Aristophanes, Thesmophoriazusae, Lyric-Scene, lyric

ὦ νὺξ ἱερὰ ὡσ μακρὸν ἵππευμα διώκεισ ἀστεροειδέα νῶτα διφρεύουσ’ αἰθέροσ ἱερᾶσ τοῦ σεμνοτάτου δι’ Ὀλύμπου; δι’ Ὀλύμπου. τί ποτ’ Ἀνδρομέδα περίαλλα κακῶν μέροσ ἐξέλαχον ‐ μέροσ ἐξέλαχον ‐ θανάτου τλήμων; θανάτου τλήμων; ἀπολεῖσ μ’ ὦ γραῦ στωμυλλομένη. στωμυλλομένη. νὴ Δί’ ὀχληρά γ’ εἰσήρρηκασ λίαν. λίαν. ὦγάθ’ ἐάσόν με μονῳδῆσαι, καὶ χαριεῖ μοι. παῦσαι. παῦσαι. βάλλ’ ἐσ κόρακασ. βάλλ’ ἐσ κόρακασ. τί κακόν; τί κακόν; ληρεῖσ. ληρεῖσ. οἴμωζ’. οἴμωζ’. ὀτότυζ’. ὀτότυζ’. οὖτοσ σί λαλῖσ; οὖτοσ σί λαλῖσ; πρυτάνεισ καλέσω; πρυτάνεισ καλέσω; σί κακόν; σί κακόν; πῶτε τὸ πωνή; πῶτε τὸ πωνή; σὺ λαλῖσ; σὺ λαλῖσ; κλαύσει. κλαύσει. κακκάσκι μοι; κακκάσκι μοι; μὰ Δί’ ἀλλὰ γυνὴ πλησίον αὕτη. πλησίον αὕτη. ποῦ στ’ η’ μιαρά; καὶ δὴ πεύγει. ποῖ ποῖ πεύγεισ; < ποῖ ποῖ πεύγεισ; > οὐ καιρήσεισ; < οὐ καιρήσεισ; > ἔτι γὰρ γρύζεισ; ἔτι γὰρ γρύζεισ; λαβὲ τὴ μιαρά. λαβὲ τὴ μιαρά. λάλο καὶ κατάρατο γύναικο.