헬라어 문장 검색 - ΕυριπίΕλεξτρά05́0́3́

(에우리피데스, episode 3:)

βούλομαι γὰρ εἰσιδὼν αὐτοὺσ ἔρεσθαι σοῦ κασιγνήτου πέρι. οἵδ’ ἐκ δόμων βαίνουσι λαιψηρῷ ποδί. ἀλλ’ εὐγενεῖσ μέν, ἐν δὲ κιβδήλῳ τόδε· πολλοὶ γὰρ ὄντεσ εὐγενεῖσ εἰσιν κακοί. ὅμωσ δέ. ‐ χαίρειν τοὺσ ξένουσ προσεννέπω. χαῖρ’, ὦ γεραιέ. ‐ τοῦ ποτ’, Ἠλέκτρα, τόδε παλαιὸν ἀνδρὸσ λείψανον φίλων κυρεῖ; οὗτοσ τὸν ἁμὸν πατέρ’ ἔθρεψεν, ὦ ξένε. τί φῄσ; ὅδ’ ὃσ σὸν ἐξέκλεψε σύγγονον; ὅδ’ ἔσθ’ ὁ σώσασ κεῖνον, εἴπερ ἔστ’ ἔτι. ἐά· τί μ’ ἐσδέδορκεν ὥσπερ ἀργύρου σκοπῶν λαμπρὸν χαρακτῆρ’; ἢ προσεικάζει μέ τῳ; ἴσωσ Ὀρέστου σ’ ἥλιχ’ ἥδεται βλέπων. φίλου γε φωτόσ. τί δὲ κυκλεῖ πέριξ πόδα; καὐτὴ τόδ’ εἰσορῶσα θαυμάζω, ξένε. ὦ πότνι’, εὔχου, θύγατερ Ἠλέκτρα, θεοῖσ. τί τῶν ἀπόντων ἢ τί τῶν ὄντων πέρι; λαβεῖν φίλον θησαυρόν, ὃν φαίνει θεόσ. ἰδού· καλῶ θεούσ. ἢ τί δὴ λέγεισ, γέρον; βλέψον νυν ἐσ τόνδ’, ὦ τέκνον, τὸν φίλτατον. πάλαι δέδορκα, μὴ σύ γ’ οὐκέτ’ εὖ φρονῇσ. οὐκ εὖ φρονῶ ’γὼ σὸν κασίγνητον βλέπων; πῶσ εἶπασ, ὦ γεραί’, ἀνέλπιστον λόγον; ὁρᾶν Ὀρέστην τόνδε τὸν Ἀγαμέμνονοσ. ποῖον χαρακτῆρ’ εἰσιδών, ᾧ πείσομαι; οὐλὴν παρ’ ὀφρύν, ἥν ποτ’ ἐν πατρὸσ δόμοισ νεβρὸν διώκων σοῦ μέθ’ ᾑμάχθη πεσών. πῶσ φῄσ; ὁρῶ μὲν πτώματοσ τεκμήριον. ἔπειτα μέλλεισ προσπίτνειν τοῖσ φιλτάτοισ; ἀλλ’ οὐκέτ’, ὦ γεραιέ· συμβόλοισι γὰρ τοῖσ σοῖσ πέπεισμαι θυμόν. ‐ ὦ χρόνῳ φανείσ, ἔχω σ’ ἀέλπτωσ ‐ κἀξ ἐμοῦ γ’ ἔχῃ χρόνῳ. οὐδέποτε δόξασα. οὐδ’ ἐγὼ γὰρ ἤλπισα. ἐκεῖνοσ εἶ σύ; σύμμαχόσ γέ σοι μόνοσ. ἢν δ’ ἀνσπάσωμαί γ’ ὃν μετέρχομαι βόλον ‐ πέποιθα δ’· ἢ χρὴ μηκέθ’ ἡγεῖσθαι θεούσ, εἰ τἄδικ’ ἔσται τῆσ δίκησ ὑπέρτερα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode 3:

(에우리피데스, episode 3:)

목록

SEARCH

MENU NAVIGATION