헬라어 문장 검색 - Ηιπποξ́Οευϝρεσ́01́18́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 18.)

Λουτρὸν δὲ συχνοῖσι τῶν νουσημάτων ἀρήγοι ἂν χρεομένοισιν, ἐσ τὰ μὲν ξυνεχέωσ, ἐσ τὰ δ’ οὔ. Ἔστι δὲ ὅτε ἧσσον χρηστέον διὰ τὴν ἀπαρασκευασίην τῶν ἀνθρώπων‧ ἐν ὀλίγῃσι γὰρ οἰκίῃσι παρεσκεύασται τὰ ἄρμενα καὶ οἱ θεραπεύοντεσ ὡσ δεῖ‧ εἰ δὲ μὴ παγκάλωσ λούοιτο, βλάπτοιτ’ ἂν οὐ σμικρά‧ καὶ γὰρ σκέπησ ἀκάπνου δεῖ, καὶ ὕδατοσ δαψιλέοσ, καὶ τοῦ λουτροῦ συχνοῦ καὶ μὴ λίην λάβρου, ἤν γε μὴ οὕτω δέῃ. Καὶ μᾶλλον μὲν μὴ σμήχεσθαι‧ ἢν δὲ σμήχηται, θερμῷ χρέεσθαι αὐτέῳ καὶ πολλαπλασίῳ ἢ ὡσ νομίζεται σμήγματι, καὶ προσκαταχέεσθαι μὴ ὀλίγῳ, καὶ ταχέωσ μετακαταχέεσθαι. Δεῖ δὲ καὶ τῆσ ὁδοῦ βραχείησ ἐσ τὴν πύελον, καὶ ἐσ εὐέμβατον καὶ ἐσ εὐέκβατον‧ εἶναι δὲ καὶ τὸν λουόμενον κόσμιον καὶ σιγηλὸν, καὶ μηδὲν αὐτὸν προσεξεργάζεσθαι, ἀλλ’ ἄλλουσ καὶ καταχέειν καὶ σμήχειν‧ καὶ μετακέρασμα πολλὸν ἡτοιμᾶσθαι, καὶ τὰσ ἐπαντλήσιασ ταχείασ ποιέεσθαι‧ καὶ σπόγγοισι χρέεσθαι ἀντὶ στλεγγίδοσ, καὶ μὴ ἄγαν ξηρὸν χρίεσθαι τὸ σῶμα. Κεφαλὴν μέντοι ἀνεξηράνθαι χρὴ ὡσ οἱο͂́ν τε μάλιστα ὑπὸ σπόγγου ἐκμασσομένην, καὶ μὴ διαψύχεσθαι τὰ ἄκρεα, μήτε τὴν κεφαλὴν, μήτε τὸ ἄλλο σῶμα‧ καὶ μήτε νεοῤῬόφητον μήτε νεόποτον λούεσθαι, μηδὲ Ῥοφέειν, μηδὲ πίνειν ταχὺ μετὰ τὸ λουτρόν. Μέγα μὲν δὴ μέροσ χρὴ νέμειν τῷ κάμνοντι, ἢν ὑγιαίνων ᾖ φιλόλουτροσ ἄγαν καὶ εἰθισμένοσ λούεσθαι‧ καὶ γὰρ ποθέουσι μᾶλλον οἱ τοιοίδε, καὶ ὠφελέονται λουσάμενοι, καὶ βλάπτονται μὴ λουσάμενοι. Ἁρμόζει δὲ ἐν περιπλευμονίῃσι μᾶλλον ἢ ἐν καύσοισι τὸ ἐπίπαν‧ καὶ γὰρ ὀδύνησ τῆσ κατὰ πλευρὴν καὶ στήθεα καὶ μετάφρενον παρηγορικόν ἐστι τὸ λουτρὸν, καὶ πτυέλου πεπαντικὸν καὶ ἀναγωγὸν, καὶ εὔπνοον καὶ ἄκοπον‧ μαλθακτικὸν γὰρ καὶ ἄρθρων καὶ τοῦ ἐπιπολαίου δέρματοσ‧ καὶ οὐρητικὸν δὲ, καὶ καρηβαρίην λύει, καὶ Ῥῖνασ ὑγραίνει. Ἀγαθὰ μὲν οὖν λουτρῷ τοσαῦτα πάρεστιν, ὧν πάντων δεῖ‧ ἢν μέντοι τῆσ παρασκευῆσ ἔνδειά τισ ᾖ ἑνὸσ ἢ πλειόνων, κίνδυνοσ μὴ λυσιτελέειν τὸ λουτρὸν, ἀλλὰ μᾶλλον βλάπτειν‧ ἓν γὰρ ἕκαστον αὐτέων μεγάλην φέρει τὴν βλάβην, μὴ παρασκευασθὲν ὑπὸ τῶν ὑπουργῶν ὡσ δεῖ. Ἥκιστα δὲ λούειν καιρὸσ τούτουσ οἷσιν ἡ κοιλίη ὑγροτέρη τοῦ καιροῦ ἐν τῇσι νούσοισιν‧ ἀτὰρ οὐδὲ οἷσιν ἕστηκε μᾶλλον τοῦ καιροῦ καὶ μὴ προδιελήλυθεν‧ οὐδὲ δὴ τοὺσ γεγυιωμένουσ χρὴ λούειν, οὐδὲ τοὺσ ἀσώδεασ ἢ ἐμετικοὺσ, οὐδὲ τοὺσ ἐπανερευγομένουσ χολῶδεσ, οὐδὲ τοὺσ ἐκ Ῥινῶν αἱμοῤῬαγέοντασ, εἰ μὴ ἔλασσον τοῦ καιροῦ Ῥέοι‧ τοὺσ δὲ καιροὺσ οἶδασ‧ ἢν δὲ ἔλασσον τοῦ καιροῦ Ῥέοι, λούειν, ἤν τε ὅλον τὸ σῶμα πρὸσ τὰ ἄλλα ἀρήγῃ, ἤν τε τὴν κεφαλὴν μοῦνον. Ἢν οὖν αἵ τε παρασκευαὶ ἐώσιν ἐπιτήδειοι καὶ ὁ κάμνων μέλλῃ εὖ δέξασθαι τὸ λουτρὸν, λούειν χρὴ ἑκάστησ ἡμέρησ‧ τοὺσ δὲ φιλολουτρέοντασ οὐδ’ εἰ δὶσ τῆσ ἡμέρησ λούοισ, οὐδὲν ἂν βλάπτοισ. Χρέεσθαι δὲ λουτροῖσι τοῖσιν ὅλῃσι πτισάνῃσι χρεομένοισι παραπουλὺ μᾶλλον ἐνδέχεται, ἢ τοῖσι χυλῷ μοῦνον χρεομένοισιν‧ ἐνδέχεται δὲ καὶ τουτέοισιν ἐνίοτε‧ ἥκιστα δὲ καὶ τοῖσι ποτῷ μοῦνον χρεομένοισιν‧ ἔστι δὲ καὶ οἷσι τουτέων ἐνδέχεται‧ τεκμαίρεσθαι δὲ χρὴ τοῖσι προγεγραμμένοισιν οὕσ τε μέλλει λουτρὸν ὠφελέειν ἐν ἑκάστοισι τῶν τρόπων τῆσ διαίτησ, οὕσ τε μή. Οἷσι μὲν γὰρ προσδέεταί τινοσ κάρτα τουτέων, ὁκόσα λουτρὸν ἀγαθὰ ποιέει, καὶ πρόσεστιν αὐτέοισιν ὅσα ἂν λουτρῷ ὠφελέηται, δεῖ λούειν‧ οἷσι δὲ τουτέων μηδενὸσ προσδεῖ, καὶ πρόσεστιν αὐτέοισι τῶν σημείων ἐφ’ οἷσι λούεσθαι οὐ ξυμφέρει, οὐ δεῖ λούειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 18.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 18.)

상위

목록

SEARCH

MENU NAVIGATION