헬라어 문장 검색 - ΧενοπήΜινορΩό3́11́

(크세노폰, Minor Works, Λακεδαιμονίων Πολιτεία, chapter 11)

καὶ ταῦτα μὲν δὴ κοινὰ ἀγαθὰ καὶ ἐν εἰρήνῃ καὶ ἐν πολέμῳ· εἰ δέ τισ βούλεται καταμαθεῖν ὅ τι καὶ εἰσ τὰσ στρατείασ βέλτιον τῶν ἄλλων ἐμηχανήσατο, ἔξεστι καὶ τούτων ἀκούειν. πρῶτον μὲν τοίνυν οἱ ἔφοροι προκηρύττουσι τὰ ἔτη εἰσ ἃ δεῖ στρατεύεσθαι καὶ ἱππεῦσι καὶ ὁπλίταισ, ἔπειτα δὲ καὶ τοῖσ χειροτέχναισ·

ὥστε ὅσοισπερ ἐπὶ πόλεωσ χρῶνται ἄνθρωποι, πάντων τούτων καὶ ἐπὶ στρατιᾶσ οἱ Λακεδαιμόνιοι εὐποροῦσι· καὶ ὅσων δὲ ὀργάνων ἡ στρατιὰ κοινῇ δεηθείη ἄν, ἅπαντα τὰ μὲν ἁμάξῃ προστέτακται παρέχειν, τὰ δὲ ὑποζυγίῳ· οὕτω γὰρ ἥκιστ’ ἂν τὸ ἐλλεῖπον διαλάθοι. εἴσ γε μὴν τὸν ἐν τοῖσ ὅπλοισ ἀγῶνα τοιάδ’ ἐμηχανήσατο, στολὴν μὲν ἔχειν φοινικίδα, ταύτην νομίζων ἥκιστα μὲν γυναικείᾳ κοινωνεῖν, πολεμικωτάτην δ’ εἶναι, καὶ χαλκῆν ἀσπίδα·

καὶ γὰρ τάχιστα λαμπρύνεται καὶ σχολαιότατα ῥυπαίνεται. ἐφῆκε δὲ καὶ κομᾶν τοῖσ ὑπὲρ τὴν ἡβητικὴν ἡλικίαν, νομίζων οὕτω καὶ μείζουσ ἂν καὶ ἐλευθεριωτέρουσ καὶ γοργοτέρουσ φαίνεσθαι. οὕτω γε μὴν κατεσκευασμένων μόρασ μὲν διεῖλεν ἓξ καὶ ἱππέων καὶ ὁπλιτῶν.

ἑκάστη δὲ τῶν ὁπλιτικῶν μορῶν ἔχει πολέμαρχον ἕνα, λοχαγοὺσ τέτταρασ, πεντηκοντῆρασ ὀκτώ, ἐνωμοτάρχουσ ἑκκαίδεκα. ἐκ δὲ τούτων τῶν μορῶν διὰ παρεγγυήσεωσ καθίστανται τοτὲ μὲν εἰσ . . . ἐνωμοτίασ, τοτὲ δὲ εἰσ τρεῖσ, τοτὲ δὲ εἰσ ἕξ. ὃ δὲ οἱ πλεῖστοι οἰόνται, πολυπλοκωτάτην εἶναι τὴν ἐν ὅπλοισ Λακωνικὴν τάξιν, τὸ ἐναντιώτατον ὑπειλήφασι τοῦ ὄντοσ·

εἰσὶ μὲν γὰρ ἐν τῇ Λακωνικῇ τάξει οἱ πρωτοστάται ἄρχοντεσ, καὶ ὁ στίχοσ ἕκαστοσ πάντ’ ἔχων ὅσα δεῖ παρέχεσθαι. οὕτω δὲ ῥᾴδιον ταύτην τὴν τάξιν μαθεῖν ὡσ ὅστισ τοὺσ ἀνθρώπουσ δύναται γιγνώσκειν οὐδεὶσ ἂν ἁμάρτοι·

τοῖσ μὲν γὰρ ἡγεῖσθαι δέδοται, τοῖσ δὲ ἕπεσθαι τέτακται. αἱ δὲ παραγωγαὶ ὥσπερ ὑπὸ κήρυκοσ ὑπὸ τοῦ ἐνωμοτάρχου λόγῳ δηλοῦνται <καὶ> ἀραιαί τε καὶ βαθύτεραι αἱ φάλαγγεσ γίγνονται· ὧν οὐδὲν οὐδ’ ὁπωστιοῦν χαλεπὸν μαθεῖν. τὸ μέντοι κἂν ταραχθῶσι μετὰ τοῦ παρατυχόντοσ ὁμοίωσ μάχεσθαι, ταύτην τὴν τάξιν οὐκέτι ῥᾴδιόν ἐστι μαθεῖν πλὴν τοῖσ ὑπὸ τῶν τοῦ Λυκούργου νόμων πεπαιδευμένοισ.

εὐπορώτατα δὲ καὶ ἐκεῖνα Λακεδαιμόνιοι ποιοῦσι τὰ τοῖσ ὁπλομάχοισ πάνυ δοκοῦντα χαλεπὰ εἶναι·

ὅταν μὲν γὰρ ἐπὶ κέρωσ πορεύωνται, κατ’ οὐρὰν δήπου ἐνωμοτία <ἐνωμοτίᾳ> ἕπεται· ἐὰν δ’ ἐν τῷ τοιούτῳ ἐκ τοῦ ἐναντίου πολεμία φάλαγξ ἐπιφανῇ, τῷ ἐνωμοτάρχῳ παρεγγυᾶται εἰσ μέτωπον παρ’ ἀσπίδα καθίστασθαι, καὶ διὰ παντὸσ οὕτωσ, ἔστ’ ἂν ἡ φάλαγξ ἐναντία καταστῇ. ἤν γε μὴν οὕτωσ ἐχόντων ἐκ τοῦ ὄπισθεν οἱ πολέμιοι ἐπιφανῶσιν, ἐξελίττεται ἕκαστοσ ὁ στίχοσ, ἵνα οἱ κράτιστοι ἐναντίοι ἀεὶ τοῖσ πολεμίοισ ὦσιν. ὅτι δὲ ὁ ἄρχων εὐώνυμοσ γίγνεται, οὐδ’ ἐν τούτῳ μειονεκτεῖν ἡγοῦνται, ἀλλ’ ἔστιν ὅτε καὶ πλεονεκτεῖν.

εἰ γάρ τινεσ κυκλοῦσθαι ἐπιχειροῖεν, οὐκ ἂν κατὰ τὰ γυμνά, ἀλλὰ κατὰ τὰ ὡπλισμένα περιβάλλοιεν ἄν. ἢν δέ ποτε ἕνεκά τινοσ δοκῇ συμφέρειν τὸν ἡγεμόνα δεξιὸν κέρασ ἔχειν, στρέψαντεσ τὸ ἄγημα ἐπὶ κέρασ ἐξελίττουσι τὴν φάλαγγα, ἔστ’ ἂν ὁ μὲν ἡγεμὼν δεξιὸσ ᾖ, ἡ δὲ οὐρὰ εὐώνυμοσ γένηται. ἢν δ’ αὖ ἐκ τῶν δεξιῶν πολεμίων τάξισ ἐπιφαίνηται ἐπὶ κέρωσ πορευομένων, οὐδὲν ἄλλο πραγματεύονται ἢ τὸν λόχον ἕκαστον ὥσπερ τριήρη ἀντίπρῳρον τοῖσ ἐναντίοισ στρέφουσι, καὶ οὕτωσ αὖ γίγνεται ὁ κατ’ οὐρὰν λόχοσ παρὰ δόρυ.

ἤν γε μὴν κατὰ τὰ εὐώνυμα πολέμιοι προσίωσιν, οὐδὲ τοῦτ’ ἐῶσιν, ἀλλὰ προθέουσιν ἢ ἐναντίουσ ἀντιπάλουσ τοὺσ λόχουσ στρέφουσι· καὶ οὕτωσ αὖ ὁ κατ’ οὐρὰν λόχοσ παρ’ ἀσπίδα καθίσταται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Λακεδαιμονίων Πολιτεία, chapter 11

(크세노폰, Minor Works, Λακεδαιμονίων Πολιτεία, chapter 11)

상위

목록

SEARCH

MENU NAVIGATION