헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 19, chapter 8)

τῶν Ταραντίνων βουλομένων ἐκ τῆσ Ἠπείρου Πύρρον μετακαλεῖν ἐπὶ τὸν κατὰ Ῥωμαίων πόλεμον καὶ τοὺσ κωλύοντασ ἐξελαυνόντων Μέτων τισ καὶ αὐτὸσ Ταραντῖνοσ, ἵνα τύχοι προσοχῆσ καὶ διδάξειεν αὐτούσ, ὅσα μετὰ τῆσ βασιλικῆσ ἐξουσίασ εἰσ πόλιν ἐλευθέραν καὶ τρυφῶσαν εἰσελεύσεται, συγκαθημένου τοῦ πλήθουσ παρῆν εἰσ τὸ θέατρον ἐστεφανωμένοσ ὥσπερ ἐκ συμποσίου, παιδίσκην περιειληφὼσ αὐλητρίδα κωμαστικὰ μέλη προσαυλοῦσαν. διαλυθείσησ δὲ τῆσ ἁπάντων σπουδῆσ εἰσ γέλωτα, καὶ τῶν μὲν ᾅδειν αὐτὸν κελευόντων, τῶν δὲ ὀρχεῖσθαι περιβλέψασ κύκλῳ καὶ τῇ χειρὶ διασημήνασ ἡσυχίαν αὐτῷ παρασχεῖν, ἐπειδὴ κατέστειλε τὸν θόρυβον·

ἄνδρεσ, ἔφη, πολῖται, τούτων, ὧν ἐμὲ ποιοῦντα ὁρᾶτε νῦν, οὐδὲν ὑμῖν ἐξέσται ποιεῖν, ἐὰν βασιλέα καὶ φρουρὰν εἰσ τὴν πόλιν εἰσελθεῖν ἐάσητε. ὡσ δὲ κινουμένουσ καὶ προσέχοντασ εἶδε πολλοὺσ καὶ κελεύοντασ λέγειν, σώζων ἔτι τὸ προσποίημα τῆσ κραιπάλησ τὰ συμβησόμενα αὐτοῖσ ἠριθμεῖτο κακά·

ἔτι δὲ αὐτοῦ λέγοντοσ οἱ τῶν κακῶν αἴτιοι συλλαβόντεσ αὐτὸν κατὰ κεφαλῆσ ἐξωθοῦσιν ἐκ τοῦ θεάτρου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 19, chapter 8

(디오니시오스, Antiquitates Romanae, Books X-XX, book 19, chapter 8)

상위

목록

SEARCH

MENU NAVIGATION