헬라어 문장 검색 - ΕυριπίΣυππλιά03́0́3́

(에우리피데스, Suppliants, episode 3:)

ἄλλοισι δὴ ’πόνησ’ ἁμιλληθεὶσ λόγῳ τοιῷδ’. ἔλεξε γάρ τισ ὡσ τὰ χείρονα πλείω βροτοῖσίν ἐστι τῶν ἀμεινόνων· ἐγὼ δὲ τούτοισ ἀντίαν γνώμην ἔχω, πλείω τὰ χρηστὰ τῶν κακῶν εἶναι βροτοῖσ· εἰ μὴ γὰρ ἦν τόδ’, οὐκ ἂν ἦμεν ἐν φάει. αἰνῶ δ’ ὃσ ἡμῖν βίοτον ἐκ πεφυρμένου καὶ θηριώδουσ θεῶν διεσταθμήσατο, πρῶτον μὲν ἐνθεὶσ σύνεσιν, εἶτα δ’ ἄγγελον γλῶσσαν λόγων δούσ, ὥστε γιγνώσκειν ὄπα, τροφήν τε καρποῦ τῇ τροφῇ τ’ ἀπ’ οὐρανοῦ σταγόνασ ὑδρηλάσ, ὡσ τά γ’ ἐκ γαίασ τρέφῃ ἄρδῃ τε νηδύν· πρὸσ δὲ τοῖσι χείματοσ προβλήματ’, αἶθρον ἐξαμύνασθαι θεοῦ, πόντου τε ναυστολήμαθ’, ὡσ διαλλαγὰσ ἔχοιμεν ἀλλήλοισιν ὧν πένοιτο γῆ. ἃ δ’ ἔστ’ ἄσημα κοὐ σαφῶσ γιγνώσκομεν, ἐσ πῦρ βλέποντεσ καὶ κατὰ σπλάγχνων πτυχὰσ μάντεισ προσημαίνουσιν οἰωνῶν τ’ ἄπο. ἆρ’ οὐ τρυφῶμεν θεοῦ κατασκευὴν βίῳ δόντοσ τοιαύτην, οἷσιν οὐκ ἀρκεῖ τάδε; ἀλλ’ ἡ φρόνησισ τοῦ θεοῦ μεῖζον σθένειν ζητεῖ, τὸ γαῦρον δ’ ἐν φρεσὶν κεκτημένοι δοκοῦμεν εἶναι δαιμόνων σοφώτεροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Suppliants, episode 3:

(에우리피데스, Suppliants, episode 3:)

상위

목록

SEARCH

MENU NAVIGATION