헬라어 문장 검색 - ΧενοπήΜινορΩό3́06́

(크세노폰, Minor Works, Λακεδαιμονίων Πολιτεία, chapter 6)

ἐναντία γε μὴν ἔγνω καὶ τάδε τοῖσ πλείστοισ. ἐν μὲν γὰρ ταῖσ ἄλλαισ πόλεσι τῶν ἑαυτοῦ ἕκαστοσ καὶ παίδων καὶ οἰκετῶν καὶ χρημάτων ἄρχουσιν· ὁ δὲ Λυκοῦργοσ, κατασκευάσαι βουλόμενοσ ὡσ ἂν μηδὲν βλάπτοντεσ ἀπολαύοιέν τι οἱ πολῖται ἀλλήλων ἀγαθόν, ἐποίησε παίδων ἕκαστον ὁμοίωσ τῶν ἑαυτοῦ καὶ τῶν ἀλλοτρίων ἄρχειν. ὅταν δέ τισ εἰδῇ ὅτι οὗτοι πατέρεσ εἰσὶ τῶν παίδων, ὧν αὐτὸσ ἄρχει ἀνάγκη οὕτωσ ἄρχειν ὥσπερ ἂν καὶ τῶν ἑαυτοῦ ἄρχεσθαι βούλοιτο.

ἢν δέ τισ παῖσ ποτε πληγὰσ λαβὼν ὑπ’ ἄλλου κατείπῃ πρὸσ τὸν πατέρα, αἰσχρόν ἐστι μὴ οὐκ ἄλλασ πληγὰσ ἐμβάλλειν τῷ υἱεῖ. οὕτω πιστεύουσιν ἀλλήλοισ μηδὲν αἰσχρὸν προστάττειν τοῖσ παισίν. ἐποίησε δὲ καὶ οἰκέταισ, εἴ τισ δεηθείη, χρῆσθαι καὶ τοῖσ ἀλλοτρίοισ.

καὶ κυνῶν δὲ θηρευτικῶν συνῆψε κοινωνίαν· ὥστε οἱ μὲν δεόμενοι παρακαλοῦσιν ἐπὶ θήραν, ὁ δὲ μὴ αὐτὸσ σχολάζων ἡδέωσ ἐκπέμπει. καὶ ἵπποισ δὲ ὡσαύτωσ χρῶνται· ὁ γὰρ ἀσθενήσασ ἢ δεηθεὶσ ὀχήματοσ ἢ ταχύ ποι βουληθεὶσ ἀφικέσθαι, ἤν που ἴδῃ ἵππον ὄντα, λαβὼν καὶ χρησάμενοσ καλῶσ ἀποκαθίστησιν. οὐ μὴν οὐδ’ ἐκεῖνό γε παρὰ τοῖσ ἄλλοισ εἰθισμένον ἐποίησεν ἐπιτηδεύεσθαι.

ὅπου γὰρ ἂν ὑπὸ θήρασ ὀψισθέντεσ δεηθῶσι τῶν ἐπιτηδείων, ἢν μὴ συνεσκευασμένοι τύχωσι, καὶ ἐνταῦθα ἔθηκε τοὺσ μὲν πεπαμένουσ καταλείπειν τὰ πεποιημένα, τοὺσ δὲ δεομένουσ ἀνοίξαντασ τὰ σήμαντρα, λαβόντασ ὅσων ἂν δέωνται σημηναμένουσ καταλιπεῖν. τοιγαροῦν οὕτωσ μεταδιδόντεσ ἀλλήλοισ καὶ οἱ τὰ μικρὰ ἔχοντεσ μετέχουσι πάντων τῶν ἐν τῇ χώρᾳ, ὁπόταν τινὸσ δεηθῶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Λακεδαιμονίων Πολιτεία, chapter 6

(크세노폰, Minor Works, Λακεδαιμονίων Πολιτεία, chapter 6)

상위

목록

SEARCH

MENU NAVIGATION