ τὸ ᾔδη ὃ οὐ πείσεσθαι ἔμελλεν· οὐ γάρ τι γλυκύθυμοσ ἀνὴρ ἦν οὐδ’ ἀγανόφρων, ἀλλὰ μάλ’ ἐμμεμαώσ· ὃ μὲν ἥπτετο χείρεσι γούνων ἱέμενοσ λίσσεσθ’, ὃ δὲ φασγάνῳ οὖτα καθ’ ἧπαρ· ἐκ δέ οἱ ἧπαρ ὄλισθεν, ἀτὰρ μέλαν αἷμα κατ’ αὐτοῦ κόλπον ἐνέπλησεν· τὸν δὲ σκότοσ ὄσσε κάλυψε θυμοῦ δευόμενον· ὃ δὲ Μούλιον οὖτα παραστὰσ δουρὶ κατ’ οὖσ· εἶθαρ δὲ δι’ οὐάτοσ ἦλθ’ ἑτέροιο αἰχμὴ χαλκείη· ὃ δ’ Ἀγήνοροσ υἱὸν Ἔχεκλον μέσσην κὰκ κεφαλὴν ξίφει ἤλασε κωπήεντι, πᾶν δ’ ὑπεθερμάνθη ξίφοσ αἵματι· τὸν δὲ κατ’ ὄσσε ἔλλαβε πορφύρεοσ θάνατοσ καὶ μοῖρα κραταιή. Δευκαλίωνα δ’ ἔπειθ’, ἵνα τε ξυνέχουσι τένοντεσ ἀγκῶνοσ, τῇ τόν γε φίλησ διὰ χειρὸσ ἔπειρεν αἰχμῇ χαλκείῃ· ὃ δέ μιν μένε χεῖρα βαρυνθεὶσ πρόσθ’ ὁρόων θάνατον· ὃ δὲ φασγάνῳ αὐχένα θείνασ τῆλ’ αὐτῇ πήληκι κάρη βάλε· μυελὸσ αὖτε σφονδυλίων ἔκπαλθ’, ὃ δ’ ἐπὶ χθονὶ κεῖτο τανυσθείσ. αὐτὰρ ὃ βῆ ῥ’ ἰέναι μετ’ ἀμύμονα Πείρεω υἱὸν Ῥίγμον, ὃσ ἐκ Θρῄκησ ἐριβώλακοσ εἰληλούθει· τὸν βάλε μέσσον ἄκοντι, πάγη δ’ ἐν νηδύϊ χαλκόσ, ἤριπε δ’ ἐξ ὀχέων· ὃ δ’ Ἀρηί̈θοον θεράποντα ἂψ ἵππουσ στρέψαντα μετάφρενον ὀξέϊ δουρὶ νύξ’, ἀπὸ δ’ ἁρ́ματοσ ὦσε· κυκήθησαν δέ οἱ ἵπποι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 20 44:

(호메로스, 일리아스, Book 20 44:)

상위

목록

SEARCH

MENU NAVIGATION