헬라어 문장 검색 - ΧενοπήΜινορΩό3́12́

(크세노폰, Minor Works, Λακεδαιμονίων Πολιτεία, chapter 12)

ἐρῶ δὲ καὶ ᾗ στρατοπεδεύεσθαι ἐνόμισε χρῆναι Λυκοῦργοσ. διὰ μὲν γὰρ τὸ τὰσ γωνίασ τοῦ τετραγώνου ἀχρήστουσ εἶναι κύκλον ἐστρατοπεδεύσατο, εἰ μὴ ὄροσ ἀσφαλὲσ εἰή ἢ τεῖχοσ ἢ ποταμὸν ὄπισθεν ἔχοιεν. φυλακάσ γε μὴν ἐποίησε μεθημερινὰσ τὰσ μὲν παρὰ τὰ ὅπλα εἴσω βλεπούσασ·

οὐ γὰρ πολεμίων ἕνεκα ἀλλὰ φίλων αὗται καθίστανται· τούσ γε μὴν πολεμίουσ ἱππεῖσ φυλάττουσιν ἀπὸ χωρίων ὧν ἂν ἐκ πλείστου προορῷεν εἰ δέ τισ προσίοι. νύκτωρ <δὲ> ἔξω τῆσ φάλαγγοσ ἐνόμισεν ὑπὸ Σκιριτῶν προφυλάττεσθαι·

νῦν δ’ ἤδη καὶ ὑπὸ ξένων . . . αὐτῶν τινεσ συμπαρόντεσ.

τὸ δὲ ἔχοντασ τὰ δόρατα ἀεὶ περιιέναι, εὖ καὶ τοῦτο δεῖ εἰδέναι, ὅτι τοῦ αὐτοῦ ἕνεκά ἐστιν οὗπερ καὶ τοὺσ δούλουσ εἴργουσιν ἀπὸ τῶν ὅπλων, καὶ τοὺσ ἐπὶ τὰ ἀναγκαῖα ἀπιόντασ οὐ δεῖ θαυμάζειν ὅτι οὔτε ἀλλήλων οὔτε τῶν ὅπλων πλέον ἢ ὅσον μὴ λυπεῖν ἀλλήλουσ ἀπέρχονται· καὶ γὰρ ταῦτα ἀσφαλείασ ἕνεκα ποιοῦσιν. μεταστρατοπεδεύονταί γε μὴν πυκνὰ καὶ τοῦ σίνεσθαι τοὺσ πολεμίουσ ἕνεκα καὶ τοῦ ὠφελεῖν τοὺσ φίλουσ.

καὶ γυμνάζεσθαι δὲ προαγορεύεται ὑπὸ τοῦ νόμου ἅπασι Λακεδαιμονίοισ, ἑώσπερ ἂν στρατεύωνται. ὥστε μεγαλοπρεπεστέρουσ μὲν αὐτοὺσ ἐφ’ ἑαυτοῖσ γίγνεσθαι, ἐλευθεριωτέρουσ δὲ τῶν ἄλλων φαίνεσθαι. δεῖ δὲ οὔτε περίπατον οὔτε δρόμον μάσσω ποιεῖσθαι ἢ ὅσον ἂν ἡ μόρα ἐφήκῃ, ὅπωσ μηδεὶσ τῶν αὑτοῦ ὅπλων πόρρω γίγνηται. μετὰ δὲ τὰ γυμνάσια καθίζειν μὲν ὁ πρῶτοσ πολέμαρχοσ κηρύττει·

ἔστι δὲ τοῦτο ὥσπερ ἐξέτασισ· ἐκ τούτου δὲ ἀριστοποιεῖσθαι καὶ ταχὺ τὸν πρόσκοπον ἀπολύεσθαι· ἐκ τούτου δ’ αὖ διατριβαὶ καὶ ἀναπαύσεισ πρὸ τῶν ἑσπερινῶν γυμνασίων. μετά γε μὴν ταῦτα δειπνοποιεῖσθαι κηρύττεται, καὶ ἐπειδὰν ᾄσωσιν εἰσ τοὺσ θεοὺσ οἷσ ἂν κεκαλλιερηκότεσ ὦσιν, ἐπὶ τῶν ὅπλων ἀναπαύεσθαι.

ὅτι δὲ πολλὰ γράφω οὐ δεῖ θαυμάζειν· ἥκιστα γὰρ Λακεδαιμονίοισ εὑρ́οι ἄν τισ παραλελειμμένα ἐν τοῖσ στρατιωτικοῖσ ὅσα δεῖται ἐπιμελείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Λακεδαιμονίων Πολιτεία, chapter 12

(크세노폰, Minor Works, Λακεδαιμονίων Πολιτεία, chapter 12)

상위

목록

SEARCH

MENU NAVIGATION