헬라어 문장 검색 - Ηιπποξ́Οευϝρεσ́04́09́0́

(히포크라테스, Oeuvres Completes D'Hippocrate., ΠΕΡΙ ΣΥΡΙΓΓΩΝ., 9.)

Ἢν δὲ ὁ ἀρχὸσ ἐκπίπτῃ, ἀνώσασ σπόγγῳ μαλθακῷ, καὶ καταχρίσασ κοχλίῃ, τῶν χειρῶν δήσασ, ἐκκρέμασον ὀλίγον χρόνον, καὶ εἴσεισιν. Ἢν δὲ μεῖζον ἐκπέσῃ καὶ μὴ μένῃ ἔνδον, διαζώσασ ἐν τῇσι λαγόσι, καὶ ὑφεὶσ ὄπισθεν ἐκ τοῦ διαζώματοσ ταινίην, ὤσασ ἔσω τὸν ἀρχὸν, προσθεῖναι σπόγγον μαλθακὸν βρέξασ ὕδατι θερμῷ, ἐνεψήσασ λωτοῦ πρίσματα‧ καταχέαι δὲ καὶ κατὰ τοῦ ἀρχοῦ ἀπ’ αὐτοῦ τοῦ ὕδατοσ, τὸν δὲ σπόγγον ἐκπιέσαι‧ ἔπειτα ὑποτείνασ τὴν ταινίην διὰ μέσων τῶν σκελέων, ἀναδῆσαι περὶ τὸν ὀμφαλόν. Ὅταν δὲ θέλη ἀφοδεύειν, ἐπὶ λασάνοισιν ὡσ στενοτάτοισιν ἀφοδευέτω‧ ἢν δὲ παιδίον ᾖ, ἐπὶ γυναικὸσ τῶν ποδῶν, πρὸσ τὰ γούνατα προσκλιθείσ. Ὅταν δὲ ἀφοδεύῃ, τὰ σκέλεα ἐκτεινάτω‧ οὕτω γὰρ ἂν ἥκιστα ἐκπίπτοι ἡ ἕδρη. Ἢν δὲ ὑγραίνηται ὁ ἀρχὸσ, καὶ ἰχὼρ ἀποῤῬέῃ, περινίψαι τρυγὶ κεκαυμένῃ καὶ ὕδατι ἀπὸ μυρσίνησ, καὶ ἀδίαντον ξηρήνασ καὶ κόψασ, διασήσασ, κατάπασσε, Ἢν δὲ αἱμοῤῬοῇ, περινίψασ τοῖσιν αὐτοῖσι, χαλκῖτιν καὶ πρίσμα κυπαρίσσου ἢ κέδροὺ ἢ πίτυοσ ἢ τερμίνθου τρίψασ, συμμίξασ τῇ χαλκίτιδι ἴσον, καταπλάσσειν, τὰ ἔξαιθεν δὲ κηρωτῇ παχείῃ περιαλείφειν. Ὁκοταν ἀρχὸσ ἐκπίπτῃ καὶ μὴ θέλῃ κατὰ χώρην μένειν, σίλφιον ὅτι ἄριστον καὶ ποκνότατον ξύσαξ λεπτὸν καταπλάσσειν. Καὶ τοῦ πταρμικοῦ φαρμάκου πρὸσ τὴν Ῥῖνα προστιθέναι καὶ παροξύνειν τὸν ἄνθρωπον. Ἢ ὕδατι θερμῷ περιπλύνασ σίδια, καὶ στυπτηρίην τρίψασ ἐν οἴνῳ λευκῷ, καταχέαι τοῦ ἀρχοῦ, ἔπειτα Ῥάκεα ἐμβαλεῖν, καὶ τοὺσ μηροὺσ ξυνδῆσαι ἡμέρασ τρεῖσ, καὶ νηστευέτω, οἶνον δὲ πινέτω γλυκύν. Ἢν δὲ μηδὲ οὕτω διαχωρέῃ, μίλτον μίξασ ὁμοῦ μέλιτι διαχριέτω. Ἀρχὸσ ἢν ἐκπίπτῃ καὶ αἱμοῤῬοῇ‧ ἄρου Ῥίζησ περιελὼν τὸν φλοιὸν, ἑψεῖν ἐν ὕδατι‧ ἔπειτα τρίβειν ἄλητον ξυμμίσγων, καὶ καταπλάσσειν θερμόν. Ἄλλο‧ τῆσ ἀμπέλου τῆσ ἀγρίησ, ἣν ἔνιοι καλέουσι ψιλώθριον, ταύτησ τὰσ Ῥίζασ τὰσ ἀπαλωτάτασ περιξέσαντα ἑψῆσαι ἐν οἴνῳ μέλανι ἀκρήτῳ αὐστηρῷ‧ ἔπειτα τρίψαντα καταπλάσσειν χλιηρόν‧ ξυμμίσγειν δὲ καὶ ἄλευρα, καὶ φυρῇν ἐν οἴνῳ λευκῷ καὶ ἐλαίῳ χλιηρῶσ. Ἄλλο‧ κωνείου καρπὸν τρίβοντα, παραστάζειν οἶνον λευκὸν εὐώδεα, ἔπειτα καταπλάσσειν χλιηρόν. Ἢν δὲ φλεγμαίνῃ, κισσοῦ Ῥίζαν ἑψήσασ ἐν ὕδατι, τρίψασ λεῖον, ἄλευρον ξυμμίσγων ὡσ κάλλιστον, ἐν οἴνῳλευκῷ φυρήσασ, καταπλάσσειν, καὶ ἄλειφα πρὸσ τούτοισ ξυμμίξασ. Ἄλλο‧ μανδραγόρου Ῥίζαν μάλιστα μὲν χλωρὴν, εἰ δὲ μὴ, ξηρὴν, τὴν μὲν οὖν χλωρὴν ἀποπλύναντα καὶ ταμόντα, ἑψῆσαι ἐν οἴνῳ κεκρημένῳ, καὶ καταπλάσσειν‧ τὴν δέ γε ξηρὴν τρίψαντα καταπλάσσειν ὁμοίωσ. Ἄλλο‧ σικύου πέπονοσ τὸ ἔνδον τρίψασ λεῖον καταπλάσσειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΣΥΡΙΓΓΩΝ., 9.

(히포크라테스, Oeuvres Completes D'Hippocrate., ΠΕΡΙ ΣΥΡΙΓΓΩΝ., 9.)

상위

목록

SEARCH

MENU NAVIGATION