헬라어 문장 검색 - ΧενοπήΜινορΩό3́08́

(크세노폰, Minor Works, Λακεδαιμονίων Πολιτεία, chapter 8)

ἀλλὰ γὰρ ὅτι μὲν ἐν Σπάρτῃ μάλιστα πείθονται ταῖσ ἀρχαῖσ τε καὶ τοῖσ νόμοισ, ἴσμεν ἅπαντεσ. ἐγὼ μέντοι οὐδ’ ἐγχειρῆσαι οἶμαι πρότερον τὸν Λυκοῦργον ταύτην τὴν εὐταξίαν καθιστάναι πρὶν ὁμογνώμονασ ἐποιήσατο τοὺσ κρατίστουσ τῶν ἐν τῇ πόλει. τεκμαίρομαι δὲ ταῦτα, ὅτι ἐν μὲν ταῖσ ἄλλαισ πόλεσιν οἱ δυνατώτεροι οὐδὲ βούλονται δοκεῖν τὰσ ἀρχὰσ φοβεῖσθαι, ἀλλὰ νομίζουσι τοῦτο ἀνελεύθερον εἶναι·

ἐν δὲ τῇ Σπάρτῃ οἱ κράτιστοι καὶ ὑπέρχονται μάλιστα τὰσ ἀρχὰσ καὶ τῷ ταπεινοὶ εἶναι μεγαλύνονται καὶ τῷ ὅταν καλῶνται τρέχοντεσ ἀλλὰ μὴ βαδίζοντεσ ὑπακούειν, νομίζοντεσ, ἢν αὐτοὶ κατάρχωσι τοῦ σφόδρα πείθεσθαι, ἕψεσθαι καὶ τοὺσ ἄλλουσ· ὅπερ καὶ γεγένηται. εἰκὸσ δὲ καὶ τὴν τῆσ ἐφορείασ δύναμιν τοὺσ αὐτοὺσ τούτουσ συγκατασκευάσαι, ἐπείπερ ἔγνωσαν τὸ πείθεσθαι μέγιστον ἀγαθὸν εἶναι καὶ ἐν πόλει καὶ ἐν στρατιᾷ καὶ ἐν οἴκῳ·

ὅσῳ γὰρ μείζω δύναμιν ἔχει ἡ ἀρχή, τοσούτῳ μᾶλλον ἂν ἡγήσαντο αὐτὴν καὶ καταπλήξειν τοὺσ πολίτασ τοῦ ὑπακούειν. ἔφοροι οὖν ἱκανοὶ μέν εἰσι ζημιοῦν ὃν ἂν βούλωνται, κύριοι δ’ ἐκπράττειν παραχρῆμα, κύριοι δὲ καὶ ἄρχοντασ μεταξὺ καὶ καταπαῦσαι καὶ εἶρξαί γε καὶ περὶ τῆσ ψυχῆσ εἰσ ἀγῶνα καταστῆσαι.

τοσαύτην δὲ ἔχοντεσ δύναμιν οὐχ ὥσπερ αἱ ἄλλαι πόλεισ ἐῶσι τοὺσ αἱρεθέντασ ἀεὶ ἄρχειν τὸ ἔτοσ ὅπωσ ἂν βούλωνται, ἀλλ’ ὥσπερ οἱ τύραννοι καὶ οἱ ἐν τοῖσ γυμνικοῖσ ἀγῶσιν ἐπιστάται, ἤν τινα αἰσθάνωνται παρανομοῦντά τι, εὐθὺσ παραχρῆμα κολάζουσι. πολλῶν δὲ καὶ ἄλλων ὄντων μηχανημάτων καλῶν τῷ Λυκούργῳ εἰσ τὸ πείθεσθαι τοῖσ νόμοισ ἐθέλειν τοὺσ πολίτασ, ἐν τοῖσ καλλίστοισ καὶ τοῦτό μοι δοκεῖ εἶναι, ὅτι οὐ πρότερον ἀπέδωκε τῷ πλήθει τοὺσ νόμουσ πρὶν ἐλθὼν σὺν τοῖσ κρατίστοισ εἰσ Δελφοὺσ ἐπήρετο τὸν θεὸν εἰ λῷον καὶ ἄμεινον εἰή τῇ Σπάρτῃ πειθομένῃ οἷσ αὐτὸσ ἔθηκε νόμοισ.

ἐπεὶ δὲ ἀνεῖλε τῷ παντὶ ἄμεινον εἶναι, τότε ἀπέδωκεν, οὐ μόνον ἄνομον ἀλλὰ καὶ ἀνόσιον θεὶσ τὸ πυθοχρήστοισ νόμοισ μὴ πείθεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Λακεδαιμονίων Πολιτεία, chapter 8

(크세노폰, Minor Works, Λακεδαιμονίων Πολιτεία, chapter 8)

상위

목록

SEARCH

MENU NAVIGATION