헬라어 문장 검색 - ΕυριπίΙπηιγεν

(에우리피데스, Iphigenia in Tauris, choral, anapests)

εὐφαμεῖτ’, ὦ πόντου δισσὰσ συγχωρούσασ πέτρασ Ἀξείνου ναίοντεσ. ὦ παῖ τᾶσ Λατοῦσ, Δίκτυνν’ οὐρεία, πρὸσ σὰν αὐλάν, εὐστύλων ναῶν χρυσήρεισ θριγκούσ, πόδα παρθένιον ὅσιον ὁσίασ κλῃδούχου δούλα πέμπω, Ἑλλάδοσ εὐίππου πύργουσ καὶ τείχη χόρτων τ’ εὐδένδρων ἐξαλλάξασ’ Εὐρώπαν, πατρῴων οἴκων ἕδρασ. ἔμολον· τί νέον; τίνα φροντίδ’ ἔχεισ; τί με πρὸσ ναοὺσ ἄγαγεσ ἄγαγεσ, ὦ παῖ τοῦ τᾶσ Τροίασ πύργουσ ἐλθόντοσ κλεινᾷ σὺν κώπᾳ χιλιοναύτα μυριοτευχοῦσ Ἀτρείδα; τῶν κλεινῶν; ἰὼ δμωαί, δυσθρηνήτοισ ὡσ θρήνοισ ἔγκειμαι, τᾶσ οὐκ εὐμούσου μολπᾶσ βοὰν ἀλύροισ ἐλέγοισ, αἰαῖ, αἰαῖ, κηδείοισ οἴκτοισιν·

αἵ μοι συμβαίνουσ’ ἆται, σύγγονον ἁμὸν κατακλαιομένα ζωᾶσ, οἱάν <οἱάν> ἰδόμαν ὄψιν ὀνείρων νυκτόσ, τᾶσ ἐξῆλθ’ ὄρφνα. ὀλόμαν ὀλόμαν· οὐκ εἴσ’ οἶκοι πατρῷοι· οἴμοι <μοι> φροῦδοσ γέννα. φεῦ φεῦ τῶν Ἄργει μόχθων. ἰὼ δαῖμον, μόνον ὅσ με κασίγνητον συλᾷσ Αἴδᾳ πέμψασ, ᾧ τάσδε χοὰσ μέλλω κρατῆρά τε τὸν φθιμένων ὑδραίνειν γαίασ ἐν νώτοισ πηγάσ τ’ οὐρείων ἐκ μόσχων Βάκχου τ’ οἰνηρὰσ λοιβὰσ ξουθᾶν τε πόνημα μελισσᾶν, ἃ νεκροῖσ θελκτήρια κεῖται. ἀλλ’ ἔνδοσ μοι πάγχρυσον τεῦχοσ καὶ λοιβὰν Αἵδα. ὦ κατὰ γαίασ Ἀγαμεμνόνιον θάλοσ, ὡσ φθιμένῳ τάδε σοι πέμπω· δέξαι δ’· οὐ γὰρ πρὸσ τύμβον σοι ξανθὰν χαίταν, οὐ δάκρυ’ οἴσω. τηλόσε γὰρ δὴ σᾶσ ἀπενάσθην πατρίδοσ καὶ ἐμᾶσ, ἔνθα δοκήμασι κεῖμαι σφαχθεῖσ’ ἁ τλάμων. ἀντιψάλμουσ ᾠδὰσ ὕμνων τ’ Ἀσιητᾶν σοι βάρβαρον ἀχὰν δεσποίνᾳ γ’ ἐξαυδάσω, τὰν ἐν θρήνοισιν μοῦσαν νέκυσι μελομέναν, τὰν ἐν μολπαῖσ Αἵδασ ὑμνεῖ δίχα παιάνων.

οἴμοι, τῶν Ἀτρειδᾶν οἴκων· ἔρρει φῶσ σκήπτρων, οἴμοι, πατρῴων οἴκων. ἦν ἐκ τῶν εὐόλβων Ἄργει βασιλέων ἀρχά, μόχθοσ δ’ ἐκ μόχθων ᾄσσει· δινευούσαισ ἵπποισι <ῥιφαὶ Πέλοποσ> πταναῖσ· ἀλλάξασ δ’ ἐξ ἕδρασ ἱερὸν <ἱερὸν> ὄμμ’ αὐγᾶσ ἅλιοσ. ἄλλαισ δ’ ἄλλα προσέβα χρυσέασ ἀρνὸσ μελάθροισ ὀδύνα, φόνοσ ἐπὶ φόνῳ, ἄχεα ἄχεσιν ἔνθεν τῶν πρόσθεν δμαθέντων Τανταλιδᾶν ἐκβαίνει ποινά γ’ εἰσ οἴκουσ, σπεύδει δ’ ἀσπούδαστ’ ἐπὶ σοὶ δαίμων. ἐξ ἀρχᾶσ μοι δυσδαίμων δαίμων τᾶσ ματρὸσ ζώνασ καὶ νυκτὸσ κείνασ·

ἐξ ἀρχᾶσ λόχιαι στερρὰν παιδείαν Μοῖραι ξυντείνουσιν θεαί, τᾷ μναστευθείσᾳ ’ξ Ἑλλάνων, ἃν πρωτόγονον θάλοσ ἐν θαλάμοισ Λήδασ ἁ τλάμων κούρα σφάγιον πατρῴᾳ λώβᾳ καὶ θῦμ’ οὐκ εὐγάθητον ἔτεκεν, ἔτρεφεν εὐκταίαν· ἱππείοισ δ’ ἐν δίφροισι ψαμάθων Αὐλίδοσ ἐπέβασαν νύμφαιον, οἴμοι, δύσνυμφον τῷ τᾶσ Νηρέωσ κούρασ, αἰαῖ. νῦν δ’ ἀξείνου πόντου ξείνα δυσχόρτουσ οἴκουσ ναίω, ἄγαμοσ ἄτεκνοσ ἄπολισ ἄφιλοσ, οὐ τὰν Ἄργει μέλπουσ’ Ἥραν οὐδ’ ἱστοῖσ ἐν καλλιφθόγγοισ κερκίδι Παλλάδοσ Ἀτθίδοσ εἰκὼ <καὶ> Τιτάνων ποικίλλουσ’, ἀλλ’ αἱμόρραντον δυσφόρμιγγα ξείνων αἱμάσσουσ’ ἄταν βωμούσ, οἰκτράν τ’ αἰαζόντων αὐδὰν οἰκτρόν τ’ ἐκβαλλόντων δάκρυον. καὶ νῦν κείνων μέν μοι λάθα, τὸν δ’ Ἄργει δμαθέντα κλαίω σύγγονον, ὃν ἔλιπον ἐπιμαστίδιον, ἔτι βρέφοσ, ἔτι νέον, ἔτι θάλοσ ἐν χερσὶν ματρὸσ πρὸσ στέρνοισ τ’ Ἄργει σκηπτοῦχον Ὀρέσταν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Iphigenia in Tauris, choral, anapests

(에우리피데스, Iphigenia in Tauris, choral, anapests)

상위

목록

SEARCH

MENU NAVIGATION