헬라어 문장 검색 - ΧενοπήΜινορΩό7́05́

(크세노폰, Minor Works, Πόροι ἢ περὶ Προσόδων, chapter 5)

εἰ δὲ σαφὲσ δοκεῖ εἶναι ὡσ, εἰ μέλλουσι πᾶσαι αἱ πρόσοδοι ἔκπλεῳ προσιέναι, ὅτι εἰρήνην δεῖ ὑπάρχειν, ἆρ’ οὐκ ἄξιον καὶ εἰρηνοφύλακασ καθιστάναι; πολὺ γὰρ ἂν καὶ αὕτη αἱρεθεῖσα ἡ ἀρχὴ προσφιλεστέραν καὶ οἰκειοτέραν εἰσαφικνεῖσθαι πᾶσιν ἀνθρώποισ ποιήσειε τὴν πόλιν. εἰ δέ τινεσ οὕτω γιγνώσκουσιν, ὡσ ἐὰν ἡ πόλισ εἰρήνην ἄγουσα διατελῇ, ἀδυνατωτέρα τε καὶ ἀδοξοτέρα καὶ ἧττον ὀνομαστὴ ἐν τῇ Ἑλλάδι ἔσται, καὶ οὗτοί γε ὡσ ἐμῇ δόξῃ παραγγέλλω σκοποῦσιν.

εὐδαιμονέσταται μὲν γὰρ δήπου πόλεισ λέγονται, αἳ ἂν πλεῖστον χρόνον ἐν εἰρήνῃ διατελῶσι· πασῶν δὲ πόλεων Ἀθῆναι μάλιστα πεφύκασιν ἐν εἰρήνῃ αὔξεσθαι. τίνεσ γὰρ ἡσυχίαν ἀγούσησ τῆσ πόλεωσ οὐ προσδέοιντ’ ἂν αὐτῆσ ἀρξάμενοι ἀπὸ ναυκλήρων καὶ ἐμπόρων;

οὐχ οἱ πολύσιτοι, οὐχ οἱ πολύοινοι οὐχ οἱ ἡδύοινοι; τί δὲ οἱ πολυέλαιοι, τί δὲ οἱ πολυπρόβατοι, οἱ δὲ γνώμῃ καὶ ἀργυρίῳ δυνάμενοι χρηματίζεσθαι; καὶ μὴν χειροτέχναι τε καὶ σοφισταὶ καὶ φιλόσοφοι, οἱ δὲ ποιηταί, οἱ δὲ τὰ τούτων μεταχειριζόμενοι, οἱ δὲ ἀξιοθεάτων ἢ ἀξιακούστων ἱερῶν ἢ ὁσίων ἐπιθυμοῦντεσ;

ἀλλὰ μὴν καὶ οἱ δεόμενοι πολλὰ ταχὺ ἀποδίδοσθαι ἢ πρίασθαι ποῦ τούτων μᾶλλον ἂν τύχοιεν ἢ Ἀθήνησιν; εἰ δὲ πρὸσ ταῦτα μὲν οὐδεὶσ ἀντιλέγει, τὴν δὲ ἡγεμονίαν βουλόμενοί τινεσ ἀναλαβεῖν τὴν πόλιν, ταύτην διὰ πολέμου μᾶλλον ἢ δι’ εἰρήνησ ἡγοῦνται ἂν καταπραχθῆναι, ἐννοησάτωσαν πρῶτον μὲν τὰ Μηδικά, πότερον βιαζόμενοι ἢ εὐεργετοῦντεσ τοὺσ Ἕλληνασ ἡγεμονίασ τε τοῦ ναυτικοῦ καὶ ἑλληνοταμιείασ ἐτύχομεν.

ἔτι δὲ ἐπεὶ ὠμῶσ ἄγαν δόξασα προστατεύειν ἡ πόλισ ἐστερήθη τῆσ ἀρχῆσ, οὐ καὶ τότε, ἐπεὶ τοῦ ἀδικεῖν ἀπεσχόμεθα, πάλιν ὑπὸ τῶν νησιωτῶν ἑκόντων προστάται τοῦ ναυτικοῦ ἐγενόμεθα;

οὔκουν καὶ Θηβαῖοι εὐεργετούμενοι ἡγεμονεύειν αὑτῶν ἔδωκαν Ἀθηναίοισ;

ἀλλὰ μὴν καὶ Λακεδαιμόνιοι οὐ βιασθέντεσ ὑφ’ ἡμῶν ἀλλ’ εὖ πάσχοντεσ ἐπέτρεψαν Ἀθηναίοισ περὶ τῆσ ἡγεμονίασ θέσθαι ὅπωσ βούλοιντο. νῦν δέ γε διὰ τὴν ἐν τῇ Ἑλλάδι ταραχὴν παραπεπτωκέναι μοι δοκεῖ τῇ πόλει ὥστε καὶ ἄνευ πόνων καὶ ἄνευ κινδύνων καὶ ἄνευ δαπάνησ ἀνακτᾶσθαι τοὺσ Ἕλληνασ.

