헬라어 문장 검색 - Αεσξηψ́Προμετή03́2́

(아이스킬로스, 결박된 프로메테우스, episode, anapests)

ἥκω δολιχῆσ τέρμα κελεύθου διαμειψάμενοσ πρὸσ σέ, Προμηθεῦ, τὸν πτερυγωκῆ τόνδ’ οἰωνὸν γνώμῃ στομίων ἄτερ εὐθύνων· ταῖσ σαῖσ δὲ τύχαισ, ἴσθι, συναλγῶ. τὸ τε γάρ με, δοκῶ, συγγενὲσ οὕτωσ ἐσαναγκάζει, χωρίσ τε γένουσ οὐκ ἔστιν ὅτῳ μείζονα μοῖραν νείμαιμ’ ἢ σοί. γνώσῃ δὲ τάδ’ ὡσ ἔτυμ’, οὐδὲ μάτην χαριτογλωσσεῖν ἔνι μοι· φέρε γὰρ σήμαιν’ ὅ τι χρή σοι συμπράσσειν· οὐ γάρ ποτ’ ἐρεῖσ ὡσ Ὠκεανοῦ φίλοσ ἐστὶ βεβαιότερόσ σοι. ἐά·

τί χρῆμα λεύσσω; καὶ σὺ δὴ πόνων ἐμῶν ἥκεισ ἐπόπτησ; πῶσ ἐτόλμησασ, λιπὼν ἐπώνυμόν τε ῥεῦμα καὶ πετρηρεφῆ αὐτόκτιτ’ ἄντρα, τὴν σιδηρομήτορα ἐλθεῖν ἐσ αἰᾶν; ἦ θεωρήσων τύχασ ἐμὰσ ἀφῖξαι καὶ συνασχαλῶν κακοῖσ; δέρκου θέαμα, τόνδε τὸν Διὸσ φίλον, τὸν συγκαταστήσαντα τὴν τυραννίδα, οἱαίσ ὑπ’ αὐτοῦ πημοναῖσι κάμπτομαι. ὁρῶ, Προμηθεῦ, καὶ παραινέσαι γέ σοι θέλω τὰ λῷστα, καίπερ ὄντι ποικίλῳ. γίγνωσκε σαυτὸν καὶ μεθάρμοσαι τρόπουσ νέουσ· νέοσ γὰρ καὶ τύραννοσ ἐν θεοῖσ. εἰ δ’ ὧδε τραχεῖσ καὶ τεθηγμένουσ λόγουσ ῥίψεισ, τάχ’ ἄν σου καὶ μακρὰν ἀνωτέρω θακῶν κλύοι Ζεύσ, ὥστε σοι τὸν νῦν ὄχλον παρόντα μόχθων παιδιὰν εἶναι δοκεῖν. ἀλλ’, ὦ ταλαίπωρ’, ἃσ ἔχεισ ὀργὰσ ἄφεσ, ζήτει δὲ τῶνδε πημάτων ἀπαλλαγάσ. ἀρχαῖ’ ἴσωσ σοι φαίνομαι λέγειν τάδε· τοιαῦτα μέντοι τῆσ ἄγαν ὑψηγόρου γλώσσησ, Προμηθεῦ, τἀπίχειρα γίγνεται. σὺ δ’ οὐδέπω ταπεινὸσ οὐδ’ εἴκεισ κακοῖσ, πρὸσ τοῖσ παροῦσι δ’ ἄλλα προσλαβεῖν θέλεισ. οὔκουν ἔμοιγε χρώμενοσ διδασκάλῳ πρὸσ κέντρα κῶλον ἐκτενεῖσ, ὁρῶν ὅτι τραχὺσ μόναρχοσ οὐδ’ ὑπεύθυνοσ κρατεῖ. καὶ νῦν ἐγὼ μὲν εἶμι καὶ πειράσομαι ἐὰν δύνωμαι τῶνδέ σ’ ἐκλῦσαι πόνων. σὺ δ’ ἡσύχαζε μηδ’ ἄγαν λαβροστόμει. ἢ οὐκ οἶσθ’ ἀκριβῶσ ὢν περισσόφρων ὅτι γλώσσῃ ματαίᾳ ζημία προστρίβεται; ζηλῶ σ’ ὁθούνεκ’ ἐκτὸσ αἰτίασ κυρεῖσ τούτων μετασχεῖν καὶ τετολμηκὼσ ἐμοί.

καὶ νῦν ἐάσον μηδέ σοι μελησάτω. πάντωσ γὰρ οὐ πείσεισ νιν· οὐ γὰρ εὐπιθήσ. πάπταινε δ’ αὐτὸσ μή τι πημανθῇσ ὁδῷ. πολλῷ γ’ ἀμείνων τοὺσ πέλασ φρενοῦν ἔφυσ ἢ σαυτόν· ἔργῳ κοὐ λόγῳ τεκμαίρομαι. ὁρμώμενον δὲ μηδαμῶσ ἀντισπάσῃσ. αὐχῶ γὰρ αὐχῶ τήνδε δωρεὰν ἐμοὶ δώσειν Δί’, ὥστε τῶνδέ σ’ ἐκλῦσαι πόνων. τὰ μὲν σ’ ἐπαινῶ κοὐδαμῇ λήξω ποτέ·

