Aristophanes, Lysistrata, Lyric-Scene, lyric

πρόσαγε χορόν, ἔπαγε <δὲ> Χάριτασ, ἐπὶ δὲ κάλεσον Ἄρτεμιν, ἐπὶ δὲ δίδυμον ἀγέχορον Ιἤιον εὔφρον’, ἐπὶ δὲ Νύσιον, ὃσ μετὰ μαινάσι Βάκχιοσ ὄμμασι δαίεται, Δία τε πυρὶ φλεγόμενον, ἐπί τε πότνιαν ἄλοχον ὀλβίαν· εἶτα δὲ δαίμονασ, οἷσ ἐπιμάρτυσι χρησόμεθ’ οὐκ ἐπιλήσμοσιν Ἡσυχίασ πέρι τῆσ ἀγανόφρονοσ, ἣν ἐποίησε θεὰ Κύπρισ. ἀλαλαὶ ἰὴ παιήων· αἴρεσθ’ ἄνω ἰαί, ὡσ ἐπὶ νίκῃ ἰαί. εὐοῖ εὐοῖ, εὐαί εὐαί. πρόφαινε δὴ σὺ Μοῦσαν ἐπὶ νέᾳ νέαν.