Homer, Iliad, Book 17 24:

ὣσ ἔφατ’, οὐδ’ ἀπίθησε βοὴν ἀγαθὸσ Μενέλαοσ, ἠύ̈σεν δὲ διαπρύσιον Δαναοῖσι γεγωνώσ· ὦ φίλοι Ἀργείων ἡγήτορεσ ἠδὲ μέδοντεσ οἵ τε παρ’ Ἀτρεί̈δῃσ Ἀγαμέμνονι καὶ Μενελάῳ δήμια πίνουσιν καὶ σημαίνουσιν ἕκαστοσ λαοῖσ· ἐκ δὲ Διὸσ τιμὴ καὶ κῦδοσ ὀπηδεῖ. ἀργαλέον δέ μοί ἐστι διασκοπιᾶσθαι ἕκαστον ἡγεμόνων· τόσση γὰρ ἔρισ πολέμοιο δέδηεν· ἀλλά τισ αὐτὸσ ἴτω, νεμεσιζέσθω δ’ ἐνὶ θυμῷ Πάτροκλον Τρῳῇσι κυσὶν μέλπηθρα γενέσθαι.