προθυμίασ γὰρ οὐδὲν ἐλλείπεισ. ἀτὰρ μηδὲν πόνει. μάτην γὰρ οὐδὲν ὠφελῶν ἐμοὶ πονήσεισ, εἴ τι καὶ πονεῖν θέλεισ. ἀλλ’ ἡσύχαζε σαυτὸν ἐκποδὼν ἔχων· ἐγὼ γὰρ οὐκ, εἰ δυστυχῶ, τοῦδ’ εἵνεκα θέλοιμ’ ἂν ὡσ πλείστοισι πημονὰσ τυχεῖν. οὐ δῆτ’ ἐπεί με καὶ κασιγνήτου τύχαι τείρουσ’ Ἄτλαντοσ, ὃσ πρὸσ ἑσπέρουσ τόπουσ ἕστηκε κίον’ οὐρανοῦ τε καὶ χθονὸσ ὤμοισ ἐρείδων, ἄχθοσ οὐκ εὐάγκαλον. τὸν γηγενῆ τε Κιλικίων οἰκήτορα ἄντρων ἰδὼν ᾤκτιρα, δάιον τέρασ ἑκατογκάρανον πρὸσ βίαν χειρούμενον Τυφῶνα θοῦρον· πᾶσιν ὅσ ἀντέστη θεοῖσ, σμερδναῖσι γαμφηλαῖσι συρίζων φόβον· ἐξ ὀμμάτων δ’ ἤστραπτε γοργωπὸν σέλασ, ὡσ τὴν Διὸσ τυραννίδ’ ἐκπέρσων βίᾳ· ἀλλ’ ἦλθεν αὐτῷ Ζηνὸσ ἄγρυπνον βέλοσ, καταιβάτησ κεραυνὸσ ἐκπνέων φλόγα, ὃσ αὐτὸν ἐξέπληξε τῶν ὑψηγόρων κομπασμάτων. φρένασ γὰρ εἰσ αὐτὰσ τυπεὶσ ἐφεψαλώθη κἀξεβροντήθη σθένοσ. καὶ νῦν ἀχρεῖον καὶ παράορον δέμασ κεῖται στενωποῦ πλησίον θαλασσίου ἰπούμενοσ ῥίζαισιν Αἰτναίαισ ὕπο· κορυφαῖσ δ’ ἐν ἄκραισ ἥμενοσ μυδροκτυπεῖ Ἥφαιστοσ· ἔνθεν ἐκραγήσονταί ποτε ποταμοὶ πυρὸσ δάπτοντεσ ἀγρίαισ γνάθοισ τῆσ καλλικάρπου Σικελίασ λευροὺσ γύασ· τοιόνδε Τυφὼσ ἐξαναζέσει χόλον θερμοῖσ ἀπλάτου βέλεσι πυρπνόου ζάλησ, καίπερ κεραυνῷ Ζηνὸσ ἠνθρακωμένοσ. σὺ δ’ οὐκ ἄπειροσ, οὐδ’ ἐμοῦ διδασκάλου χρῄζεισ·

σεαυτὸν σῷζ’ ὅπωσ ἐπίστασαι· ἐγὼ δὲ τὴν παροῦσαν ἀντλήσω τύχην, ἔστ’ ἂν Διὸσ φρόνημα λωφήσῃ χόλου. οὔκουν, Προμηθεῦ, τοῦτο γιγνώσκεισ, ὅτι ὀργῆσ νοσούσησ εἰσὶν ἰατροὶ λόγοι;

ἐάν τισ ἐν καιρῷ γε μαλθάσσῃ κέαρ καὶ μὴ σφριγῶντα θυμὸν ἰσχναίνῃ βίᾳ. ἐν τῷ προθυμεῖσθαι δὲ καὶ τολμᾶν τίνα ὁρᾷσ ἐνοῦσαν ζημίαν; δίδασκέ με. μόχθον περισσὸν κουφόνουν τ’ εὐηθίαν. ἐά με τῇδε τῇ νόσῳ νοσεῖν, ἐπεὶ κέρδιστον εὖ φρονοῦντα μὴ φρονεῖν δοκεῖν. ἐμὸν δοκήσει τἀμπλάκημ’ εἶναι τόδε. σαφῶσ μ’ ἐσ οἶκον σὸσ λόγοσ στέλλει πάλιν. μὴ γάρ σε θρῆνοσ οὑμὸσ εἰσ ἔχθραν βάλῃ. ἦ τῷ νέον θακοῦντι παγκρατεῖσ ἕδρασ; τούτου φυλάσσου μή ποτ’ ἀχθεσθῇ κέαρ. ἡ σή, Προμηθεῦ, συμφορὰ διδάσκαλοσ. στέλλου, κομίζου, σῷζε τὸν παρόντα νοῦν. ὁρμωμένῳ μοι τόνδ’ ἐθώυξασ λόγον. λευρὸν γὰρ οἷμον αἰθέροσ ψαίρει πτεροῖσ τετρασκελὴσ οἰωνόσ· ἄσμενοσ δέ τἂν σταθμοῖσ ἐν οἰκείοισι κάμψειεν γόνυ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Prometheus Bound, episode, anapests

(아이스킬로스, 결박된 프로메테우스, episode, anapests)

상위

목록

SEARCH

MENU NAVIGATION