헬라어 문장 검색 - ΧενοπήΜινορΩό3́13́

(크세노폰, Minor Works, Λακεδαιμονίων Πολιτεία, chapter 13)

διηγήσομαι δὲ καὶ ἣν ἐπὶ στρατιᾶσ ὁ Λυκοῦργοσ βασιλεῖ δύναμιν καὶ τιμὴν κατεσκεύασε. πρῶτον μὲν γὰρ ἐπὶ φρουρᾶσ τρέφει ἡ πόλισ βασιλέα καὶ τοὺσ σὺν αὐτῷ· συσκηνοῦσι δὲ αὐτῷ οἱ πολέμαρχοι, ὅπωσ ἀεὶ συνόντεσ μᾶλλον καὶ κοινοβουλῶσιν, ἤν τι δέωνται· συσκηνοῦσι δὲ καὶ ἄλλοι τρεῖσ ἄνδρεσ τῶν ὁμοίων· οὗτοι τούτοισ ἐπιμελοῦνται πάντων τῶν ἐπιτηδείων, ὡσ μηδεμία ἀσχολία ᾖ αὐτοῖσ τῶν πολεμικῶν ἐπιμελεῖσθαι. ἐπαναλήψομαι δὲ ὡσ ἐξορμᾶται σὺν στρατιᾷ ὁ βασιλεύσ.

θύει μὲν γὰρ πρῶτον οἴκοι ὢν Διὶ Ἀγήτορι καὶ τοῖσ σιοῖν αὐτῷ· ἢν δὲ ἐνταῦθα καλλιερήσῃ, λαβὼν ὁ πυρφόροσ πῦρ ἀπὸ τοῦ βωμοῦ προηγεῖται ἐπὶ τὰ ὁρ́ια τῆσ χώρασ· ὁ δὲ βασιλεὺσ ἐκεῖ αὖ θύεται Διὶ καὶ Ἀθηνᾷ. ὅταν δὲ ἀμφοῖν τούτοιν τοῖν θεοῖν καλλιερηθῇ, τότε διαβαίνει τὰ ὁρ́ια τῆσ χώρασ·

καὶ τὸ πῦρ μὲν ἀπὸ τούτων τῶν ἱερῶν προηγεῖται οὔποτε ἀποσβεννύμενον, σφάγια δὲ παντοῖα ἕπεται. ἀεὶ δὲ ὅταν θύηται, ἄρχεται μὲν τούτου τοῦ ἔργου ἔτι κνεφαῖοσ, προλαμβάνειν βουλόμενοσ τὴν τοῦ θεοῦ εὔνοιαν. πάρεισι δὲ περὶ τὴν θυσίαν πολέμαρχοι, λοχαγοί, πεντηκοντῆρεσ, ξένων στρατίαρχοι, στρατοῦ σκευοφορικοῦ ἄρχοντεσ, καὶ τῶν ἀπὸ τῶν πόλεων δὲ στρατηγῶν ὁ βουλόμενοσ·

πάρεισι δὲ καὶ τῶν ἐφόρων δύο, οἳ πολυπραγμονοῦσι μὲν οὐδέν, ἢν μὴ ὁ βασιλεὺσ προσκαλῇ·

ὁρῶντεσ δὲ ὅ τι ποιεῖ ἕκαστοσ πάντασ σωφρονίζουσιν, ὡσ τὸ εἰκόσ. ὅταν δὲ τελεσθῇ τὰ ἱερά, ὁ βασιλεὺσ προσκαλέσασ πάντασ παραγγέλλει τὰ ποιητέα. ὥστε ὁρῶν ταῦτα ἡγήσαιο ἂν τοὺσ μὲν ἄλλουσ αὐτοσχεδιαστὰσ εἶναι τῶν στρατιωτικῶν, Λακεδαιμονίουσ δὲ μόνουσ τῷ ὄντι τεχνίτασ τῶν πολεμικῶν. ἐπειδάν γε μὴν ἡγῆται βασιλεύσ, ἢν μὲν μηδεὶσ ἐναντίοσ φαίνηται, οὐδεὶσ αὐτοῦ πρόσθεν πορεύεται, πλὴν Σκιρῖται καὶ οἱ προερευνώμενοι ἱππεῖσ·

ἢν δέ ποτε μάχην οἰώνται ἔσεσθαι, λαβὼν τὸ ἄγημα τῆσ πρώτησ μόρασ ὁ βασιλεὺσ ἄγει στρέψασ ἐπὶ δόρυ, ἔστ’ ἂν γένηται ἐν μέσῳ δυοῖν μόραιν καὶ δυοῖν πολεμάρχοιν. οὓσ δὲ δεῖ ἐπὶ τούτοισ τετάχθαι, ὁ πρεσβύτατοσ τῶν περὶ δαμοσίαν συντάττει·

εἰσὶ δὲ οὗτοι ὅσοι ἂν σύσκηνοι ὦσι τῶν ὁμοίων, καὶ μάντεισ καὶ ἰατροὶ καὶ αὐληταὶ <καὶ> οἱ τοῦ στρατοῦ ἄρχοντεσ, καὶ ἐθελούσιοι ἤν τινεσ παρῶσιν. ὥστε τῶν δεομένων γίγνεσθαι οὐδὲν ἀπορεῖται· οὐδὲν γὰρ ἀπρόσκεπτόν ἐστι. μάλα δὲ καὶ τάδε ὠφέλιμα, ὡσ ἐμοὶ δοκεῖ, ἐμηχανήσατο Λυκοῦργοσ εἰσ τὸν ἐν ὅπλοισ ἀγῶνα.

ὅταν γὰρ ὁρώντων ἤδη τῶν πολεμίων χίμαιρα σφαγιάζηται, αὐλεῖν τε πάντασ τοὺσ παρόντασ αὐλητὰσ νόμοσ καὶ μηδένα Λακεδαιμονίων ἀστεφάνωτον εἶναι· καὶ ὅπλα δὲ λαμπρύνεσθαι προαγορεύεται. ἔξεστι δὲ τῷ νέῳ καὶ κεχριμένῳ εἰσ μάχην συνιέναι καὶ φαιδρὸν εἶναι καὶ εὐδόκιμον.

καὶ παρακελεύονται δὲ τῷ ἐνωμοτάρχῳ· οὐδ’ ἀκούεται γὰρ εἰσ ἑκάστην πᾶσαν τὴν ἐνωμοτίαν ἀφ’ ἑκάστου ἐνωμοτάρχου ἔξω· ὅπωσ δὲ καλῶσ γίγνηται πολεμάρχῳ δεῖ μέλειν. ὅταν γε μὴν καιρὸσ δοκῇ εἶναι στρατοπεδεύεσθαι, τούτου μὲν δὴ κύριοσ βασιλεὺσ καὶ τοῦ δεῖξαί γε ὅπου δεῖ·

τὸ μέντοι πρεσβείασ ἀποπέμπεσθαι καὶ φιλίασ καὶ πολεμίασ, τοῦτ’ οὐ βασιλέωσ. καὶ ἄρχονται μὲν πάντεσ ἀπὸ βασιλέωσ, ὅταν βούλωνται πρᾶξαί τι. ἢν δ’ οὖν δίκησ δεόμενόσ τισ ἔλθῃ, πρὸσ ἑλλανοδίκασ τοῦτον ὁ βασιλεὺσ ἀποπέμπει, ἢν δὲ χρημάτων, πρὸσ ταμίασ, ἢν δὲ ληίδα ἄγων, πρὸσ λαφυροπώλασ.

οὕτω δὲ πραττομένων βασιλεῖ οὐδὲν ἄλλο ἔργον καταλείπεται ἐπὶ φρουρᾶσ ἢ ἱερεῖ μὲν τὰ πρὸσ τοὺσ θεοὺσ εἶναι, στρατηγῷ δὲ τὰ πρὸσ τοὺσ ἀνθρώπουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Λακεδαιμονίων Πολιτεία, chapter 13

(크세노폰, Minor Works, Λακεδαιμονίων Πολιτεία, chapter 13)

상위

목록

SEARCH

MENU NAVIGATION