ἔστι μὲν γὰρ πειρᾶσθαι διαλλάττειν τὰσ πολεμούσασ πρὸσ ἀλλήλασ πόλεισ, ἔστι δὲ συναλλάττειν, εἴ τινεσ ἐν αὑταῖσ στασιάζουσιν. εἰ <δὲ> καὶ ὅπωσ τὸ ἐν Δελφοῖσ ἱερὸν αὐτόνομον ὥσπερ πρόσθεν γένοιτο φανεροὶ εἰήτ’ ἐπιμελούμενοι, μὴ συμπολεμοῦντεσ ἀλλὰ πρεσβεύοντεσ ἀνὰ τὴν Ἑλλάδα, ἐγὼ μὲν οὐδὲν ἂν οἶμαι θαυμαστὸν εἶναι, εἰ καὶ πάντασ τοὺσ Ἕλληνασ ὁμογνώμονάσ τε καὶ συνόρκουσ καὶ συμμάχουσ λάβοιτε ἐπ’ ἐκείνουσ, οἵτινεσ ἐκλιπόντων Φωκέων τὸ ἱερὸν καταλαμβάνειν πειρῷντο.

εἰ δὲ καὶ ὅπωσ ἀνὰ πᾶσαν γῆν καὶ θάλατταν εἰρήνη ἔσται φανεροὶ εἰήτε ἐπιμελόμενοι, ἐγὼ μὲν οἶμαι πάντασ ἂν εὔχεσθαι μετὰ τὰσ ἑαυτῶν πατρίδασ Ἀθήνασ μάλιστα σῴζεσθαι.

εἰ δέ τισ αὖ εἰσ χρήματα κερδαλεώτερον νομίζει εἶναι τῇ πόλει πόλεμον ἢ εἰρήνην, ἐγὼ μὲν οὐκ οἶδα πῶσ ἂν ἄμεινον ταῦτα κριθείη ἢ εἴ τισ τὰ προγεγενημένα ἐπανασκοποίη τῇ πόλει πῶσ ἀποβέβηκεν.

εὑρήσει γὰρ τό τε παλαιὸν ἐν εἰρήνῃ μὲν πάνυ πολλὰ χρήματα εἰσ τὴν πόλιν ἀνενεχθέντα, ἐν πολέμῳ δὲ πάντα ταῦτα καταδαπανηθέντα·

γνώσεται δ’, ἢν σκοπῇ, καὶ ἐν τῷ νῦν χρόνῳ διὰ μὲν τὸν πόλεμον καὶ τῶν προσόδων πολλὰσ ἐκλιπούσασ καὶ τὰσ εἰσελθούσασ εἰσ παντοδαπὰ πολλὰ καταδαπανηθείσασ, ἐπεὶ δὲ εἰρήνη κατὰ θάλατταν γεγένηται, ηὐξημένασ τε τὰσ προσόδουσ, καὶ ταύταισ ἐξὸν τοῖσ πολίταισ χρῆσθαι ὅ τι βούλονται. εἰ δέ τίσ με ἐπερωτῴη·

Ἦ καί, ἄν τισ ἀδικῇ τὴν πόλιν, λέγεισ ὡσ χρὴ καὶ πρὸσ τοῦτον εἰρήνην ἄγειν; οὐκ ἂν φαίην· ἀλλὰ μᾶλλον λέγω ὅτι πολὺ θᾶττον ἂν τιμωροίμεθα αὐτούσ, εἰ μηδένα ὑπάρχοιμεν ἀδικοῦντεσ· οὐδένα γὰρ ἂν ἔχοιεν σύμμαχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Πόροι ἢ περὶ Προσόδων, chapter 5

(크세노폰, Minor Works, Πόροι ἢ περὶ Προσόδων, chapter 5)

상위

목록

SEARCH

MENU NAVIGATION