Xenophon, Minor Works, Λακεδαιμονίων Πολιτεία, chapter 15

(크세노폰, Minor Works, Λακεδαιμονίων Πολιτεία, chapter 15)

βούλομαι δὲ καὶ ἃσ βασιλεῖ πρὸσ τὴν πόλιν συνθήκασ ὁ Λυκοῦργοσ ἐποίησε διηγήσασθαι· μόνη γὰρ δὴ αὕτη ἀρχὴ διατελεῖ οἱάπερ ἐξ ἀρχῆσ κατεστάθη· τὰσ δὲ ἄλλασ πολιτείασ εὑρ́οι ἄν τισ μετακεκινημένασ καὶ ἔτι καὶ νῦν μετακινουμένασ. ἔθηκε γὰρ θύειν μὲν βασιλέα πρὸ τῆσ πόλεωσ τὰ δημόσια ἅπαντα, ὡσ ἀπὸ τοῦ θεοῦ ὄντα, καὶ στρατιὰν ὅποι ἂν ἡ πόλισ ἐκπέμπῃ ἡγεῖσθαι.

ἔδωκε δὲ καὶ γέρα ἀπὸ τῶν θυομένων λαμβάνειν, καὶ γῆν δὲ ἐν πολλαῖσ τῶν περιοίκων πόλεων ἀπέδειξεν ἐξαίρετον τοσαύτην ὥστε μήτ’ ἐνδεῖσθαι τῶν μετρίων μήτε πλούτῳ ὑπερφέρειν.

ὅπωσ δὲ καὶ οἱ βασιλεῖσ ἔξω σκηνοῖεν, σκηνὴν αὐτοῖσ δημοσίαν ἀπέδειξε, καὶ διμοιρίᾳ γε ἐπὶ τῷ δείπνῳ ἐτίμησεν, οὐχ ἵνα διπλάσια καταφάγοιεν, ἀλλ’ ἵνα καὶ ἀπὸ τοῦδε τιμῆσαι ἔχοιεν εἴ τινα βούλοιντο.

ἔδωκε δ’ αὖ καὶ συσκήνουσ δύο ἑκατέρῳ προσελέσθαι, οἳ δὴ καὶ Πύθιοι καλοῦνται.

ἔδωκε δὲ καὶ πασῶν τῶν συῶν ἀπὸ τόκου χοῖρον λαμβάνειν, ὡσ μήποτε ἀπορήσαι βασιλεὺσ ἱερῶν, ἤν τι δεηθῇ θεοῖσ συμβουλεύσασθαι. καὶ πρὸσ τῇ οἰκίᾳ δὲ λίμνη ὕδατοσ <ἀφθονίαν> παρέχει·

ὅτι δὲ καὶ τοῦτο πρὸσ πολλὰ χρήσιμον, οἱ μὴ ἔχοντεσ αὐτὸ μᾶλλον γιγνώσκουσι. καὶ ἕδρασ δὲ πάντεσ ὑπανίστανται βασιλεῖ, πλὴν οὐκ ἔφοροι ἀπὸ τῶν ἐφορικῶν δίφρων. καὶ ὁρ́κουσ δὲ ἀλλήλοισ κατὰ μῆνα ποιοῦνται, ἔφοροι μὲν ὑπὲρ τῆσ πόλεωσ, βασιλεὺσ δὲ ὑπὲρ ἑαυτοῦ.

ὁ δὲ ὁρ́κοσ ἐστὶ τῷ μὲν βασιλεῖ κατὰ τοὺσ τῆσ πόλεωσ κειμένουσ νόμουσ βασιλεύσειν, τῇ δὲ πόλει ἐμπεδορκοῦντοσ ἐκείνου ἀστυφέλικτον τὴν βασιλείαν παρέξειν. αὗται μὲν οὖν αἱ τιμαὶ οἴκοι ζῶντι βασιλεῖ δέδονται, οὐδέν τι πολὺ ὑπερφέρουσαι τῶν ἰδιωτικῶν·

οὐ γὰρ ἐβουλήθη οὔτε τοῖσ βασιλεῦσι τυραννικὸν φρόνημα παραστῆσαι οὔτε τοῖσ πολίταισ φθόνον ἐμποιῆσαι τῆσ δυνάμεωσ. αἳ δὲ τελευτήσαντι τιμαὶ βασιλεῖ δέδονται, τῇδε βούλονται δηλοῦν οἱ Λυκούργου νόμοι ὅτι οὐχ ὡσ ἀνθρώπουσ ἀλλ’ ὡσ ἡρ́ωασ τοὺσ Λακεδαιμονίων βασιλεῖσ προτετιμήκασι.

SEARCH

MENU NAVIGATION