헬라어 문장 검색 - Ηιπποξ́Οευϝρεσ́08́06́0́

(히포크라테스, Oeuvres Completes D'Hippocrate., AFORISMOI., 60.)

Ἐν τῇσι χρονίῃσι λειεντερίῃσιν ὀξυρεγμίη ἐπιγινομένη, μὴ γενομένη πρότερον, σημεῖον ἀγαθόν. Οἷσι Ῥῖνεσ ὑγρότεραι φύσει, καὶ ἡ γονὴ ὑγροτέρη, ὑγιαίνουσι νοσηρότερον‧ οἷσι δὲ τἀναντία, ὑγιεινότερον. Ἐν τῇσι μακρῇσι δυσεντερίῃσιν αἱ ἀποσιτίαι, κακόν‧ καὶ ξὺν πυρετῷ, κάκιον. Τὰ περιμάδαρα ἕλκεα, κακοήθεα. Τῶν ὀδυνέων ἐν πλευρῇσι, καὶ ἐν στήθεσι, καὶ ἐν τοῖσιν ἄλλοισι μέρεσιν, ἢν μέγα διαφέρωσι, καταμαθητέον. Τὰ νεφριτικὰ, καὶ ὁκόσα κατὰ τὴν κύστιν, ἐργωδῶσ ὑγιάζεται τοῖσι πρεσβύτῃσιν. Τὰ ἀλγήματα τὰ κατὰ τὴν κοιλίην γινόμενα, τὰ μὲν μετέωρα κουφότερα, τὰ δὲ μὴ μετέωρα, ἰσχυρότερα. Τοῖσιν ὑδρωπικοῖσι τὰ γινόμενα ἕλκεα ἐν τῷ σώματι, οὐ Ῥηϊδίωσ ὑγιάζεται. Τὰ πλατέα ἐξανθήματα, οὐ πάνυ τι κνησμώδεα. Κεφαλὴν πονέοντι καὶ περιωδυνέοντι, πῦον, ἢ ὕδωρ, ἢ αἷμα Ῥυὲν κατὰ τὰσ Ῥῖνασ, ἢ κατὰ τὸ στόμα, ἢ κατὰ τὰ ὦτα, λύει τὸ νούσημα. Τοῖσι μελαγχολικοῖσι, καὶ τοῖσι νεφριτικοῖσιν αἱμοῤῬοί̈δεσ ἐπιγινόμεναι, ἀγαθόν. Τῷ ἰηθέντι χρονίασ αἱμοῤῬοί̈δασ, ἢν μὴ μία φυλαχθῇ, κίνδυνοσ ὕδρωπα ἐπιγενέσθαι ἢ φθίσιν. Ὑπὸ λυγμοῦ ἐχομένῳ πταρμοὶ ἐπιγενόμενοι λύουσι τὸν λυγμόν. Ὑπὸ ὕδρωποσ ἐχομένῳ, κατὰ τὰσ φλέβασ ἐσ τὴν κοιλίην ὕδατοσ Ῥυέντοσ, λύσισ. Ὑπὸ διαῤῬοίησ ἐχομένῳ μακρῆσ ἀπὸ ταυτομάτου ἔμετοσ ἐπιγινόμενοσ λύει τὴν διάῤῬοιαν. Ὑπὸ πλευρίτιδοσ, ἢ ὑπὸ περιπλευμονίησ ἐχομένῳ διάῤῬοια ἐπιγενομένη, κακόν. Ὀφθαλμιῶντι, ὑπὸ διαῤῬοίησ ληφθῆναι, ἀγαθόν. Κύστιν διακοπέντι, ἢ ἐγκέφαλον, ἢ καρδίην, ἢ φρένασ, ἢ τῶν ἐντέρων τι τῶν λεπτῶν, ἢ κοιλίην, ἢ ἧπαρ, θανατῶδεσ. Ἐπὴν διακοπῇ ὀστέον, ἢ χονδρὸσ, ἢ νεῦρον, ἢ γνάθου τὸ λεπτὸν, ἢ ἀκροποσθίη, οὔτε αὔξεται, οὔτε ξυμφύεται. Ἢν ἐσ τὴν κοιλίην αἷμα ἐκχυθῇ παρὰ φύσιν, ἀνάγκη ἐκπυηθῆναι. Τοῖσι μαινομένοισι, κιρσῶν ἢ αἱμοῤῬοί̈δων ἐπιγινομένων, μανίησ λύσισ. Ὁκόσα Ῥήγματα ἐκ τοῦ νώτου ἐσ τοὺσ ἀγκῶνασ καταβαίνει, φλεβοτομίη λύει. Ἢν φόβοσ ἢ δυσθυμίη πουλὺν χρόνον διατελέῃ, μελαγχολικὸν τὸ τοιοῦτον. Ἐντέρων ἢν διακοπῇ τῶν λεπτῶν τι, οὐ ξυμφύεται. Ἐρυσίπελασ, ἔξωθεν καταχεόμενον, ἔσω τρέπεσθαι οὐκ ἀγαθόν‧ ἔσωθεν δὲ ἔξω, ἀγαθόν. Ὁκόσοισιν ἂν ἐν τοῖσι καύσοισι τρόμοι γενωνται, παρακοπὴ λύει. Ὁκόσοι ἔμπυοι ἢ ὑδρωπικοὶ τέμνονται ἢ καίονται, ἐκρυέντοσ τοῦ πύου ἢ τοῦ ὕδατοσ ἀθρόου, πάντωσ ἀπόλλυνται. Εὐνοῦχοι οὐ ποδαγριῶσιν, οὐδὲ φαλακροὶ γίνονται. Γυνὴ οὐ ποδαγριᾷ, ἢν μὴ τὰ καταμήνια αὐτέῃ ἐκλίπῃ. Παῖσ οὐ ποδαγριᾷ πρὸ τοῦ ἀφροδισιασμοῦ. Ὀδύνασ ὀφθαλμῶν ἀκρητοποσίη, ἢ λουτρὸν, ἢ πυρίη, ἢ φλεβοτομίη, ἢ φαρμακοποσίη λύει. Τραυλοὶ ὑπὸ διαῤῬοίησ μάλιστα ἁλίσκονται μακρῆσ. Οἱ ὀξυρεγμιώδεεσ οὐ πάνυ τι πλευριτικοὶ γίνονται. Ὁκόσοι φαλακροὶ, τουτέοισι κιρσοὶ μεγάλοι οὐ γίνονται‧ ὁκόσοισι δὲ φαλακροῖσιν ἐοῦσιν κιρσοὶ γίνονται, πάλιν οὗτοι γίνονται δασέεσ. Τοῖσιν ὑδρωπικοῖσι βὴξ ἐπιγενομένη, κακόν. Δυσουρίην φλεβοτομίη λύει, τάμνειν δὲ τὰσ ἔσω. Ὑπὸ κυνάγχησ ἐχομένῳ οἰδήματα γενέσθαι ἐν τῷ βρόγχῳ ἔξω, ἀγαθόν. Ὁκόσοισι κρυπτοὶ καρκίνοι γίνονται, μὴ θεραπεύειν βέλτιον‧ θεραπευόμενοι γὰρ ἀπόλλυνται ταχέωσ, μὴ θεραπευόμενοι δὲ, πουλὺν χρόνον διατελέουσιν. Σσπασμοὶ γίνονται, ἢ ὑπὸ πληρώσιοσ, ἢ κενώσιοσ‧ οὕτω δὲ καὶ λυγμόσ. Ὁκόσοισι περὶ τὸ ὑποχόνδριον πόνοι γίνονται ἄτερ φλεγμοῆσ, τουτέοισι πυρετὸσ ἐπιγενόμενοσ λύει τὸν πόνον. Ὁκόσοισι διάπυόν τι ἐὸν ἐν τῷ σώματι μὴ διασημαίνει, τουτέοισι διὰ παχύτητα τοῦ τόπου οὐ διασημαίνει. Ἐν τοῖσιν ἰκτερικοῖσι τὸ ἧπαρ σκληρὸν γενέσθαι, πονηρόν. Ὁκόσοι σπληνώδεεσ ὑπὸ δυσεντερίησ ἁλίσκονται, τουτέοισιν, ἐπιγενομένησ μακρῆσ τῆσ δυσεντερίησ, ὕδρωψ ἐπιγίνεται, ἢ λειεντερίη, καὶ ἀπόλλυνται. Ὁκόσοισιν ἐκ στραγγουρίησ εἰλεοὶ γίνονται, ἐν ἑπτὰ ἡμέρῃσιν ἀπόλλυνται, ἢνμὴ, πυρετοῦ ἐπιγενομένου, ἅλισ τὸ οὖρον Ῥυῇ. Ἕλκεα ὁκόσα ἐνιαύσια γίνεται, ἢ μακρότερον χρόνον ἴσχει, ἀνάγκη ὀστέον ἀφίστασθαι, καὶ τὰσ οὐλὰσ κοίλασ γίνεσθαι. Ὁκόσοι ὑβοὶ ἐξ ἄσθματοσ ἢ βηχὸσ γίνονται πρὸ τῆσ ἥβησ, ἀπόλλυνται. Ὁκόσοισι φλεβοτομίη ἢ φαρμακείη ξυμφέρει, τουτέουσ προσῆκον τοῦ ἦροσ φλεβοτομεῖν, ἢ φαρμακεύειν. Τοῖσι σπληνώδεσι δυσεντερίη ἐπιγενομένη, ἀγαθόν. Ὁκόσα ποδαγρικὰ νουσήματα γίνεται, ταῦτα ἀποφλεγμήναντα ἐν τεσσαράκοντα ἡμέρῃσιν ἀποκαθίσταται. Ὁκόσοισιν ἂν ὁ ἐγκέφαλοσ διακοπῇ, τουτέοισιν ἀνάγκη πυρετὸν καὶ χολῆσ ἔμετον ἐπιγίνεσθαι. Ὁκόσοισιν ὑγιαίνουσιν ὀδύναι γίνονται ἐξαίφνησ ἐν τῇ κεφαλῇ, καὶ παραχρῆμα ἄφωνοι κεῖνται, καὶ Ῥέγκουσιν, ἀπόλλυνται ἐν ἑπτὰ ἡμέρῃσιν, ἢν μὴ πυρετὸσ ἐπιλάβῃ. Σκοπεῖν δὲ χρὴ καὶ τὰσ ὑποφάσιασ τῶν ὀφθαλμῶν ἐν τοῖσιν ὕπνοισιν‧ ἢν γάρ τι ὑποφαίνηται, ξυμβαλλομένων τῶν βλεφάρων, τοῦ λευκοῦ μὴ ἐκ διαῤῬοίησ ἐόντι ἢ φαρμακοποσίησ, φλαῦρον τὸ σημεῖον καὶ θανατῶδεσ σφόδρα. Αἱ παραφροσύναι αἱ μὲν μετὰ γέλωτοσ γινόμεναι, ἀσφαλέστεραι‧ αἱ δὲ μετὰ σπουδῆσ, ἐπισφαλέστεραι. Ἐν τοῖσιν ὀξέσι πάθεσι τοῖσι μετὰ πυρετοῦ αἱ κλαυθμώδεεσ ἀναπνοαὶ, κακαί. Τὰ ποδαγρικὰ τοῦ ἦροσ καὶ τοῦ φθινοπώρου κινέεται ὡσ ἐπὶ τὸ πουλύ. Τοῖσι μελαγχολικοῖσι νουσήμασιν ἐσ τάδε ἐπικίνδυνοι αἱ ἀποσκήψιεσ‧ ἢ ἀπόπληξιν τοῦ σώματοσ, ἢ σπασμὸν, ἢ μανίην, ἢ τύφλωσιν σημαίνουσιν. Ἀπόπληκτοι δὲ μάλιστα γίνονται ἡλικίῃ τῇ ἀπὸ τεσσαράκοντα ἐτέων ἄχρισ ἑξήκοντα. Ἢν ἐπίπλοον ἐκπέσῃ, ἀνάγκη ἀποσαπῆναι. Ὁκόσοισιν ὑπὸ ἰσχιάδοσ ἐνοχλουμένοισιν ἐξίσταται τὸ ἰσχίον, καὶ πάλιν ἐμπίπτει, τουτέοισι μύξαι ἐπιγίνονται. Ὁκόσοισιν ὑπὸ ἰσχιάδοσ ἐνοχλουμένοισι χρονίησ τὸ ἰσχίον ἐξίσταται, τουτέοισι τήκεται τὸ σκέλοσ, καὶ χωλοῦνται, ἢν μὴ καυθέωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., AFORISMOI., 60.

(히포크라테스, Oeuvres Completes D'Hippocrate., AFORISMOI., 60.)

상위

목록

SEARCH

MENU NAVIGATION